WÜHKHE 28:3 - AMÜSÜH HÜM CL Bible (BSI)

³ Tüsho nünü arü ki thaang, Ha nüsanü Atungpuh kilim taka kingaünbeah: lapha mükihkhi namfimihnunu pung 2 kam khülang bankhi mutukzhakde taka kingaünang.

WÜHKHE 28:3 Iomraidhean Croise

1 KIUTHSÜYUKHEAN 16:40

apinü Israel ki thiyukhüm jihkhi Atungpuh yakzan ching thrüta lakhi nangde yapsu tüsho arelim mutukzhakde taka kingaünkhi kingaün sadam kheak Atungpuh kilim kingaünpü lakheah;

2 KIUTHSÜYUKHEAN 8:13

nimung aban yihnüpü rhimo, Mosa yukhüm yande amunibo, khinu aso, tüsho kam kheam thünio mahsam thsungkheak jih–phaüm muyukkhi thünio, yimlukhi thünio, yünthsünio.

EZRA 3:5

Ju dunglim arünü mutuklode taka kingaün tüsho khinu aso le akhukhita lakhi Atungpuh thünio kingaün, kheaküshe mihtsürü aban nihbenü amulongkhi kingaünbo Atungpuh kilim jih.

DANIEL 11:31

Apinü bonungrübo bemukhungkhinü arüngyam le chipi müneanjihbah. Arünü mutukzhakde taka kingaünkhi tukloshihbah tüsho athraneanbe mihtrebe zhipshihbah.

DANIEL 12:11

Mutukzhakde athraneanbe mihtrebe lakhi kimnü rünbah nimung 1290 labah.

DANIEL 8:11

Yinmi bonungrü yakzanshuhbuh she azhihde bukakhiukde rhimo; api kheaknü mutukzhakde taka kingaünkhi lude tso tüsho api arüngyam lahyuka bahjih.

DANIEL 8:13

Judüki amüsühbuhnü asukkhi inü so, tüsho püpü amüsühbuhnü khülang ki ju asuk, “Taka kingaünkhi, zhikabahshihde neak yihbeakkhi, arüngyam tüsho yinmi bonungrü jungpü michih ha külokhüh laba?”

LEVI 3:5

Amükeamrübonü harü alala taka kingaünkhibo lung kingaünpung kheak yihkih-a takbah. Ha taka kingaünkhi rhümnü Atungpuh asühshihchoh.

LEVI 6:9

Aron tüsho atsührübo ki, ha taka kingaün yakzan ah de thiyukhüm jihang. Taka kingaünpü ju kingaünpung mokin kheak tsüngreroro takde yapsu khiungbah tüsho mo ju kingaünpung kheak taka zobah.

AMOS 4:4

Bethel lim yüang tüsho neak yihbeakang; Gilgal lim yüang tüsho neak alü kamshang; yapsu aban nüsanü laksah-a kingaünkhibo lubah arang, nimung asampü aban ching thürü shihcham lubah arang;

WÜHKHE 28:10

Ha mutukzhakde kingaünkhi tüsho ayungbe kingaün lung yukrude amunimung aban taka kingaünpü lah.

WÜHKHE 28:15

Tüsho neak kingaünpü thsüde, mutukzhakde taka kingaünkhi tüsho ayungbe kingaün lung yukrude neak kingaün thsungkheak mihnupung khülang Atungpuh kilim jihang.

WÜHKHE 28:23

Harübo mutukzhakde taka kingaünkhi lungnü jihang.

WÜHKHE 28:24

Hanangde nüsanü tsühyungpü, nimung thüne taka kingaünde Atungpuh kilim arhümthüneashang; ha taka kingaünkhi tüsho ayungbe kingaün mutukzhakde ajihkhi lungnü kingaünang.

WÜHKHE 28:31

Nüsanü harübo nimung abande taka kingaünkhi tüsho hi kingaün jihkhi lung ajakde ayungbe kingaün lungnü jihang. Shiwühbo ju lapha mükihkhi thsübeah.

WÜHKHE 28:4

Namfimihnunu 1 nüsanü yapsu kingaünang, püpü ju arelim kingaün jihang.

WÜHKHE 29:11

kheaküshe neak kingaünpü mihnupung 1 mutukzhakde taka kingaün, hi kingaün tüsho ayungbe kingaün lungnü jihang.

WÜHKHE 29:16

kheaküshe neak kingaünpü mihnupung 1 mutukzhakde taka kingaünkhi, hi kingaün tüsho ayungbe kingaün lungnü jihang.

WÜHKHE 29:6

jurübo ju khinu aso ching hi taka kingaünkhi, mutukzhakde hi taka kingaünkhi, tüsho ayungbe kingaün, thiyuzüngbo yande monü taka kingaünkhinü Atungpuh kilim arhümthüneashang.

JOHAN 1:29

Ashidopü Johannü api kilim Jisu arüde ngü, tüsho tha, “Kheahang, alomi neak hande atsokhi Thrünpuh namfimihnunu!

IBRI 9:6

Küyimki harü tsanglungkhi banbanü, amükeamrübonü arü tankih rhimopü mutuklode aleangbe khiungshak ching yüzah;

AMIKHEAKAKHIUKKHI 13:8

Alomi ching larü, thrüna lakhi alomi chingnü alaksahkhi Namfimihnunu rhangdung hüm ching mung thrüta mülarü alalanü shiwüh ju kingaünbah.