WÜHKHE 22:8 - AMÜSÜH HÜM CL Bible (BSI)

⁸ tüsho apinü arü ki tha, “Khihre ha ching binang tüsho Atungpuhnü I ki thakhi nüsa kilim thiyusheak lubah arüanü.” Jumonü Moab kiulongthsürü tsührübonü Balaam lung bin.

WÜHKHE 22:8 Iomraidhean Croise

1 KIULONG THSÜRÜ 13:8

Tüshe Thrünpuh mihtsürünü kiulongthsüpuh ki tha, “Nünü nü lakhit thripkhüh I jihjih she, I nü lung müyü; yungsho ha dangpung ching inü jim mütsüh yungsho ke muyung.

1 KIULONG THSÜRÜ 22:14

Tüshe Mikaianü tha, “Atungpuh lale, tümüpürü Atungpuhnü I ki thachonü, inü athabah.”

JEREMIA 12:2

Nünü arü khimkheah, tüsho arü aying chinyuk; arü asürü tüsho sangaso aso; nü a arü münbo thüninde lah tütüshe arü mulong kheaknü limshulah.

EZEKIEL 33:31

Mihtsürübo arüchoki arünü nü kilim arüchoh, tüsho arünü I mihtsürü nangde nü miki binchoh, tüsho arünü nü yubo anichoh, tüshe arünü jurübo mürhimo. Tümüde thiyu-ake arü münküpbo kheak lah, tüshe arü mulong a arü alü thsüpü kheak lah.

WÜHKHE 12:6

Tüsho Atungpuhnü tha, “Kheakü I yu aniang! Küyimki nüsa bolung wukihrü labanü, inü arü michih ching I akhiuka huhchoh tüsho inü arü kheak milim ching asukachihchoh.

WÜHKHE 22:18

Tüshe Balaamnü alo, “Balaknü I kilim api yam, shotoyinchi tüsho sunanü mide jihjih she, nükde yungsho hihde arhimopü, Atungpuh I Thrünpuh yu ayiuhde müyü.

WÜHKHE 22:38

Tüsho Balaamnü Balak ki tha, “Kheahang, I nü kilim arüdo! Kheakü inü tümükhüh thapü kukla shi? Thrünpuhnü I mün ching yukjihkhi yu lang inü athabeah.”

WÜHKHE 22:7

Jumonü Moab tüsho Midia azothsürübonü arü khah ching mebelopü shuhbah Balaam kilim arü tüsho Balaknü athakhi yubo api ki tha,

WÜHKHE 22:9

Tüsho Thrünpuhnü Balaam kilim arübahle tha, “Nü lung larü mihtsürübo ha sherü a?”

WÜHKHE 23:12

Jumonü apinü alo, “Atungpuhnü I mün ching yukjihkhi yu thapü inü manibea de?”

WÜHKHE 23:3

Tüsho Balaamnü Balak ki tha, “Nü a taka kingaünkhi miki zhipang, tüsho I yüanü; Atungpuh I shorupü arübah, tüsho apinü I ki tümü huhbanü inü nü ki thabah.” Jumonü api azhikpung awung achang ching wutu.

WÜHKHE 24:13

Balaknü api yam shotoyinchi tüsho sunanü mide jihjih she I lümkhi atsü yungsho amütsü thsüthsü inü Atungpuh kheak hode mujukhokhuk; tüshe Atungpuhnü tümü thabanü, inü ju thabeah?”