WÜHKHE 27:18 - AMÜSÜH HÜM CL Bible (BSI)

¹⁸ Tüsho Atungpuhnü Mosa ki tha, “Nun tsührü Jihusua, me lakhi mihtsürü nünü bedarübah nü khah api kheak nimang;

WÜHKHE 27:18 Iomraidhean Croise

THRÜNTAN 41:38

Tüsho Pharaonü ayamlarübo ki tha, “Thrünpuh me lakhi mihtsürü hadürü isanü angükhukba de?”

1 KIUTHSÜYUKHEAN 7:27

atsührü Nun, atsührü Jihusua.

ABEKHIT 17:9

Tüsho Mosanü Jihusua ki tha, “ Mihtsürü khürü mokhitang tüsho wukhiukbah Amalekrü bede keochihang. Shido Thrünpuh tso I khah ching shuhbah awung mujuk kheak zhipbah.”

DANIEL 5:14

Thrünpuh me tüsho mükheahmudu anikhitkhi tüsho lümlung nü kheak lah de inü sodo.

WÜHKHE 11:17

Tüsho I akibahle ju ching inü nü kheak asukachihbah, tüsho nü kheak lakhi me khürü inü lubah arü kheak yukjihbah; tüsho arünü mihtsürü hahmülang nü lung hanrungbah, junangde nü zangrünü lang mühan.

WÜHKHE 13:16

Mihtsürü harübo ha alomi züta kheahpü Mosanü ayüshihkheah. Tüsho Mosanü Nun tsührü Hoshea mung ju Jihusua de müthrijih.

WÜHKHE 13:8

Ephraim trük chingnü, Nun tsührü Hoshea;

WÜHKHE 27:23

Tüsho Atungpuhnü thiyukhüm jihkhi nangde Mosanü Jihusua ku kheak akhah nimbah rhimo jih.

JOHAN 3:34

Tümüde shepü Thrünpuhnü athiyikheanü Thrünpuh yubo asukchoh, tümütüsho Thrünpuhnü me ju adünbah müjihchoh.

YUNIRÜBO RHIMO 13:3

Judüki khümkeak thsüde ane kheak arü khahbo nimbah tamkhüntamnü dunglim ane thiyia yüshih.

YUNIRÜBO RHIMO 19:6

Tüsho küyimki Paulnü arü kheak akhah nimkihkhea, Amüsüh Me arü kheak arü; arünü püpürü yuthabo chingnü thade müchit.

YUNIRÜBO RHIMO 6:3

Jumonü keoniorübo, nüsa bolung mung atsü larü, Amüsüh Me tüsho lümlungnü mide alarü isanü ha rhimo ching zojihpü thsüde nüsa bolungnü mihtsürü thüne mokhitang;

YUNIRÜBO RHIMO 6:6

Arünü harü amüsüh-thsangyurübo miki zhipshih, tüsho arünü arü kheak khah nimde tamkhüntamnüjih.

YUZÜNGTHALO 1:37

Nüsa dünkheaknü Atungpuhnü I kheak she bukakhiukde tha, Nü she ju ching müyüzah;

YUZÜNGTHALO 3:21

“Tüsho inü judüki Jihusua ki thiyukhüm jih, Atungpuh nüsa Thrünpuhnü ha kiulongthsürü mahne kheak rhimokhi nü müknü ngüdo; junangde nüsa hode ayüpü lakhi kiulongthsübo ching Atungpuhnü arhimobah.

YUZÜNGTHALO 3:28

Tüshe Jihusua ki thiyukhüm jihang, tüsho api mulong tuthsukde reangzahshang, tümüde api ha mihtsürü müngüh yübah, tüsho apinü arü kilim nünü angükhi lo lushihbah.

YUZÜNGTHALO 31:14

Atungpuhnü Mosa ki tha, “Kheahang, nü ashepü nimung khiungchoh; Jihusua jiang tüsho ashorupung khimyam ching bebah arang, junangde inü api kheak rhimo nimkihanü.” Jumonü Mosa le Jihusua anenü ashorupung khimyam ching yü.

YUZÜNGTHALO 31:23

Judüki Atungpuhnü Nun tsührü Jihusua ki rhimo jihde tha, “Reangzahang tüsho mulong toang; tümüde nünü Israel tsührübo inü arü ki thiyuchihchimkhi lo ching bede ayübah, tüsho I nü lung labah.”

YUZÜNGTHALO 31:3

Atungpuh nü Thrünpuh nüsa müngüh yübah; apinü harü trükshihbo dükheakshihbah tüsho nüsanü arübo yankhita bahbah; tüsho Atungpuhnü athakhi nangde, Jihusua nüsa müngüh yübah.

YUZÜNGTHALO 34:9

Kheakü Nun tsührü Jihusua lümlung menü mithülamde lakheah, tümüde Mosanü akhah api kheak nimkih; jumonü Israel tsührübonü api yu ani, tüsho Atungpuhnü Mosa ki thiyukhüm jihkhi nangde rhimo.

1 TIMOTHI 4:14

Azothsürübonü nü kheak arü khah nimde müchityu thachoki nü kilim jihkhi thsambah dübahyuk.

1 TIMOTHI 5:22

Khah nimkihpü ching düniokheam, yungsho püpürü neak ching düberung; nü tsangkhitde zoang.

IBRI 6:2

baptikhi tüsho khah nimkihkhi, asherü arhang kamlokhi tüsho lünnü thiyukhap dünkheak thsangyukhi.

JIHUSUA 1:17

Isanü kamruhroro Mosa ki anikhi nangde, isanü nü ki anibah, tüsho Atungpuh nü Thrünpuh Mosa lung lakhi nangde nü lung lashang!

MAHKHAPRÜ 11:29

Judüki Atungpuh me Jephtha kheak arü, tüsho apinü Gilead tüsho Manase tsahho, tüsho Gilead ching Mizpa tsahho; tüsho Gilead ching Mizpa chingnü Amon mihtsürübo kilim yü.

MAHKHAPRÜ 3:10

Atungpuh me api kheak arü, tüsho apinü Israel mahkhap; api thirithsü ching yü, tüsho Atungpuhnü Mesopotamia kiulongthsüpuh Kushan-rishathaim api khah ching jihde akuk ngüshih.

1 SAMUEL 16:18

Athrününgtsüng khülangnü tha, “Inü Bethlehemrü Jesse tsührü khülang akingsorü, mulong torü, athrungrü, thiyu ching ayuk, tüsho trungdung akheahakhamkhi ngüdo; tüsho Atungpuh api lung lah.”