WÜHKHE 25:12 - AMÜSÜH HÜM CL Bible (BSI)

¹² Jumonü thaang, ‘Kheahang, inü api kilim mungtsü tangzüngkhi jihchoh;

WÜHKHE 25:12 Iomraidhean Croise

MUNGSHIKHÜN 106:30

Judüki Phinehasnü asürü tüsho zhipdo, tüsho arüm ju tukloabah.

MUNGSHIKHÜN 106:31

Tüsho ha akheam müla lünbo khiungde api thsungkheak thiyuro-lungki khejih.

ISAIA 54:10

Tümüde awungbo tsopü tüsho awung mujukbo lah-a bahpü kuklah, tüshe I muzhodakkhi nü kheaknü müchamachih, tüsho I mungtsü tangzüngkhi makhin, nü kheak muzhokhi Atungpuhnü thachoh.

EZEKIEL 34:25

Inü arü kheak mungtsü tangzüng khülang thsübah tüsho mütüm shiwühbo lomi chingnü ayankhitbah, junangde arünü mütüm tüsho sang-lünkhi ching kuramde alabah.

EZEKIEL 37:26

Inü arü kheak mungtsü tangzüng khülang thsübah; ju arü kheak akheam mülakhi tangzüng khülang labah; tüsho inü arü müngühjihbah tüsho wüh bushihbah, tüsho arü bolung I arüngakopung lünnü alashihbah.

MALAKI 2:8

Tüshe nüsanü limro chingnü tsomuwuhdo; nüsanü nüsa yakzan hode ahihdo jing mükheshihdo; nüsanü Levi tangzüng thsümünimdo, Wuto Atungpuhnü thachoh,

MALAKI 3:1

Kheahang, inü I müngüh limro thsakhamshihpü I yunithsürü arüshihchoh, tüsho nüsanü yimde alakhi Atungpuh nahde api arüngyam ching arübah. Nüsanü asühde alakhi tangzüngkhi yunithsürü atsütsü arüchoh, Wuto Atungpuhnü thachoh.

WÜHKHE 13:29

Amalekrü düjing lomi ching lah, Hitrü, Jebus, tüsho Amorrübo awungbo ching lachoh; tüsho Kananrü Mediterranean keto yean le Jordan keto yean ching lah.”