WÜHKHE 23:21 - AMÜSÜH HÜM CL Bible (BSI)

²¹ Jakob kheak apinü amülim mükheahkhit, yungsho Israel ching mihbukmuyuk müngü, Atungpuh arü Thrünpuh ju arü lung lah, tüsho api ju arü kiulongthsüpuh ah de azhikhi arü bolung lah.

WÜHKHE 23:21 Iomraidhean Croise

2 KIUTHSÜYUKHEAN 13:12

Kheahang, Thrünpuh isa lung isa ku ki lah, tüsho api yo amükeamrübonü nüsa bede keochihpü jide arü hulipungpungbo khungpü lah. O Israelrübo, nüsa jipürü Thrünpuh, Atungpuh bede dükeochih; tümüde nüsanü mukuk.”

MUNGSHIKHÜN 103:12

Aniakhiuklim ju aniyüzahlim kheaknü limshukhi nangde, apinü isa neakbo isa kheaknü limshude luakhindo.

MUNGSHIKHÜN 118:15

Asühachih tüsho akhümkhit düsheak thiyuro-lungkirü khimyambo ching lah; Atungpuh khah tsülimnü müzhakde rhimochoh.

MUNGSHIKHÜN 135:21

Shepü Jirusalem ching lacho, Zion chingnü Atungpuh shiang! Atungpuh shiang!

MUNGSHIKHÜN 23:4

I amiting asük hode yüyü she, Atungpuh , inü mütre, tümüde nü I lung lah. Nü namfimihnu neakrü tso tüsho shitsonü I kümdochoh.

MUNGSHIKHÜN 32:2

Mihtsürü shepü neak Atungpuhnü api azhihde mükhecho, tüsho shepü me ching mülapmüji mülanü müngühmühi.

MUNGSHIKHÜN 32:5

Judüki inü nü ki I neak kheang; inü amülim rhimokhibo müram. Inü jurü nü ki thakhitpü pungkhi, tüsho nünü I neak alala bahjih.

MUNGSHIKHÜN 46:11

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 46:7

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 97:1

Atungpuhnü kiulongthsüchoh; alominü asühachihshang; mükhebinkhi kekung-lobonü asühachihshang!

MUNGSHIKHÜN 99:2

Atungpuh ju Zion ching ato ah, tüsho api ju mihtsürübo alala kumung achang ah.

ABEKHIT 13:21

Tüsho Atungpuhnü arü müngüh animung amo dungtonü limro bepü tüsho azhing ching mo dungtonü arü kilim ayin jihpü yü, junangde animung tüsho are tsahpü lakheah.

ABEKHIT 3:12

Thrünpuhnü alo, “I nü lung labah, tüsho küyimki nünü I mihtsürübo Ijip chingnü bebah akhiukbanü nüsanü ha wung kheak I kingaünbah tüsho junü inü nü yüshihkheah de amütsan thsübah.”

ABEKHIT 34:9

Apinü tha, “O Atungpuh , I nü miki mihmüthsüm ngüa lasho, isa anihnih mihtsürü thsüa lalashe Atungpuh isa lung yüang de inü tamkhüntamnüchoh; isanü alakmihkhi tüsho isa neak bahjang tüsho nü yamrüplurüp nangde isa luang.”

ISAIA 1:18

Kheakü arang, isa rukhühnü lümakheahanü, Atungpuhnü thachoh: nüsa neakbo mürümdo lalashe, jurübo phürüm nangde alabah; jurübo neakrümde mürümrüm she, shihnam nangde akambah.

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

ISAIA 33:21

Tüshe ju ching Atungpuh ju wüntre-müretah ching, ayungbo ato tüsho yungzübo lakhi dangpungbo, sangkung-tso mülade sangkung müyükhuk, yungsho sangkung amülak muhokhukpü lakhi ching isa thsungkheak labah.

ISAIA 33:22

Tümüde Atungpuh ju isa mahkhapbuh, Atungpuh ju isa yakzanshuhrü, Atungpuh ju isa kiulongthsüpuh; apinü isa khümkhitbah.

ISAIA 38:17

Tsükjide ha I sühakhimpü thsungkheaknü I tode akhühkhi lado; tüshe athsümünimrü shingkung chingnü nünü I me bekhit, tümüde nünü I neak alala nü dunglim bahjih.

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

ISAIA 8:10

Rukhühnü lümkhi thsang, tüshe ju akeangkeang kambah; thiyu thaang, tüshe ju müzhip, tümüde Thrünpuh isa lung lah.

JEREMIA 50:20

Atungpuhnü thachoh, ju nimungbo ching tüsho ju kim ching Israel mülimkhi yimbah, tüshe mülade alabah; tüsho Juda neakbo yimbah, tüshe müngü; tümüde inü aninga lashihkhi neak bahjihbah.

EZEKIEL 48:35

Kiuto mükamkhi ju khahnap 18,000 labah. Tüsho ju kimnü ründe kiuto mung ju, “Atungpuh Ju Ching Lah” de alabah.

