WÜHKHE 24:17 - AMÜSÜH HÜM CL Bible (BSI)

¹⁷ Inü api ngüchoh, tüshe kheakü yung; inü api kheahchoh, tüshe müphüni– Jakob kheaknü chining khülang akhiukbah; shoto tso khülang Israel bolungnü asürübah; apinü Moab aredungbo zünakbah tüsho Seth tsührübo alala keamshihbah.

WÜHKHE 24:17 Iomraidhean Croise

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

2 SAMUEL 8:14

Apinü Edom alala ching bonungrü yam thsü tüsho Edomrü alala David yamlarü kamabah. Tüsho David yüpungbo ching Atungpuhnü akuk ngüshih.

2 SAMUEL 8:2

Apinü kheaküshe Moabrü kuk tüsho arübo alo kheak yapshihbah liunü ake; apinü asheshihpü liu yung mahnenü ake, tüsho yung khülang akekhi ju rhangdung lashihpü thsü. Tüsho Moabrü ju David yamlarü kamabah tüsho api kilim ruk jih.

2 KIULONG THSÜRÜ 3:5

Tüshe küyimki Ahab shekhea, Moab kiulongthsüpuhnü Israel kiulongthsüpuh kheak azhih.

1 KIUTHSÜYUKHEAN 18:2

Apinü Moab kuk, tüsho Moabrü David mihtsürü kambah ruk handarü.

MUNGSHIKHÜN 110:2

Atungpuhnü Zion chingnü nü sühmüh tso yüshihbah. Nü riribo phulung yakzan shuhang!

MUNGSHIKHÜN 45:6

O Thrünpuh, nü kiulongthsü-binkiu lünnü lün lah; thiyuro-lungki tso ju nü kiulongthsü tso lah.

ISAIA 15:1

Moab thsungkheaknü müchityu khülang. Tümütüsho Moab ching Ar tsüngrekhühnü thsümünima lah; tümütüsho Moab ching Kir tsüngrekhühnü thsümünima lah.

ISAIA 9:7

Api kiulongthsü sühmüh mutuklode azokihbah, tüsho ju ching akheam mülakhi mungtsü David tüsho api kiulongthsü-binkiu thsungkheak labah. Thiyuro tüsho thiyuro-lungkinü ha kimnü ründe tüsho kamruhroro apinü arhimobah. Wuto Atungpuh mulungkhinü ha rhimobah.

JEREMIA 48:1

Moab dünkheak Wuto A TU N GPU H , Israel Thrünpuhnü ha thachoh: Nebo thsungkheak aha, ha thsümünima lah! Kiriathaim achih ngüshihdo, ha ludo; chipi achih ngüdo tüsho keamdo;

JEREMIA 48:45

Heshbon alamme khüp tsotsahrümtsahrübo keaka tukloa lah; tümüde Heshbon chingnü mo khülang, Sihon yam chingnü motru khülang akhiukbah; hanü Moab kingkang, alanaji mihtsürü thangphülang aniubah.

ZEKARIA 10:4

Arü bolung chingnü amühit-lung arübah, arü bolungnü khimyam ashungdung labah, arü bolungnü keochih sanglüh labah, arü bolungnü limthorü labah.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

WÜHKHE 21:29

Moabrübo nüsa ayokhe! Nüsa Kemosh kingaünrübo dükheakabahdo! Nüsa Thrünpuhnü athrürübo tsotsahrümtsahrü kamshih, tüsho aliberübo Amor kiulongthsüpuh khah ching aramrü kamshih.

WÜHKHE 24:16

Thrünpuh yu sobuhnü müchitkhi, shepünü Khide Achangbuh mükheahmudu mükheah la, shepünü Wuto tüsho api mük tode khimshuhbah akibuh lüm ngücho:

LUKNÜ ATHRÜTKHI THIYUSHEAK-ATSÜ HUHTANYU 1:78

isa Thrünpuh mihmüthsüm lakhinü, küpü hode yinmi chingnü isa kheak ani akhiukba,

IBRI 1:8

Tüshe atsührü dünkheak apinü tha, “O Thrünpuh, nü kiulongthsü lünnü lün labah, tüsho thiyuro-lungki tso ju nü kiulongthsü tso lah.

IBRI 7:14

Tümüde isa Atungpuh ju Juda chingnü atrükkhitkheah de mütsanlah, tüsho ju trük amükeamrübo dünkheaknü Mosanü tümü she mütha.

2 PETER 1:19

Tüsho isanü alü thsüde amütsankhi ju wukihrübo yu lah, tüsho yinkhibah yapsu chining nüsa mulongbo ching makhiukyi khiungde amiting ching ayin tahyukkhi nangde nüsanü ha mulong jihde anibah.

JUDNÜ ATHRÜTKHI KIHÜM HUHTANYU 1:11

Arü are! Tümüde arünü Kain limro ching tsahchoh, tüsho Balaamnü alakmihkhi alü thsüpü lim arü küdahnü bahyukchoh, tüsho Kora azhihkhi ching dükheakchoh.

AMIKHEAKAKHIUKKHI 1:7

Kheahang, api amobo chingnü arüchoh, tüsho mihbüm aban, api chinkhitshihkhi müknü api ngübah; tüsho alomi trükbo alalanü api dünkheak tüzhobah. Junangde alabah. Amen.

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

AMIKHEAKAKHIUKKHI 22:16

“I Jisunü borübo thsungkheak ha thiyumütsan lubah I yunirü nüsa kilim thiyido. I ju David ying tüsho tsühsoniuso, yapsu chiningthülü ah.”

1 SAMUEL 14:38

Saulnü tha, “Nüsa mihtsürü limberübo, ha kheak arang; tüsho ha neak küde thsah khihni akhiukchonü isanü yimkhitanü.