WÜHKHE 25:7 - AMÜSÜH HÜM CL Bible (BSI)

⁷ Küyimki amükeambuh Aron kheak yo, Eleazar tsührü Phinehasnü ju ngükhea, apinü boto lungnü asürübah akhah ching thsüh thrüa lu,

WÜHKHE 25:7 Iomraidhean Croise

1 KIUTHSÜYUKHEAN 9:20

Tüsho Eleazar tsührü Phinehas ju akhuhlim kimbo ching arü kurungkheak akubuh lakheah; api lung Atungpuh lakheah.

EZRA 7:5

Abishua tsührü, Phinehas tsührü, Eleazar tsührü, Aron amükeambuh tsührü lakheah.

MUNGSHIKHÜN 106:30

Judüki Phinehasnü asürü tüsho zhipdo, tüsho arüm ju tukloabah.

ABEKHIT 32:28

Mosanü thiyukhüm jihkhi nangde Levirübonü rhimo, tüsho ju nimung mihtsürü 3000 bande laksah.

ABEKHIT 6:25

Aron tsührü Eleazarnü Putiel tsührü bolungnü khülang lu; tüsho alibenü api kilim Phinehas zübejih. Harü ha Levi trük gukbo tüsho buhtsühbo ching akubo lakheah.

MALAKI 2:5

Api ki I tangzüng lakhi ju rhangdung tüsho mungtsü tangzüng lakheah; ha wüntre jihshihpü lakheah, tüsho apinü I ki wüntre tüsho I mung trekhi ching zhip.

WÜHKHE 31:6

Junangde Mosanü keochihpü arübo trük aban chingnü 1000 yüshih; apinü arübo amükeambuh Eleazar tsührü Phinehas yande, amüsüh kukrukbo tüsho akhah ching amütpü hulipungpung shuhbah yüshih.

JIHUSUA 22:13

Jumonü Israelrünü amükeambuh Eleazar tsührü Phinehas ju Reuben, Gad tüsho aniakhiuklim Manase trükbo kilim Gilead ching yüshih.

MAHKHAPRÜ 20:28

tüsho judüki Aron tsührü, Eleazar tsührü Phinehasnü Atungpuh miki tankihde alakheah,) “ Kheaküshe isanü wutuba shi, dashi arün thsüba?” Atungpuhnü tha, “Wutuang; tümüde inü shido arübo nüsa khah ching jihbah.”

1 SAMUEL 19:9

Judüki Davidnü khün khungde tüsho Saul khah ching thsüh shuhbah ayam ching binchoki, Atungpuh kilimnü amünean me Saul kheak arü.