WÜHKHE 25:4 - AMÜSÜH HÜM CL Bible (BSI)

⁴ Tüsho Atungpuhnü Mosa ki tha, “ Mihtsürü limberübo alala bea lung, tüsho Atungpuh miki anidüchi ching zhinang, ju hode Atungpuh bukakhiukkhi Israel kheaknü rholode atsobah.”

WÜHKHE 25:4 Iomraidhean Croise

2 SAMUEL 21:6

api tsührü athrürü 7 ju isa kilim jihang, tüsho Atungpuhnü mokhitkhi Saul kiuto Gibeon kheak Atungpuh miki isanü arü wuka zhinbah.” Kiulongthsüpuhnü tha, “Inü arübo jihabahbah.”

2 SAMUEL 21:9

apinü arübo Gibeonrü khah ching jih, tüsho arünü arübo Atungpuh miki awung kheak zhin. Arü 7 ju rukhühnü dükheakabah. Arü ju barli yimlukhi atankih ching akhuhbe nimung sheshih.

MUNGSHIKHÜN 106:29

Hanangde arü rhimobonü api bukakhiukshih, tüsho arü bolung arüm akhiuk.

ABEKHIT 18:25

Mosanü Israel alala lungnü athsükhuk mihtsürü mokhit tüsho mihtsürü chithürübo, chibo, thünimbo tüsho thürü kurung yakzanshuhrübo thsüshih.

JONA 3:9

Shenü mükheahla? Thrünpuhnü lümalobah tüsho api lüm müthribah; api buk müshakde akhiukkhi chingnü apinü atuklobah, junangde isa müdükheak.”

WÜHKHE 25:11

“ Amükeambuh Aron kheak yo, Eleazar tsührü Phinehasnü I bukakhiukkhi Israelrü kheaknü tsoloshihdo; tümütüsho inü arü bolung mulongkhi kheak apinü mulongkhit, junangde inü I mükthsükhi ching Israelrübo müdükheakshih.

WÜHKHE 25:18

tümüde arünü Peor ching nüsa kheak mülapyukjih tüsho Peor ching arüm lachoki laksahbe, Midia limberü tsührü Kozbi dünkheaknü nüsa thsümüchi.”

YUZÜNGTHALO 13:11

Jumonü Israelrü alalanü asobah tüsho wüntrebah, tüsho hadürü amütsü rhimo küyimkishe mürhimolo.

YUZÜNGTHALO 13:13

junangde isanü yüanü tüsho nüsanü mümükheahkhi püpürü thrünpuhbo tankihanü de thade athsümünim mihtsürü khürü nüsa bolungnü yübah kiutobo ching larü mihtsürübo bephülapa lasho,

YUZÜNGTHALO 13:15

tsükjide nüsanü kiutobo ching larü nuknü alaksahbah–ju ching lakhi alala tüsho akam-shiwühbo alala nuknü alaksahkhambah.

YUZÜNGTHALO 13:17

Jumonü nüsa shepünü she muthrumüneankhi kukruk nüsa khah ching aninga düzo, junangde Atungpuhnü api bukakhiukkhi chingnü atuklobah tüsho nüsa ki mihmüthsüm huhbah, nüsa kheak muzhobah tüsho apinü nüsa jipürü ki thiyuchihchimkhi nangde nüsa wüh bubah,

YUZÜNGTHALO 21:22

“Mihtsürü khülangnü ashepü thülünde neak yihbeakbahle api sheshihsho, tüsho nüsanü api sangdung kheak zhinsho,

YUZÜNGTHALO 21:23

api mi ju sangdung kheak tsüngreroro düzo, tüshe nüsanü api ju ninü kiuyuka bahang, tümüde shepü zhindünü Thrünpuh muthrumüneankhi ah. Atungpuh nüsa Thrünpuhnü nüsa kilim yamrüplurüp jihkhi lo nüsanü mümüneanbeah.

YUZÜNGTHALO 4:3

Atungpuhnü Baal Peor ching tümü rhimokheanü nüsa müknü ngüdo; tümüde Atungpuh nüsa Thrünpuhnü Peor ching Baal yanrü nüsa bolungnü mihtsürü alala dükheakshihdo.

JIHUSUA 22:17

Isa neak dünkheaknü Peor ching Atungpuhnü arüm boto kheak arüshihde thsümüchikhi tüsho khihni khiungde mümüsühkhitkhinü mumo de?

JIHUSUA 23:2

apinü Israelrü alala, limberübo tüsho akuthsürübo, mahkhaprü tüsho atorübo athrünkhi jibahle tha, “ Kheaküa I ashinbuhrü kamdo;