WÜHKHE 23:19 - AMÜSÜH HÜM CL Bible (BSI)

¹⁹ Thrünpuh ju akeangyu thapü thsüde mihtsürü ruk yung, yungsho lümkhi müthripü thsüde mihtsürü tsührü ruk yung. Apinü thabah mürhimocho de? Apinü alokhibah akuk müngücho de?

WÜHKHE 23:19 Iomraidhean Croise

THRÜNTAN 26:3

Ha lomi ching lacholang, tüsho I nü lung labah tüsho nü müngühjihbah; tümüde inü nü le nü tsühsoniusobo kilim harü lobo alala jihbah, tüsho nü buh Abraham ki thiyuchihchimkhi dünjishihbah.

THRÜNTAN 28:15

Kheahang, I nü lung lah tüsho nü kürü ching yübanü nü aheangbah, tüsho ha lo ching nü belode arübah, tümüde inü nü ki asukkhi mürhimoyi khiungde inü nü müdükhe.”

1 KIULONG THSÜRÜ 14:11

Jeroboam betsührü shepü kiuto ching shebanü, khihnunü atsühbah; tüsho khürü mükeak ching shesho, thüning wuhnubonü atsühbah; tümüde Atungpuhnü asukdo.’

2 KIULONG THSÜRÜ 15:12

Ha Atungpuhnü Jehu kilim alokhikhi lakheah, “Lün phüyipü khiungde nü tsührübonü Israel kiulongthsübinkiu kheak binbah.” Tüsho jude dünji.

2 KIULONG THSÜRÜ 7:2

Judüki kiulongthsüpuh miki arüde alakhi wühkenobuhnü Thrünpuh mihtsürü ki tha, “Atungpuhnü yinmi ching ayinripit thsüthsü she, hadürü dünjikhukba de?” Tüshe apinü tha, “Nünü ju nü müknü angübah, tüshe nünü jurü mütsüh.”

1 KIUTHSÜYUKHEAN 17:17

Tüshe ha nü mük ki kukruk anikhüh lakheah O Thrünpuh; nünü nü yamlarü yamkhün thsungkheak arübe kuhi she asuk. Nünü I atoashang khürü nangde khejih, O Atungpuh T HRÜNPU H .

MUNGSHIKHÜN 110:4

Atungpuhnü thiyuchihchimdo tüsho mülümalo, “Nü a Melkizedek yande lünnü amükeamrü khülang ah.”

MUNGSHIKHÜN 132:11

Atungpuhnü thiyuro ching David ki thiyuchihchim thsü; apinü ju chingnü murholo: “Inü nü tsührü bolungnü khülang nü kiulongthsü-binkiu kheak binshihbah.

MUNGSHIKHÜN 77:9

Thrünpuhnü muzhomüyipü mihdü de? Api bukakhiukkhi ching api amüthsüm rihdü de?

MUNGSHIKHÜN 89:34

Inü I tangzüng müthsümünim, yungsho I mün chingnü wukhiukkhi yu mümüthri.

MUNGSHIKHÜN 89:35

Khülang ki inü I amüsühnü thiyuchihchim; inü David ki akeangyu mütha;

ISAIA 21:17

tüsho Kedar thirithsürü sanglühbo aningkhi nükde alabah; tümüde Atungpuh , Israel Thrünpuhnü asukdo.

ISAIA 31:2

Tütüshe api she lümlung lah tüsho thsümütsü handarüchoh; apinü anihbuh yubo matrütchoh, tüshe amütsü rhimorü yamkhün azhihde wusubah tüsho amülim rhimorü rungrü azhihbah.

ISAIA 40:8

Sangrung yiuhchoh, sangbün keamkhichoh; tüshe isa Thrünpuh yu lünnü azhipbah.

ISAIA 46:11

aniakhiuklimnü shihtsüh wuhnu khülang, I lümkhi thsungkheak limshu lomi chingnü mihtsürü khülang jichoh. Inü asukdo, tüsho ha dünjibah; inü lümkhi thsüdo, tüsho ju arhimobah.

