WÜHKHE 24:8 - AMÜSÜH HÜM CL Bible (BSI)

⁸ Thrünpuhnü arü Ijip chingnü bekhit; arü kheak mütüm moshipung sühmüh kihlah. Arünü arü riri trükshihbo tsühabahchoh, tüsho arü ro shimshim yihthünakchoh; arü hühzonü arü kipashungchoh.

WÜHKHE 24:8 Iomraidhean Croise

MUNGSHIKHÜN 2:9

Nünü arübo yinchi tsonü yurijihbah, tüsho alophüh nangde adütre kamshihbah.”

MUNGSHIKHÜN 21:12

nünü arü kheak nü hühzobonü akipbah, tüsho rholobah alihde atsoshihbah.

MUNGSHIKHÜN 45:5

Kiulongthsüpuh riribo mulong ching nü hühzobo züpzüplah; mihtsürübo nü khüp keamchoh.

MUNGSHIKHÜN 45:6

O Thrünpuh, nü kiulongthsü-binkiu lünnü lün lah; thiyuro-lungki tso ju nü kiulongthsü tso lah.

ABEKHIT 23:22

Tüshe nüsanü api düsheak anisho tüsho inü asukkhi alala rhimosho, nüsa riri ki I thiriri thsübah tüsho nüsa azhihrü ki azhihrü thsübah.

ISAIA 38:13

Inü arung thsungkheak yapsu khiungde zhi; kekhüzünü nangde apinü I robo alala yihshak; animungnü azhing lim nünü I akheam kamshih.

JEREMIA 50:17

Israel a kekhüzünü namfimihnu yanmüzütkhi nangde lah. Akhuhde Asiria kiulongthsüpuhnü api muyu, tüsho kheakü akheam ching Babilon kiulongthsüpuh Nebukednezarnü arobo mutro.

JEREMIA 50:9

Tümüde inü thurumusubah tüsho dukulim lomi chingnü trükshih boto ato Babilon azhihde handarüpü lah; tüsho arünü anihbe azhihde aduklangbah; arü hühzobo ju khah keangkeang malodarükhi ayeanzo thirithsürü hühzobo nangde lah.

DANIEL 6:24

Kiulongthsüpuhnü thiyukhüm jih, tüsho sherünü Daniel amülim jihkheanü bedarübah kekhüzübo yam ching jipyuk–arü, arü tsührü, tüsho arü niuberübo kekhüzübo yam abolim mukhiungyide kekhüzübonü arü kheak jukkih tüsho arü robo alala adütre kamde yihthünak.

WÜHKHE 14:9

Atungpuh azhihdü lang duwusu; tüsho lomi ching larü mihtsürü dütre, tümüde arübo isa thsungkheaknü yikhap ah; arü tsungdojihbuh Thrünpuh arü kheaknü akhinabahdo, tüsho Atungpuh isa lung lah; arübo dütre.”

WÜHKHE 21:5

Tüsho mihtsürübonü Thrünpuh tüsho Mosa azhihde tha, “ Tümüde nünü isa sunglo ching sheshihpü Ijip chingnü bede atukhea? Tümüde ju ching jim tüsho ke müla, tüsho yikhap yancho hanü isa mukhiuka lah.”

WÜHKHE 23:22

Thrünpuhnü arü Ijip chingnü bekhitchoh; arü ju mütüm moshipung nangde sühmüh lah.

WÜHKHE 23:24

Kheahang, mihtsürübonü kekhüzü nangde asürüchoh; tüsho kekhüzü nangde zangrü zuhmusuchoh; shiwüh mütsühkhamchoki tüsho alaksahkhi thiyih muyungyikia mübinkheam.”

MATHI 2:15

tüsho Herod müsheyi khiungde ju ching la, junangde Atungpuhnü wukihrü hode, “Ijip chingnü inü I tsührü jikhit,” de athakhi dünjipü lakheah.

YUZÜNGTHALO 32:23

Tüsho inü arü kheak thsümütsübo keamkihshihbah; inü arü kheak hühzobo keamshihbah;

YUZÜNGTHALO 32:42

Inü I hühzobo thiyih yungshihbah tüsho I nukshangnü shih tsühshihbah– alaksahkhi tüsho aramrü thiyihbo, thiriri limberü kubo. @SP ACE=

YUZÜNGTHALO 7:1

“Küyimki Atungpuh nüsa Thrünpuhnü nüsanü amükühpü lakhi lo ching bedarübanü, tüsho nüsa müngühnü trükshihbo, Hitrü, Girgashrü, Amorrü, Kananrü, Perizrü, Hivrü tüsho Jebusrü, trükshih atoto thüne nüsa kheaknü sühmüh lakhi yankhitbanü,

JIHUSUA 2:10

Tümüde nüsa Ijip bahbah atsochoki künangde Atungpuhnü Amürüm Keto nüsa müngüh ngahshihkheanü isanü sodo, tüsho nüsanü künangde aniakhiuklim Jordan thrip Amorrü kiulongthsürü mahne, Sihon tüsho Og laksahkheanü ju she isanü sodo.