WÜHKHE 23:13 - AMÜSÜH HÜM CL Bible (BSI)

¹³ Balaknü api ki tha, “Nünü arü ngüpung dangpung püpü lim muzhobah I lung arang, nünü arü aleanglimbe shihcham lang angübah, tüshe arü alala müngü; ju kheaknü I thsungkheak arübo athrujang.”

WÜHKHE 23:13 Iomraidhean Croise

1 KIULONG THSÜRÜ 20:23

Siria kiulongthsüpuh yamlarübonü api ki tha, “Arü thrünpuhbo ju awungbo thrünpuhbo ah, jumonü arübo isa kheaknü amürangbe lakheah; tüshe adükhün ching isanü arü bede keochihanü, tüsho tsükjide arü kheaknü isa amürangbe labah.

1 KIULONG THSÜRÜ 20:28

Thrünpuh mihtsürü arü tüsho Israel kiulongthsüpuh ki tha, “Atungpuhnü ha thachoh: Tümütüsho Siriarünü thado, ‘Atungpuh a awungbo thrünpuh ah tüshe api a adükhünbo thrünpuh yung,’ jumonü inü ha boto ato alala nü khah ching jihbah, tüsho I Atungpuh de nünü amükheahbah.”

MUNGSHIKHÜN 109:17

Apinü muthrumünean muzhokhi nangde, api kheak ju arüshang; apinü müngühmühi ching masühkhi nangde, api kheak ju limshushang.

MIKA 6:5

O I mihtsürü, Moab kiulongthsüpuh Balaknü tümü rük thsükheanü kheakü lümkhitang, Beor tsührü Balaamnü api ki tümü alokhea, tüsho Shittim chingnü Gilgal khiungde tümü dünjikhea, junangde nüsanü Atungpuh akhümkhit rhimobo mükheahbah.”

WÜHKHE 22:41

Jumonü ashidopü, Balaknü Balaam bebah Bamoth Baal ching wutu, tüsho ju chingnü apinü Israel mihtsürü chamkhüh ngü.

WÜHKHE 22:6

Jumonü khülang ki arübah harü mihtsürübo athruang, tümüde arübo I thsungkheak khide wu-sühmüh lah. Judüalalashe inü arü kukbah tüsho lomi chingnü yankhita bahbah, tümüde nünü shepü kheak müngühjihbanü müngühjihchoh, tüsho shepü kheak nünü athruchonü muthrumüneanchoh de inü mükheahlah.”

WÜHKHE 23:12

Jumonü apinü alo, “Atungpuhnü I mün ching yukjihkhi yu thapü inü manibea de?”

WÜHKHE 23:14

Jumonü apinü Balaam ju Zophim lu, Pisga wung ching bebah arü, tüsho kingaün sadam thüne thsübahle ju abande moshipung 1 tüsho mihnupung 1 de kingaün.

JIHUSUA 24:9

Tüsho Zippor tsührü Balak, Moab kiulongthsüpuhnü Israel bede keochih; tüsho apinü Beor tsührü Balaam thiyia nüsa athrushih,