WÜHKHE 27:23 - AMÜSÜH HÜM CL Bible (BSI)

²³ Tüsho Atungpuhnü thiyukhüm jihkhi nangde Mosanü Jihusua ku kheak akhah nimbah rhimo jih.

WÜHKHE 27:23 Iomraidhean Croise

WÜHKHE 27:18

Tüsho Atungpuhnü Mosa ki tha, “Nun tsührü Jihusua, me lakhi mihtsürü nünü bedarübah nü khah api kheak nimang;

WÜHKHE 27:19

api amükeambuh Eleazar tüsho boto miki zhipshihbah, arü mük kinü rhimo nimkihjang.

WÜHKHE 27:22

Jumonü Atungpuhnü athakhi nangde Mosanü rhimo. Apinü Jihusua bebahle amükeambuh Eleazar tüsho boto alala miki zhipshih.

WÜHKHE 28:1

Atungpuhnü Mosa ki tha,

YUZÜNGTHALO 3:21

“Tüsho inü judüki Jihusua ki thiyukhüm jih, Atungpuh nüsa Thrünpuhnü ha kiulongthsürü mahne kheak rhimokhi nü müknü ngüdo; junangde nüsa hode ayüpü lakhi kiulongthsübo ching Atungpuhnü arhimobah.

YUZÜNGTHALO 3:28

Tüshe Jihusua ki thiyukhüm jihang, tüsho api mulong tuthsukde reangzahshang, tümüde api ha mihtsürü müngüh yübah, tüsho apinü arü kilim nünü angükhi lo lushihbah.

YUZÜNGTHALO 31:23

Judüki Atungpuhnü Nun tsührü Jihusua ki rhimo jihde tha, “Reangzahang tüsho mulong toang; tümüde nünü Israel tsührübo inü arü ki thiyuchihchimkhi lo ching bede ayübah, tüsho I nü lung labah.”

YUZÜNGTHALO 34:9

Kheakü Nun tsührü Jihusua lümlung menü mithülamde lakheah, tümüde Mosanü akhah api kheak nimkih; jumonü Israel tsührübonü api yu ani, tüsho Atungpuhnü Mosa ki thiyukhüm jihkhi nangde rhimo.