WÜHKHE 23:1 - AMÜSÜH HÜM CL Bible (BSI)

¹ Tüsho Balaamnü Balak ki tha, “ I thsungkheaknü ha ching kingaün sadam thüne thsang, tüsho I thsungkheaknü ha ching moshipung thüne tüsho mihnupung thüne thsakhamang.”

WÜHKHE 23:1 Iomraidhean Croise

2 KIULONG THSÜRÜ 18:22

Tüshe nünü I ki, ‘Isanü Atungpuh isa Thrünpuh kheak düthsün angübah,’ de thacho ju Hezekianü achang dangpungbo luka bahde Juda tüsho Jirusalem ki, ‘Nüsanü Jirusalem ching ha kingaün sadam miki kingaünbeah’ de athakhi thsü yung de?

1 KIUTHSÜYUKHEAN 15:26

Tümütüsho Thrünpuhnü Atungpuh sangdan shuhrü Levirü rungmonü arünü moshi 7 tüsho namfimihnupung 7 laksah-a kingaün.

2 KIUTHSÜYUKHEAN 29:21

Arünü moshi 7, namfimihnupung 7, namfimihnunu 7, tüsho mihnu pung 7 ju kiulongthsü, arüngakopung tüsho Juda thsungkheak neak kingaünpü hande arü. Apinü jurübo Atungpuh kingaün sadam kheak jihshihpü Aron tsühsoniusobo amükeamrübo ki thiyukhüm jih.

JOB HU H T ANYU 42:8

Kheakü jumonü moshi 7 tüsho namfimihnupung 7 luang, tüsho I yamlarü Job kilim yüang, tüsho nüsa thsungkheak taka kingaünkhi jihang; tüsho I yamlarü Jobnü nüsa thsungkheak tamkhüntamnüjihbah, tümüde nüsanü amülim rhimokhi yande mürhimopü thsüde inü api tamkhüntamnü leangkhibah; tümütüsho I yamlarü Jobnü arhimokhi nangde nüsanü I dünkheak alungki masuk.”

ABEKHIT 20:24

Nüsanü I thsungkheak alonü kingaün sadam khülang thsang tüsho ju kheak taka kingaün, mungtsü kingaün, namfimihnu tüsho moshipungbo jihang. Nüsanü I kingaünpü inü mokhita lakhi dangpung aban ching I nüsa kilim arübah tüsho nüsa müngühjihbah.

MÜCHITMUDU 15:8

Mihbukmuyuknü laksah-a kingaünkhi ju Atungpuh kilim athraneanbe lah, tüshe alungkirü tamkhüntamnü ju api asühpü lah.

EZEKIEL 33:31

Mihtsürübo arüchoki arünü nü kilim arüchoh, tüsho arünü I mihtsürü nangde nü miki binchoh, tüsho arünü nü yubo anichoh, tüshe arünü jurübo mürhimo. Tümüde thiyu-ake arü münküpbo kheak lah, tüshe arü mulong a arü alü thsüpü kheak lah.

EZEKIEL 45:23

Tüsho nimung thüne thünio lachoki apinü Atungpuh kilim taka kingaünpü lapha mükihkhi moshipung 7 tüsho namfimihnupung 7, nimung thüne thüne aban ni jihbah; tüsho nimung aban neak kingaünpü mihnu pung 1.

WÜHKHE 22:41

Jumonü ashidopü, Balaknü Balaam bebah Bamoth Baal ching wutu, tüsho ju chingnü apinü Israel mihtsürü chamkhüh ngü.

WÜHKHE 23:2

Balaamnü athakhi nangde Balaknü rhimo, tüsho Balak le Balaam anenü moshipung tüsho mihnupung kingaün sadam abande jih.

WÜHKHE 23:29

Tüsho Balaamnü Balak ki tha, “ Ha ching I thsungkheaknü kingaün sadam thsüang, tüsho I thsungkheaknü moshipung 7 tüsho mihnupung 7 thsakhamang.”

WÜHKHE 23:30

Balaamnü athakhi nangde Balaknü rhimo tüsho kingaün sadam abande moshipung 1 tüsho mihnupung 1 de kingaün.

WÜHKHE 29:32

Athüne nipü moshipung 7, namfimihnupung 2, tüsho kam khülang bankhi namfimihnunu 14 lapha mükihkhi jihang,

MATHI 23:13

“Tüshe nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürübo azhihde yinmi kiulongthsü rihdo; tümütüsho nüsanü müyüzah yungsho ayüzahpü larü she müyüzahshih.

JUDNÜ ATHRÜTKHI KIHÜM HUHTANYU 1:11

Arü are! Tümüde arünü Kain limro ching tsahchoh, tüsho Balaamnü alakmihkhi alü thsüpü lim arü küdahnü bahyukchoh, tüsho Kora azhihkhi ching dükheakchoh.

1 SAMUEL 15:22

Tüsho Samuelnü tha, “Atungpuh yu anikhi kheaknü taka kingaünkhi tüsho laksah-a kingaünkhi ching Atungpuhnü alü asühcho de? Tsükjide, laksah-a kingaünkhi kheaknü a mihyuanikhi atsübe, tüsho namfimihnu pung müdang kheaknü mihyuanikhi atsübe.