WÜHKHE 23:20 - AMÜSÜH HÜM CL Bible (BSI)

²⁰ Müngühjihpü yukhüm inü leangkhido; apinü müngühjihdo tüsho inü ju mümüthrikhuk.

WÜHKHE 23:20 Iomraidhean Croise

THRÜNTAN 12:2

Inü nü trükshih ato kamshihbah; inü nü müngühjihbah tüsho nü mung ato kamshihbah; tüsho nü müngühmühi labah.

THRÜNTAN 22:17

müngühmühi ching inü nü müngühjihbah, tüsho wühjabuja ching thüning ching chiningbo tüsho keyean loyibo nangde nü tsühsoniusobo bushihbah; tüsho nü tsühsoniusobonü arü riri kiutobo müküh-a lubah.

THRÜNTAN 27:33

Judüki Isaknü khide ajan tüsho tha, “Shih laksah-a I kilim lude arübuh thsü she a? Nü marüyide inü ju tsühdo tüsho inü api müngühjihdo–tüsho api müngühmühibah.”

1 KIUTHSÜYUKHEAN 17:27

jumonü nü yamlarü yukhüm müngühmühipü thsüde hanü nü asühshang, junangde ha nü miki lünnü alabah. Tümüde, O Atungpuh , nünü müngühjih tüsho lünnü müngühmühibah.”

ISAIA 43:13

I Thrünpuh ah, tüsho kheakünü rünbah I api ah; I khah chingnü abekhitkhukrü she müla; inü rhimochoh tüsho shenü ju zhipdopü kukla?

WÜHKHE 22:12

Tüshe Thrünpuhnü Balaam ki tha, “Nü arü lung müyü, nünü mihtsürübo mathruaji, tümüde arübo inü müngühjihdo.”

WÜHKHE 22:18

Tüshe Balaamnü alo, “Balaknü I kilim api yam, shotoyinchi tüsho sunanü mide jihjih she, nükde yungsho hihde arhimopü, Atungpuh I Thrünpuh yu ayiuhde müyü.

WÜHKHE 22:38

Tüsho Balaamnü Balak ki tha, “Kheahang, I nü kilim arüdo! Kheakü inü tümükhüh thapü kukla shi? Thrünpuhnü I mün ching yukjihkhi yu lang inü athabeah.”

WÜHKHE 6:27

Junangde arünü I mung Israelrü tsührü kheak yihkihjihbah, tüsho inü arü müngühjihbah.

1 PETER 1:5

sherü akheam kim ching amikheak akhiukpü lakhi akhümkhit thsungkheak akin hode Thrünpuh wunü aheangde la.