WÜHKHE 25:1 - AMÜSÜH HÜM CL Bible (BSI)

¹ Israelrübo Shittim ching lachoki mihtsürübonü Moabberübo kheak müzammürampü tankih.

WÜHKHE 25:1 Iomraidhean Croise

2 KIULONG THSÜRÜ 23:7

Apinü Atungpuh yam ching lakhi athrürü müzammüramrü yambo, aliberübonü Ashera khilim keaklahpungbo luka bahjih.

MUNGSHIKHÜN 106:28

Arünü Peor ching Baal kingaünpü berung, tüsho ashekhi thrünpuh shuhmülanga kingaünkhibo tsüh.

ABEKHIT 22:19

“Shepünü shiwüh lung müzammürambanü tsükjide asheshihbah.

ABEKHIT 34:15

Ju lomi ching larü kheak binthrüm müthsüpü kümkangang; tümüde küyimki arünü arü thrünpuhbo kheak müzammüramde laksah-a kingaünba, arünü nüsa jiyukbah tüsho nüsanü arü kingaünbo tsühbah.

T H S AN GYU T H S AN GR ARÜ 7:26

Ashekhi kheaknü akhüh liberü ju azheang lakhi inü yimkhit, shepü mulong qimürip tüsho keangbo la, shepü khahbo wuhrünliubo la; shepünü Thrünpuh asühshihchonü anihbe kheaknü atsokhibah, tüshe aneakrü a anihbenü tholochoh.

JEREMIA 40:11

Junangde, küyimki Babilon kiulongthsüpuhnü Juda ching aninga lashihkhi tüsho arü kurungkheak Shaphan tsührü Ahikam tsührü Gedalia kovünor mokhitkhi Moab ching, Amonrü lung, Edom ching tüsho püpü lomibo ching larü Jihudarübo alalanü asokhea,

EZEKIEL 20:21

Tüshe tsührübonü I azhih: Arünü I yakzan thsükhibo müyan, mihtsürünü mihyu anibah rhangdung lapü lalashe arünü I yakzanbo zopü mükümkang, tüsho I amunibo müneanjih. Jumonü sunglo ching arü kheak I bukakhiuk dungkihpü tüsho arü azhihde bukakhiukpü inü tha.

HOSEA 9:10

Sunglo ching kurungasobo nangde, inü Israel ngüdo. Akheahmünchi ching khubaso akhuh asokhi nangde, inü nüsa jipürübo ngüdo. Tüshe arünü Baal-peor ching arü, tüsho achihbe kukruk ki arü nihbuh müsühkhit, tüsho arünü muzhokhi kukruk nangde arübo athraneanbe kam.

MIKA 6:5

O I mihtsürü, Moab kiulongthsüpuh Balaknü tümü rük thsükheanü kheakü lümkhitang, Beor tsührü Balaamnü api ki tümü alokhea, tüsho Shittim chingnü Gilgal khiungde tümü dünjikhea, junangde nüsanü Atungpuh akhümkhit rhimobo mükheahbah.”

WÜHKHE 25:17

“ Midiarü thsümüchiang, tüsho arü laksahang;

WÜHKHE 31:2

“ Israel mihtsürü thsungkheaknü Midiarü kheak royimang. Ju dunglim nü a nüsa mihtsürübo lung yübah.”

WÜHKHE 33:49

tüsho arü Moab dükhünbo ching Jordan ki, Beth Jeshimoth chingnü Abel-shittim khiungde binkheam.

WÜHKHE 7:15

taka kingaünpü moshipung nunu 1, namfimihnupung 1, kam khülang bankhi namfimihnunu pung 1;

1 KORINT 10:8

Arü khürünü rhimobah nimung khülang chingnü 23,000 keamkhi nangde isanü müzammüram ching mümüneanbeah.

YUZÜNGTHALO 3:29

Jumonü isa Beth Peor jukkih jindükhün ching la.”

YUZÜNGTHALO 32:38

sherübonü arü kingaünkhi müdang tsühkhea, tüsho arü ayungbe kingaün chingnü yukhu yungkhea? Arübo asürübah nüsa rungshang, arünü nüsa tsungdoshang! @SP ACE=

YUZÜNGTHALO 4:3

Atungpuhnü Baal Peor ching tümü rhimokheanü nüsa müknü ngüdo; tümüde Atungpuh nüsa Thrünpuhnü Peor ching Baal yanrü nüsa bolungnü mihtsürü alala dükheakshihdo.

JIHUSUA 2:1

Jihusuanü thirirhurü mahne Kanan tüsho adungto thsüde Jirikho lomi ramde rhua kheahshihpü Shittim chingnü thiyukhüm jihbah yüshih. Anenü yü tüsho ju tsüngre müzammürambe Rahab yam ching bin.

JIHUSUA 22:17

Isa neak dünkheaknü Peor ching Atungpuhnü arüm boto kheak arüshihde thsümüchikhi tüsho khihni khiungde mümüsühkhitkhinü mumo de?

JIHUSUA 3:1

Ashido yapsu Jihusua tüsho Israelrü alala mükikde asürübah Shittim ching akhin, tüsho Jordan ching yübah muhochoki khiungde ju ching binkheam.

AMIKHEAKAKHIUKKHI 2:14

Tüshe inü nü azhihde khürü lah: Ju ching Balak ki thaa Israel tsührübo müngüh jingmükhebe zoshihbah sangthsübo ki kingaünkhi tsühyungbe tsühshihkhi tüsho müzammüram rhimoshihkhi Balaam thsangyukhi yanrü khürü lah.