JOEL 2:27

I Israel bolung lah de nüsanü mükheahbah, tüsho I, Atungpuh nüsa Thrünpuh ah tüsho püpü she müla. Tüsho kheaküa I mihtsürübo küyimkishe achih müngühshih.

LEVI 9:24

Atungpuh kilimnü mo akhiuk tüsho kingaünpung kheak lakhi taka kingaünkhi tüsho müdangmurubo aniuabah. Küyimki mihtsürübonü ju ngükhea, arü alalanü zhi tüsho arü miro mükhümabah.

WÜHKHE 14:18

‘Atungpuhnü bukakhiukpü müniokheamchoh tüsho mihmüthsüm ching suhdahlah, neak tüsho azhihde-wusukhi bahjihchoh; tüshe apinü arü bebuhrü neak dünkheaknü tsührübo tüsho tsührü-tsührübo kheak lün mahsam tüsho lün phüyi khiungde mülakphahde athsümüchihbah.’

WÜHKHE 14:19

Nü mihmüthsüm tokhi tüsho Ijip chingnü kheakü khiungde harü mihtsürü neak bahjihkhi nangde, harü mihtsürü neak bahjang de inü tamkhüntamnüchoh.”

WÜHKHE 16:3

Arübo rukhühnü Mosa tüsho Aron azhihde mukhungbahle ane ki tha, “Nüke khide münchi hodo, tümüde Israelrü boto alala ching mihbüm abande amüsüh lah, tüsho Atungpuh arü lung lah, dale küde thsah Atungpuh borü kurungkheak nüke zangrü shuhkihcho?”

WÜHKHE 9:22

Hoju nimung mahne, yungsho khinu khülang, yungsho kam khülang thsüthsü, amo ju arüngyam kumung la khiungde Israelrübonü binkheampung ching la tüsho mütsahmusu; tüshe küyimki akhinabahkheanü arünü tsahmusu.

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

ROMRÜ KILIM PAULNÜ ATHRÜTKHI KIHÜM HUHTANYU 6:14

Tümüde neaknü nü kurungkheak yakzan mushuh, tümütüsho nü yakzan khüp müla tüshe mihmüthsüm khüp lah.

ROMRÜ KILIM PAULNÜ ATHRÜTKHI KIHÜM HUHTANYU 8:1

Jumonü kheaküa Jisu Khrista ching larü thsungkheak abahyukkhi müla.

2 KORINT 2:14

Tüshe Khrista ching kamruhroro akuk ngükhi ching isa bebuh, tüsho api mükheahkhi rhümthünea isa hode lüpdükhi ching bushihbuh Thrünpuh ki makshe jihang.

2 KORINT 5:19

juju mihtsürübonü arü azhihde neak yihbeakkhi mükhede Thrünpuhnü alomi ju Khrista ching anihbuh kilim tsüarihshih. Tüsho apinü isa kilim tsüarihkhi yusheak jihdo.

2 KORINT 6:16

Thrünpuh arüngyamnü sangthsübo kheak arihkhi tümü la? Tümüde isa ju arhang Thrünpuh arüngyam; Thrünpuhnü tha, “I arü kheak labah tüsho arü bolung tsahbah, I arü Thrünpuh thsübah tüsho arü I mihtsürü thsübah.

YUZÜNGTHALO 31:23

Judüki Atungpuhnü Nun tsührü Jihusua ki rhimo jihde tha, “Reangzahang tüsho mulong toang; tümüde nünü Israel tsührübo inü arü ki thiyuchihchimkhi lo ching bede ayübah, tüsho I nü lung labah.”

YUZÜNGTHALO 32:5

Arünü api ki thsümünimde rhimodo, arü kheak lapha kihkhinü arübo kheaküa api tsührü yung; arübo bephülapkhi tüsho akhürang lün.

YUZÜNGTHALO 33:5

Küyimki mihtsürü limberübo tüsho Israel trükbo alala mukhungkhea, hanangde Jeshurun ching Atungpuh ju kiulongthsüpuh kam.

YUZÜNGTHALO 9:24

Inü nüsa mükheahkhi nimungnü ründe nüsanü Atungpuh azhihde arüdo.

MAHKHAPRÜ 6:13

Tüsho Gideonnü api ki tha, “O I tungpuh, Atungpuh isa lung lasho, küde thsah hadürü isa kheak dünjikhea? Tüsho api amüyinsahbebo alala küching la, küpü isa bebuhrübonü isa ki tha, ‘Atungpuhnü isa Ijip chingnü bede atukhi yung de?’ Tüshe kheakü Atungpuhnü isa bahyuk tüsho Midiarü khah ching jih.”

1 SAMUEL 25:28

Muzhobah nü yamlaberünü alakmihkhi neak bahjang; tümüde Atungpuhnü tsükjide I tungpuh kiulongthsürü kamshihbah, tümütüsho I tungpuhnü Atungpuh thirithsü keochihchoh; tüsho nü lakhi amuyung nü kheak amütsü rhimo müngü.