ISAIA 55:11

junangde I mün ching I yu wukhiukbah; I kilim akeangkeang malodarü tüshe I lümkhi akuk ngübah, tüsho inü thiyikhi ching kukzambah.

JEREMIA 4:28

Ha dünkheaknü alominü mitripbah tüsho dukulim thüningbo mitingdo akambah; tümüde inü asukdo, inü lümkhi thsüdo; inü mulong mümüthri yungsho inü murholo.

DANIEL 4:28

Ha alala kiulongthsüpuh Nebukednezar kheak dünji.

HOSEA 11:9

Inü I bukakhiukkhi mürhimo; inü Ephraim müthsümünimlo; tümüde I a Thrünpuh ah tüsho mihtsürü yung, nüsa bolung Amüsüh Khülang lah tüsho inü I bukakhiukde marü.

MIKA 7:20

Nünü awün nimungbo ching isa jipürü ki thiyuchihchimkhi nangde Jakob ki thiyuro tüsho Abraham ki mihmüthsüm huhbah.

HABAKKUK 2:3

Tümüde kheaküshe akhukhit kim thsungkheak michih khülang lah; ha akheam yo asukchoh, tüsho mükeangrü. Ju lakmama she, aleangang; ha tsükjide arübah, mashu.

MALAKI 3:6

Tümüde I Atungpuh mümüthrichoh; jumonü, O Jakob tsührübo, nüsa müdükheak.

WÜHKHE 14:35

I Atungpuhnü ha thado; ha amütsü boto I azhihde amukhungrü kheak dükde inü arhimobah. Ha sunglo ching arübo akheam thsübah, tüsho ju ching arü shebah.”

WÜHKHE 23:18

Tüsho Balaamnü müchityu tha: “ Asürang, Balak, tüsho aniang; I ki aniang, Zippor tsührü,

LUKNÜ ATHRÜTKHI THIYUSHEAK-ATSÜ HUHTANYU 21:33

Thüning tüsho alomi hode atsobah, tüshe I yubo küyimkishe hode mutso.

ROMRÜ KILIM PAULNÜ ATHRÜTKHI KIHÜM HUHTANYU 11:29

Tümüde Thrünpuh thsambahbo tüsho ajikhibo mululokhukbe ah.

ROMRÜ KILIM PAULNÜ ATHRÜTKHI KIHÜM HUHTANYU 9:6

Tüshe ha Thrünpuh yu akuk müngükhi yung. Tümüde Israel kheaknü atrükkhitkhi alala Israelrü yung,

2 TIMOTHI 2:13

isa thiyuro mülachoki, api a thiyuro labah, tümüde apinü aküdahnü amülim thsüpü mukuk.

TITA 1:2

küyimkishe akeangyu müthabuh Thrünpuhnü adüso alokhikhi lün rhangdung mulonglam ching

IBRI 6:18

junangde Thrünpuhnü akeangyu müthakhukbe, mümüthrikhukpü mungji mahne hode isa kilim jihkhi mulonglam kheak ramrihpü isa shande ayürü khide mulong toshihbah.

IBRI 7:21

Sherü akhuhlim amükeamrü kamkheanü thiyuchihchim mübede arü rhimo lu, tüshe ha buh a thiyuchihchim lude tha, “Atungpuhnü thiyuchihchimdo tüsho api lümkhi mümüthri, ‘Nü a lün thsungkheak amükeamrü ah.’ ”

JAKOB 1:17

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.

JAKOB 4:5

Yungsho amüsühyunü, “Thrünpuhnü isa kheak lashihkhi menü mükthsüpü künchoh,” de athakhi akeangkeang ah de nüsanü lümcho shi?

JIHUSUA 21:45

Atungpuhnü Israelrü ki tangzüngkhi atsübo khülang lang she mülakphah; alala dünjido.

1 SAMUEL 15:29

Shepü Israel Müretahkhi lanü apinü akeangyu müthachoh yungsho api lümkhi mümüthri; tümüde api lümkhi müthripü thsüde api mihtsürü khülang yung.”

1 SAMUEL 3:12

Ju nimung inü Eli yamkhün azhihde athakhi, atankihnü akheam khiungde adünjibah.