WÜHKHE 28:2 - AMÜSÜH HÜM CL Bible (BSI)

² Israel mihtsürübo kilim thiyukhüm jihang, tüsho arü ki thaang, I ki kingaünbe, I tsühyungbe monü taka kingaünde I kilim arhümthüneabebo akhukhitkhi kim ching kingaünpü nüsanü kümkangang.

WÜHKHE 28:2 Iomraidhean Croise

THRÜNTAN 8:21

Atungpuhnü arhümthüneakhi münim tüsho api mulong chingnü tha: “Mihtsürü dünkheaknü, api azükinü mulong amütsü laa lalashe, kheaküa inü alo muthrumünean müthsü. Tüsho inü arhimokhi nangde rhangdung lakhi lorilokobo küyimkishe müdükheakshih.

1 KIUTHSÜYUKHEAN 23:31

tüsho amuni, khinu aso, tüsho akhukhitkhi thüniobo ching Atungpuh kilim taka kingaünkhi, arü khekhi yihnüpü ayannü mutuklode Atungpuh kilim jihchoki labah.

2 KIUTHSÜYUKHEAN 23:18

Jehoiadanü Atungpuh yam kümshihpü Levirü amükeamrübo ki thiyi. Arübo Mosa yakzan ching thrüta lakhi nangde Atungpuh yam neakpü, David yukhüm yande asühachihde tüsho khün thsüde Atungpuh kilim taka kingaünkhi jihpü Davidnü thiyia lakheah.

2 KIUTHSÜYUKHEAN 31:3

Kiulongthsüpuhnü nihbuh alakukruk chingnü arung jihkhi ju taka kingaünbebo thsungkheak lakheah: yapsu le are tüsho amunibo, khinu aso, Atungpuh yakzan ching thrütkhi yande akhukhitkhi thüniobo thsungkheak taka kingaünbebo.

EZRA 3:2

Jushu Jozadak tsührü Jeshua buhtsührü amükeamrübo, tüsho Shealtiel tsührü Zerubbabel, api keoniorübo de nungbah Thrünpuh mihtsürü Mosa yakzan hüm ching thrüta lakhi yande Israel Thrünpuh kilim taka kingaünpü arüngyam thsülo.

EZRA 3:3

Arünü ju lomi ching larü trea lalashe, püpüki thsüpungnü arüngpung thrünlo; tüsho arünü mutuklode ju kheak yapsu le are taka kingaün.

NEHEMIA 10:34

Yakzan ching lakhi nangde shepü guknü Atungpuh isa Thrünpuh ki taka kingaünpü sang jihbanü kam aban akhukhitkhi kim ching isa mihtsürübo, amükeamrübo, tüsho Levirübonü azan thsüde alabah.

MUNGSHIKHÜN 81:3

Khinu aso kim ching, khinu münichoki, isa arüngako anioji nimung hulipungpung mütang.

ABEKHIT 23:15

Nüsanü phaüm muyukkhi yikhap thünio mungang; inü nüsa ki thiyukhüm jihkhi nangde Abib khinu akhukhitkhi nimungbo ching nüsanü nimung thüne phaüm muyukkhi yikhap tsühbah, tümüde ha khinu ching nüsa Ijip chingnü akhiukkheah. Sheshe I miki khahkeang darü.

ABEKHIT 29:18

Jushu namfimihnupung abümnü kingaün sadam kheak takang. Haju Atungpuh kilim arhümthüneade monü taka kingaünkhi ah.

EZEKIEL 16:19

Kheaküshe inü nü tsühyungpü jihkhi atsüdak ayikangkang, oliv müdangke tüsho mukhuke, rhümthüneabe nangde arü miki jih. Ha adünjikhi lah, Wuto Atungpuhnü thachoh.

EZEKIEL 20:41

Inü nüsa trükshihbo chingnü bekhitchoki tüsho nüsa hiumüzütpung lomi chingnü bemukhungchoki rhümthüneabe nangde nüsa leangkhibah, tüsho trükshih miki nüsa bolung I amüsüh huhbah.

EZEKIEL 45:17

Tüshe taka kingaün, hi kingaün, tüsho ayungbe kingaün, thüniobo, khinu aso, amunibo, Israel yamkhün yo akhukhitkhi thünio alala ching thsungkheaknü kiulongthsüpuh rhimo ha labah: apinü neak kingaün, hi kingaün, taka kingaün tüsho mungtsü kingaünbo Israel dünthsükhipü jihbah.

