WÜHKHE 29:17 - AMÜSÜH HÜM CL Bible (BSI)

¹⁷ Mahne nipü moshipung 12, namfimihnupung 2, namfimihnunu kam khülang bankhi 14 lapha mükihkhi jihang,

WÜHKHE 29:17 Iomraidhean Croise

MUNGSHIKHÜN 40:6

Nünü laksah-a kingaünkhi tüsho jihchungkhi mulune; nünü I nükhünbo yeahshungjih; taka kingaün tüsho neak kingaün nünü mükheang.

MUNGSHIKHÜN 69:31

Hanü ajuhbo tüsho abiuobo kihkhi moshi yungsho moshipung kheaknü atsübe thsüde Atungpuh asühshihbah.

ABEKHIT 12:5

Nüsa namfimihnunu ju kam khülang bankhi lapha mükihkhi pung labeah. Nüsanü namfimihnu yungsho mihnu bolungnü alupü kuklah.

ISAIA 1:11

Nüsanü hihdakde laksah-a kingaünkhibo I ki tümü la? Atungpuhnü thachoh; namfimihnupungbo tüsho yimkipkhi shiwühbonü I suhdahde taka kingaündo; inü moshibo yungsho namfimihnunu, yungsho mihnubo thiyih ching masüh.

HOSEA 6:6

Tümüde inü mihmüthsüm lunelah tüsho laksah-a kingaünkhi yung, taka kingaünkhi kheaknü Thrünpuh mükheahkhi lunelah.

LEVI 23:36

Nimung thüne nüsanü Atungpuh kilim taka kingaünbah; atizheah nipü nüsanü amüsüh amukhung labah tüsho Atungpuh kilim taka kingaünbah; ha mülangrüpdo amukhungkhi lah tüsho nüsanü rhimo achak tümü she mürhimobeah.

WÜHKHE 29:13

Nüsanü A TUN GPU H kilim taka kingaünde arhümthüneashihpü ju: moshipung nunu 13, namfimihnupung 2, tüsho kam khülang bankhi namfimihnunu 14. Jurü alala lapha mükihkhi thsübeah.

ROMRÜ KILIM PAULNÜ ATHRÜTKHI KIHÜM HUHTANYU 12:1

Jumonü keoniorübo, Thrünpuh mihmüthsüm hode inü nüsa ki tuthsukchoh: Api tankihkhi ching tsangkhitde tüsho api asühshihde Thrünpuh kilim nüsa rhangdung kingaün jihang. Ha nüsanü ajihpü lakhi thiyuro kingaün ah.

IBRI 8:13

Aso tangzüng thade apinü akhuhbe ju yihnüpü mülakhi kamshihchoh, tüsho küpü yihnüpü mülade kamcho tüsho awün kamchonü nahde dükheakabahbah.