WÜHKHE 26:55 - AMÜSÜH HÜM CL Bible (BSI)

⁵⁵ Tüshe alo ju azan thsüde achambeah; arübonü nihbuh jipürü trük mungji yande yamrüplurüp lubah.

WÜHKHE 26:55 Iomraidhean Croise

MÜCHITMUDU 16:33

Azan thsükhi ju pho kheak zochoh, tüshe ju khikzhakpü Thrünpuh kilimnü lah.

MÜCHITMUDU 18:18

Sühmüh lakhi mihtsürü mahne mahkhappung ching azhihachihsho, azan thsükhinü neamneamruru mülüpü kuklah.

EZEKIEL 47:22

Nünü ha nüsa thsungkheak tüsho nüsa lung larü khiungkerü nüsa bolung tsührü larü thsungkheak yamrüplurüp khülang nangde chama jihbah. Arünü nü lung Israel mihkhung nangde alabah, nü lung arübo kilim Israel trük bolung yamrüplurüp jihbah.

WÜHKHE 26:56

Azan thsüde yamrüplurüp ju boto ato tüsho anini dükeak ching chamjihbeah.

WÜHKHE 33:54

Tüsho nüsa buhtsüh ayannü alo yamrüplurüp ju azan thsüde chama luang; buhtsüh torü kilim nünü yamrüplurüp ato jihang, tüsho buhtsüh ninirü kilim anini jihang; mihtsürü aban yamrüplurüp ju nihbuh kheak azan akhiukkhi yande alabah. Nüsanü nüsa buhrü trükbo yande yamrüplurüp luang.

WÜHKHE 34:13

Tüsho Mosanü Israel mihtsürübo ki thiyukhüm jihde tha, Atungpuhnü trük tuku tüsho chamkhüh kilim jihshihpü thiyukhüm jihkhi lo ha nüsanü azan thsüde yamrüplurüp lubah.

WÜHKHE 36:2

Israel mihtsürü kilim azan thsüde alo yamrüplurüp jihshihpü Atungpuhnü isa tungpuh Mosa ki thiyukhüm jih, tüsho isa khiungmungrü Zelophehadnü atsührü aliberübo kilim yamrüplurüp jihshihpü Atungpuhnü isa tungpuh kilim thiyukhüm jih.

YUNIRÜBO RHIMO 1:26

Arünü azan thsü, tüsho azan ju Mathia kheak akhiuk. Tüsho api ju amüsühthsangyurü thürükheak khülang lung kheyuk.

KOLOSI 1:12

ayinatrüm ching amüsührü yamrüplurüp shihcham ching isa thülünde kamshihbuh, Abuh ki makshe jihde laang.

JIHUSUA 11:23

Junangde Atungpuhnü Mosa ki thiyukhüm jihkhi yande Jihusuanü lomi alala yankhia lu; tüsho Jihusuanü jurübo Israelrü kilim nihbuh yo thsüpü chamachih-a trük abande jih. Jushu mihtsürübo keochihkhi chingnü sühakhim.

JIHUSUA 14:2

Atungpuhnü Mosa ki thiyukhüm jihkhi nangde trük tuku tüsho aniyüzahlim trük chamnakkhüh kilim a azan thsübah yamrüplurüp jih.

JIHUSUA 17:14

Josep trüknü Jihusua ki tha, “ Tümüde nünü isa kilim alo shihchamkhüh lang ajihkhea le? Tümütüsho Atungpuhnü müngühjihkhi hode isa hihdakde lah.”

JIHUSUA 18:6

Lomi shihcham thüne chamkhi ju thrütbahle I kilim lubah arang, tüsho inü nüsa thsungkheak Atungpuh isa Thrünpuh ki keode azan thsübah.

JIHUSUA 19:1

Mahnepü shihcham ju Simeon trük guk kilim jihpü akhiuk. Arü yamrüplurüp ju Juda trük yamrüplurüp ching lakheah.

JIHUSUA 19:10

Asampü shihcham ju Zebulun trük guk kilim jihpü akhiuk. Arü lukhi lo ju Sarid khiunglah;

JIHUSUA 19:17

Aphüyipü shihcham ju Issakar trük kilim jihpü akhiuk.

JIHUSUA 19:24

Aphüngüpü shihcham ju Asher trük guk kilim jihpü akhiuk.

JIHUSUA 19:32

Athurukpü shihcham ju Naphtali trük guk kilim jihpü akhiuk.

JIHUSUA 19:40

Athünepü Shihcham ju Dan trük guk kilim jihpü akhiuk.