WÜHKHE 27:21 - AMÜSÜH HÜM CL Bible (BSI)

²¹ Api amükeambuh Eleazar miki zhipbah anihbuh thsungkheak Urim mahkhapkhi yande Atungpuh ki keokhishihbah; Eleazar yukhüm hode api tüsho Israel mihtsürü boto wukhiukbah tüsho azahbah.”

WÜHKHE 27:21 Iomraidhean Croise

2 SAMUEL 21:1

Kheakü David nimungbo ching kam atukde kam mahsam khümzung lakheah; tüsho Davidnü Atungpuh ki keoakheah. Atungpuhnü tha, “Saul tüsho api yamkhün kheak thiyih bukkhi amülim lah, tümütüsho Gibeonrü sheshih.”

EZRA 2:63

amükeamrünü Urim tüsho Thummim dap mübahyikia arübonü Thrünpuh kingaünkhi jimpung tsühpü mukuk de kovünornü tha.

NEHEMIA 7:65

Jumonü amükeamrünü Urim tüsho Thummim mümüchityichoki Thrünpuh ki kingaünkhi tsühyungpü ju arünü atsühpü mukuk de arü ki Jihudarü kovünornü tha.

ABEKHIT 28:30

Tüsho mahkhap treangkhümbe kheak ju Urim tüsho Thummim yihkihang, tüsho Aron Atungpuh miki yüchoki jurü akhüh kheak labah. Junangde Israelrü mahkhappü Aron khüh kheak Atungpuh miki mutuklode ahanbah.

LEVI 8:8

Apinü api kheak treangkhümbe yihkihjih tüsho ju kheak Urim tüsho Thummim yihkih.

MALAKI 2:7

Tümüde amükeamrü münküpbonü mükheahmudu aheangbah, tüsho mihtsürübonü api mün chingnü yakzan yimbeah, tümüde api Wuto Atungpuh yunithsürü ah.

WÜHKHE 27:17

arü müngüh wukhiukla azahla de, tüsho bekhitla beyukla de thsüshang; junangde Atungpuh mihtsürübo ju namfimihnu aneakrü mülakhi nangde mülabah.”

WÜHKHE 27:2

Tüsho arünü arüngyam ripit ki Mosa le amükeambuh Eleazar, tüsho limberü le boto alala miki zhipbahle tha,

WÜHKHE 27:20

Tüsho Israelrü mihtsürü boto alalanü api yu anipü thsüde nünü api kheak nü yukhüm khürü jihang.

WÜHKHE 27:22

Jumonü Atungpuhnü athakhi nangde Mosanü rhimo. Apinü Jihusua bebahle amükeambuh Eleazar tüsho boto alala miki zhipshih.

WÜHKHE 27:5

Jumonü Mosanü arü dünkheak Atungpuh miki lubah arü,

YUZÜNGTHALO 31:3

Atungpuh nü Thrünpuh nüsa müngüh yübah; apinü harü trükshihbo dükheakshihbah tüsho nüsanü arübo yankhita bahbah; tüsho Atungpuhnü athakhi nangde, Jihusua nüsa müngüh yübah.

YUZÜNGTHALO 33:8

Tüsho Levi dünkheak apinü tha, “Atungpuh , nü yo Thummim tüsho Urim amüsüh mihtsürü Levi kilim jihang, shepü kheak nünü Massa ching rükakikhea, shepü kheak Meriba ching nünü shochihkhea;

JIHUSUA 9:14

Jumonü limberübonü tsühyungpü khürü arü kheaknü leangkhi, tüshe ju dünkheak Atungpuh ki mükeokhi.

MAHKHAPRÜ 1:1

Jihusua she dunglim Israelrünü Atungpuh ki keo, “Isa thsung thsüde she akhuhde yübah Kananrübo azhihde thirithsüba?”

MAHKHAPRÜ 20:18

Tüsho Israel mihtsürünü asürübah Thrünpuh lümkhi keopü Thrünpuh yam ching wutu. Arünü tha, “Benjamin mihtsürü bede keochihpü isa shepü akhuhde awutuba?” Atungpuhnü alo, “ Juda akhuhde awutubah.”

MAHKHAPRÜ 20:23

Israelrünü wutu tüsho arelim khiungde Atungpuh ki trip tüsho Atungpuh ki keokhi. Arünü tha, “Isanü isa keoniorü Benjamin bede keochihpü yüloba shi?” Atungpuhnü alo, “ Arü azhihde wutuang.”

1 SAMUEL 14:19

Küyimki Saulnü amükeambuh ki asukachihde alakhea, Filistiarü binkheampung ching alanajikhi alübe kam. Jumonü Saulnü amükeambuh ki tha, “Nü khah tukloa lung.”

1 SAMUEL 23:9

Küyimki Saulnü api azhihde rük amütsü rhimokhi Davidnü amükheahkhea, apinü amükeambuh Abiathar ki tha, “ Ha ching amükeamrü khim lubah arang.”

1 SAMUEL 28:6

Küyimki Saulnü Atungpuh ki keokhea, Atungpuhnü api ki milim yungsho Urim yungsho wukihrübo hode malojih.

1 SAMUEL 30:7

Davidnü Ahimelek tsührü amükeambuh Abiathar ki tha, “I kilim amükeamrü khim lubah arang.” Jumonü Abiatharnü amükeamrü khim David kilim lubah arü.