LEVI 1:13

tüshe apinü bukning le jingkhahbo kenü amüsühbah, tüsho amükeambuhnü alala lua kingaünpung kheak Atungpuh ki taka kingaün jihbah. Ha taka kingaünkhi rhümnü Atungpuh asühshihchoh.

LEVI 1:17

Apinü muthokhitshihde aghidükeangne kheak tholobah apang ju athorüpbah, tüsho alala kingaünpung sang kheak takbah. Ha taka kingaünkhi rhümnü Atungpuh asühshihchoh.

LEVI 1:9

tüshe bukningbo le ajingbo apinü kenü müsühabahbeah. Tüsho amükeamrünü ju alala Atungpuh asühshihpü kingaün sadam kheaknü arhümthüneade atakbah.

LEVI 21:6

Arünü nihbuh Thrünpuh mung mümüneanbeah. Tümüde arünü arü Thrünpuh tsühyungpü Atungpuh kilim monü taka kingaün jih; jumonü arübo amüsüh labeah.

LEVI 21:8

Jumonü arübo amüsüh ah de khejang, tümüde arünü nüsa Thrünpuh tsühyungpü jihchoh; arübo nüsa kilim amüsüh labah, tümüde I Atungpuh ; I nü müsühkhitjihbuh, amüsüh ah.

LEVI 3:11

Tüsho amükeambuhnü Atungpuh kilim jihkhi tsühyungpü kingaün ah de kingaünpung kheak takbah.

MALAKI 1:12

Tüshe nüsanü Atungpuh dükhüm müneana lah tüsho ha tsühyungbe mükhemükimkhi ah de thade nüsanü ju müneanjihchoh.

MALAKI 1:7

Nüsanü amüneankhi tsühyungpü I kingaün sadam kheak zojih. Tüshe nüsanü thachoh, “ Küde thsah isanü ju müneanshihkhea?” Atungpuh dükhüm mükhemürangpü kuklah de lüm.

WÜHKHE 15:24

tüsho ju botonü mümükheahde yihbeaka lasho, boto alalanü moshipung nunu 1 taka kingaün jihde, Atungpuh kilim arhümthüneashihbah, juju yakzan yande hi kingaün tüsho ayungbe kingaün tüsho neak kingaün thsungkheak mihnupung 1 jurü bolungnü ajihbeah.

WÜHKHE 15:3

tüsho nüsanü Atungpuh kilim taka kingaünkhi yungsho shuhmülanga kingaünkhinü thiyuchihchim yungsho amulongkhi kingaün yungsho akhukhitkhi thünio dünjishihde, moshi yungsho mihnu bolungnü Atungpuh kilim arhümthüneade ajihpü thsüsho,

WÜHKHE 15:7

tüsho ayungbe kingaün ching nünü yukhu pungdüchi 1 kheak niukshakkhüh yukbah Atungpuh kilim arhümthüneade jihang.

WÜHKHE 28:1

Atungpuhnü Mosa ki tha,

WÜHKHE 29:39

Harü ha nüsa thiyuchihchim kingaün tüsho arung kingaün jihkhi lungnü taka kingaün tüsho hi kingaün, ayungbe kingaün tüsho mungtsü kingaünbo thsüde akhukhitkhi thünio kimbo ching nüsanü Atungpuh kilim jihang.

WÜHKHE 9:13

Tüshe mihtsürü shepü müsühla tüsho hantsah müyü, tüshe phunghothünio müleangkhisho, api I mihtsürü lungnü khekhita bahbah, tümütüsho apinü akhukhitkhi kim ching Atungpuh kingaün mühan; api zangrünü api neak hanbah.

WÜHKHE 9:7

tüsho arübonü Mosa ki tha, “ Isabo mihtsürü ashemi qiukhi hode müneana lah, tüshe tümüde isa Israelrü bolung akhukhitkhi kim ching Atungpuh kilim kingaün müjihshihba le?”

2 KORINT 2:15

Tümüde isa ju akhümkhitrü tüsho adükheakrü bolung Thrünpuh kilim Khrista yo arhümthüneabe nangde lah.

EFISIA 5:2

Tüsho Khristanü isa muzhode tüsho isa thsungkheaknü rhümthüneade Thrünpuh kilim api shuhmülanga jihkhi nangde amuzho ching laang.

FILIPI 4:18

Inü khiukde tüsho alü she leangkhido; nüsanü amühahkhi thsambahbo rhümthünea kingaün aleangkhikhukbe, shuhmülanga jihbe tüsho Thrünpuh asühshihbe Epaphrodita kilimnü leangkhibah I suhdahde lah.