WÜHKHE 23:3 - AMÜSÜH HÜM CL Bible (BSI)

³ Tüsho Balaamnü Balak ki tha, “Nü a taka kingaünkhi miki zhipang, tüsho I yüanü; Atungpuh I shorupü arübah, tüsho apinü I ki tümü huhbanü inü nü ki thabah.” Jumonü api azhikpung awung achang ching wutu.

WÜHKHE 23:3 Iomraidhean Croise

THRÜNTAN 22:13

Judüki Abrahamnü zünga kheah, tüsho api dunglim namfimihnupung khülang sangrung ching ajuhbo kheaknü wukloa lakheah. Abrahamnü yü tüsho namfimihnupung ju lubah api tsührü müthri taka kingaünkhi jih.

THRÜNTAN 22:2

Judüki Thrünpuhnü tha, “Nünü muzhode alakhi, nü tsührü khülang lang alakhi Isak bebah Moria lomi lim yüang, tüsho inü nü ki thapü lakhi awungbo lung khülang kheaknü api taka kingaünkhi jihang.”

THRÜNTAN 8:20

Judüki Noanü Atungpuh kilim kingaün sadam khülang thsü, tüsho amüsüh shiwüh le amüsüh wuhnu aban lubah kingaün sadam kheak taka kingaün jih.

ABEKHIT 18:12

Judüki Mosa akü Jethronü taka kingaünkhi tüsho laksah-a kingaünkhibo Thrünpuh kilim jih. Tüsho Aron lung Israel azothsürü alala Mosa akü lung yikhap tsühpü Thrünpuh miki arü.

LEVI 1:1

Atungpuhnü Mosa ji tüsho ashorupung khimyam chingnü tha:

WÜHKHE 23:12

Jumonü apinü alo, “Atungpuhnü I mün ching yukjihkhi yu thapü inü manibea de?”

WÜHKHE 23:15

Tüshe Balaamnü Balak ki tha, “ I ju kumung Atungpuh shoruchoki nü taka kingaünkhi miki zhipcholang.”

WÜHKHE 23:2

Balaamnü athakhi nangde Balaknü rhimo, tüsho Balak le Balaam anenü moshipung tüsho mihnupung kingaün sadam abande jih.

WÜHKHE 23:26

Balaamnü alo, “Atungpuhnü athakhi lang inü arhimobah de nü ki inü mütha de?”

WÜHKHE 23:4

Thrünpuhnü api shoru tüsho Balaamnü tha, “ Inü kingaün sadam thüne thsakhamdo, tüsho inü kingaün sadam abande moshipung 1 tüsho mihnupung 1 de kingaündo.”

WÜHKHE 24:1

Küyimki Israel müngühjihpü Thrünpuhnü mulongkhi Balaamnü angükhea, püpüki kim ching nangde apinü rük huhpü limro müyim, tüsho api miro sunglo thrip abinabah.

MATHI 4:8

Kheaküshe arimrinü awung khide achang kheak api bede yü, tüsho alomi kiulongthsübo alala tüsho arü müretahkhi huh.

JIHUSUA 24:10

tüshe inü Balaam yu mani; jumonü apinü nüsa müngühjih; junangde api khah chingnü inü nüsa bekhit.