WÜHKHE 24:6 - AMÜSÜH HÜM CL Bible (BSI)

⁶ Jindükhünbo yapkihde limshu ching yükhi nangde, ayung yean shahwünbo nangde, Atungpuhnü akhimkhi molisang nangde, ke mungyean lakhi cedar sang nangde.

WÜHKHE 24:6 Iomraidhean Croise

THRÜNTAN 13:10

Lotnü zünga kheah tüsho Zoar thrippeang Jordan dükhün ju ke tsüde aduhkhi Atungpuh shahwün nangde, Ijip lomi nangde alakheah. (Ha akhuhlim Sodom tüsho Gomorra thsümünimkhi lakheah).

MUNGSHIKHÜN 1:3

Api ju ayung yean mukhuhkhi sangdung khülang kiphahlah, akheahmünchi ching aso asochoh tüsho ayü yiuhamübah. Apinü arhimokhi alala ching akuk ngüchoh.

MUNGSHIKHÜN 104:16

Atungpuh sangdungbo apinü akhimkhi Lebanon cedarbo tsüde ke duh-a lah.

MUNGSHIKHÜN 45:8

Nü khimmihbo alala rhümthüneabe, aloe tüsho kassianü rhümthüneashih, thsotorü yambo chingnü arünü nü asühshih.

KHÜNBOLUNGKHÜN 6:11

Inü almond sangaso yi ching, jindükhün ching pungkhibo kheahpü, kurungasobo duduhkhi tüsho tsarümkiu pungkhi kheahpü yükido.

ISAIA 41:19

Inü sunglo ching cedar, akasia, martel, tüsho oliv yukbah; inü loshelo ching saipress, yütosang tüsho tsünsang rukhüh khimbah.

ISAIA 58:11

Atungpuhnü mutuklode nü bebah, tüsho atak dangpungbo ching nü yihnübebo reangkeamshihbah, tüsho nü robo düküngshihbah; tüsho nü a keduhkhi ayündo nangde, küyimkishe mubukde mülakhi kenü nangde alabah.

JEREMIA 17:18

I thsümüchirü achih ngüshang, tüshe I achih düngüshih; arü müyinsahshang tüshe I a dümüyinsahshih; arü kheak thsümütsü nimung handarang; alochode athsümüchinü arü dükheakshang!

JEREMIA 31:12

Arünü arübah tüsho Zion wung kheak achangnü khün thsübah, tüsho Atungpuh tsükhi– hi, yukhu, tüsho müdangke, namfimihnu tüsho moshi dünkheaknü arübonü asühachihbah; arü rhangdung ju ke tsüde aduhkhi ayündo nangde akambah tüsho arübo kheaküa mulong murozhak.

EZEKIEL 47:12

Ayung münküp thrip abande, tsühyungpü thsungkheak sangdung aphuaphu mukhuhbah. Ayübo muyiuh yungsho asobo mayo, tüshe khinu abande aphüyak asobah, tümütüsho arü thsungkheak arüngakopung chingnü ke bukchoh. Sangasobo ju tsühyungpü thsungkheak labah, tüsho ayübo ju moli labah.”

JOEL 3:18

Ju nimung ching müzüngbonü amühdo yukhu atsamkhibah, awungbo ching niuhke bukbah, tüsho Juda yungzü alala ching ke bukbah; kenü khülang Atungpuh yam chingnü abukkhitbah tüsho Akasia Jindükhün dütsütbah.

WÜHKHE 24:5

O Jakob, nü khimyambo küdükhüh atsü, O Israel, nü lapung küdükhüh atsü!