WÜHKHE 28:11 - AMÜSÜH HÜM CL Bible (BSI)

¹¹ Khinu aban akhuhbe nimung nüsanü Atungpuh kilim harü taka kingaünang: moshipung nunu 2, mihnupung 1, tüsho kam khülang bankhi lapha mükihkhi namfimihnunu 7;

WÜHKHE 28:11 Iomraidhean Croise

2 KIULONG THSÜRÜ 4:23

Apinü tha, “Tümüde khihni api kilim yüpü? Ha khinu aso yungsho amuni yung.” Alibenü tha, “Ju atsübah.”

1 KIUTHSÜYUKHEAN 23:31

tüsho amuni, khinu aso, tüsho akhukhitkhi thüniobo ching Atungpuh kilim taka kingaünkhi, arü khekhi yihnüpü ayannü mutuklode Atungpuh kilim jihchoki labah.

2 KIUTHSÜYUKHEAN 2:3

Solomonnü Tair kiulongthsüpuh Hiram kilim thiyu yüshih: “ Khülang ki nünü I buh David kheak tsüde lado tüsho api lapü thüyam thsüshihpü cedar sang mühahdo, junangde I ki rhimoang.

2 KIUTHSÜYUKHEAN 2:4

Inü kheakü Atungpuh I Thrünpuh mung thsungkheak thüyam khülang thsüpü lah tüsho api miki rhümthüneabe jihpü, kim aban ahuhbe yikhap zojihpü, tüsho khinu aso amunimungbo le Israel thsungkheak amüsüh-tsangkhit akhukhitkhi Atungpuh isa Thrünpuh thüniobo ching yapsu tüsho are taka kingaünbo thsungkheak api ki müsühkhitbah.

2 KIUTHSÜYUKHEAN 8:13

nimung aban yihnüpü rhimo, Mosa yukhüm yande amunibo, khinu aso, tüsho kam kheam thünio mahsam thsungkheak jih–phaüm muyukkhi thünio, yimlukhi thünio, yünthsünio.

EZRA 3:5

Ju dunglim arünü mutuklode taka kingaün tüsho khinu aso le akhukhita lakhi Atungpuh thünio kingaün, kheaküshe mihtsürü aban nihbenü amulongkhi kingaünbo Atungpuh kilim jih.

NEHEMIA 10:33

Arüngyam kingaün thsungkheak isanü harü alokhi: dükhüm kheak yikhap zopü, nimung aban hi jihchungpü, nimung aban shiwüh taka kingaünpü, Amuni amüsüh kingaünpü, khinu aso niobo, püpü niobo, püpü amüsüh kingaün, Israelrü münean dünthsükhipü kingaün, tüsho arüngyam thsungkheak yihnüpü püpübo.

MUNGSHIKHÜN 40:6

Nünü laksah-a kingaünkhi tüsho jihchungkhi mulune; nünü I nükhünbo yeahshungjih; taka kingaün tüsho neak kingaün nünü mükheang.

MUNGSHIKHÜN 40:8

Inü nü lümkhi ching asühchoh, O I Thrünpuh, tüsho nü yakzan I mulong ching lah.”

MUNGSHIKHÜN 81:3

Khinu aso kim ching, khinu münichoki, isa arüngako anioji nimung hulipungpung mütang.

MUNGSHIKHÜN 81:4

Tümüde ha Israel thsungkheak yakzan thsükhi khülang, tüsho Jakob Thrünpuh yo yakzan khülang lah.

ISAIA 66:23

Khinu aso tüsho amunimung aban, mihtsürü alalanü I miki kingaünpü arübah, Atungpuhnü thachoh.

EZEKIEL 46:1

Atungpuh Thrünpuhnü ha thachoh: Alungbe khikzhakpung ripit aniakhiuklim abinkhi ju rhimopü lakhi nimung thuruk ni rihdoa labah; tüshe amunimung tüsho khinu aso nimung ha khimshuhbah.

EZEKIEL 46:6

Khinu aso nimung apinü lapha mükihkhi moshipung 1 jihbah, tüsho lapha mükihkhi namfimihnunu 6 tüsho namfimihnupung 1;

EZEKIEL 46:7

apinü moshipung lung hi kingaün epha 1 tüsho namfimihnupung lung epha 1 jihbah, tüsho namfimihnunu lung a apinü akukkhi thülün, epha aban müdangke pungdüchi 1 jihbah.

HOSEA 2:11

Inü anihbe asühako, thüniobo, khinu asobo, amunibo tüsho akhukhitkhi thüniobo alala kheamshihbah.

LEVI 1:13

tüshe apinü bukning le jingkhahbo kenü amüsühbah, tüsho amükeambuhnü alala lua kingaünpung kheak Atungpuh ki taka kingaün jihbah. Ha taka kingaünkhi rhümnü Atungpuh asühshihchoh.

LEVI 1:3

Apinü ajihkhi shiwüh ju taka kingaünpü thsüsho, apinü lapha mükihkhi pung handarübeah. Ju Atungpuhnü leangkhikhukpü thsüde Atungpuh shorupung khimyam lunglim yüzah limro zoshang.

LEVI 1:9

tüshe bukningbo le ajingbo apinü kenü müsühabahbeah. Tüsho amükeamrünü ju alala Atungpuh asühshihpü kingaün sadam kheaknü arhümthüneade atakbah.

AMOS 3:5

Qimürip thsüa muzode wuhnu ju qimürip ching phuhcho de? Tümü muphuhde qimürip ju keamcho de?

AMOS 8:5

ha tha, “ Küyimki khinu aso hobaki, junangde isanü hi yinbah; tüsho amuni hobaki, junangde isanü yukyinpü thsungkheak wheat hi jihbah? junangde isanü alü kheangbah, amülim adünara ahoribah, tüsho thülothiyirü ki akeara ching rük thsübah,

WÜHKHE 10:10

Nüsa asüh nimung she, thünio akhukhitkhi tüsho nüsa khinu aso ching, nüsa taka kingaünkhi tüsho mungtsü kingaün shuhmülanga jihkhi kheak nüsanü hulipungpung mütang; jurübo nüsanü Thrünpuh miki nüsa thsungkheak mümihbe labah; I Atungpuh nüsa Thrünpuh.”

WÜHKHE 28:19

Tüsho nüsanü Atungpuh kilim monü taka kingaünkhi harü jihang: moshipung nunu 2, namfimihnupung 2 tüsho kam khülang bankhi namfimihnunu 7; jurübo ju lapha mükihkhi thsübeah.

GALATIA 4:10

Nüsanü nimungbo, khinubo, akheahmünchibo, tüsho kambo arüngchoh!

KOLOSI 2:16

Jumonü atsühpü tüsho ayungpü yungsho thünio le khinu aso yungsho amuni dünkheak keokhikhibo ching shenü she nüsa kheak thiyudükhapshih.

KOLOSI 2:6

Jumonü nüsanü Atungpuh Jisu Khrista leangkhiang, junangde api kheak laang,

1 SAMUEL 20:5

Davidnü Jonathan ki tha, “Shido a khinu aso ah, tüsho yimtsühchoki I kiulongthsüpuh ki binpü mülakphahbeah; tüshe I tsoabahanü, junangde mahsam re khiungde I thulu ching jikbah.

1 SAMUEL 9:12

Arünü alo, “ Am, ju ching api nüsa müngüh lah. Niokheamang; api kheakü lang kiuto ching arüdo, tümütüsho khihni mihtsürübo kingaün sadam kheak laksah-a kingaünpü lah.