WÜHKHE 26:53 - AMÜSÜH HÜM CL Bible (BSI)

⁵³ Alo ju arü wühkhe ayannü yamrüplurüp thsüde mülüjihkheah.

WÜHKHE 26:53 Iomraidhean Croise

THRÜNTAN 12:2

Inü nü trükshih ato kamshihbah; inü nü müngühjihbah tüsho nü mung ato kamshihbah; tüsho nü müngühmühi labah.

THRÜNTAN 12:7

Judüki Atungpuhnü Abram ki akhiuk tüsho tha, “Nü tsühsoniusobo ki inü ha lo jihbah.” Tüsho apinü ju ching api ki akhiukbuh Atungpuh kilim kingaün sadam khülang thsü.

1 KIUTHSÜYUKHEAN 16:18

tha, “Inü nü kilim Kanan lo yamrüplurüp thsungkheak nü shihcham jihbah.”

MUNGSHIKHÜN 105:44

Apinü arü kilim khiungkerü lobo jih, tüsho arünü trükshihbo khuksahkhi yamrüplurüp lu,

MUNGSHIKHÜN 49:14

Namfimihnu nangde ashepü arü akhua lah; ashekhinü arü aheangbah; alungkirünü arü kheak yapsu yakzan shuhbah; arü pangbo ju arü lapung chingnü limshude alakhi kiuyuk ching shuh-a bahbah.

EZEKIEL 47:22

Nünü ha nüsa thsungkheak tüsho nüsa lung larü khiungkerü nüsa bolung tsührü larü thsungkheak yamrüplurüp khülang nangde chama jihbah. Arünü nü lung Israel mihkhung nangde alabah, nü lung arübo kilim Israel trük bolung yamrüplurüp jihbah.

DANIEL 7:27

Kiulongthsü tüsho yakzan shuhpü tüsho alomi kheak kiulongthsü ato alala Khide Achangbuh yo amüsührü mihtsürü kilim jihbah; api kiulongthsü ju akheam mülakhi kiulongthsü labah tüsho yakzanshuhrü alalanü tankihbah tüsho api ki anibah.”

WÜHKHE 26:52

Atungpuhnü Mosa ki tha,

WÜHKHE 26:54

Boto ato kilim yamrüplurüp ato jihang, tüsho boto anini kilim aninibe jihang; wühkhekhi ching thrütyukkhi yande mihtsürü abannü nihbuh yamrüplurüp leangkhishang.

WÜHKHE 33:54

Tüsho nüsa buhtsüh ayannü alo yamrüplurüp ju azan thsüde chama luang; buhtsüh torü kilim nünü yamrüplurüp ato jihang, tüsho buhtsüh ninirü kilim anini jihang; mihtsürü aban yamrüplurüp ju nihbuh kheak azan akhiukkhi yande alabah. Nüsanü nüsa buhrü trükbo yande yamrüplurüp luang.

MATHI 5:5

Tsüyihrübo asühpü, tümüde arünü alomi yamrüplurüp lubah.

JIHUSUA 1:6

Reangzahang tüsho mulong ato thsang, tümüde arü jipürü ki alokhikhi nangde ha lomi mükühchoki nü harü limberü thsübah.

JIHUSUA 11:23

Junangde Atungpuhnü Mosa ki thiyukhüm jihkhi yande Jihusuanü lomi alala yankhia lu; tüsho Jihusuanü jurübo Israelrü kilim nihbuh yo thsüpü chamachih-a trük abande jih. Jushu mihtsürübo keochihkhi chingnü sühakhim.

JIHUSUA 14:1

Harü ha amükeambuh Eleazar, Nun tsührü Jihusua tüsho Israel trük gukbo chingnü akuthsürübonü mihtsürübo kilim chama jih Kananrü lo ching Israelrünü yamrüplurüp lukhi ah.

AMIKHEAKAKHIUKKHI 21:27

Tüsho mümüsühkhi tümü she, yungsho athranean yungsho arükchih rhimorü ju ching müyüzah, tüshe Namfimihnunu rhangdung hüm ching thrüta larü lang ayüzahbah.

AMIKHEAKAKHIUKKHI 5:10

tüsho isa Thrünpuh kilim arübo kiulongthsü tüsho amükeamrübo kamshih, tüsho arünü alomi kheak kiulongthsübah.”