WÜHKHE 22:7 - AMÜSÜH HÜM CL Bible (BSI)

⁷ Jumonü Moab tüsho Midia azothsürübonü arü khah ching mebelopü shuhbah Balaam kilim arü tüsho Balaknü athakhi yubo api ki tha,

WÜHKHE 22:7 Iomraidhean Croise

ISAIA 1:23

Nü yo yakzanshuhrübo azhihrü tüsho ahührü müyamrübo lah. Mihbüm abannü buknim muzhochoh tüsho thsambahbo dunglim alihchoh. Arünü mürerü mutsunglo, tüsho khimoberü dünkheak arü miki marü.

ISAIA 56:11

Arübo bukmükhüt yihnubo ah; arü küyimkishe suhdahdo de müla. Mihnu neakrübo she anikhitkhi müla; arü alala nihbuh limro ching arü nihbuh alü thsüpü, alala tsodo.

EZEKIEL 13:19

Barli müyikhüh tüsho yikhap dütrekhüh dün nüsanü I mihtsürü bolung I müneanjihdo. I mihtsürü ki akeangyu thaa anishihde, nüsanü müshepü larü laksahdo tüsho mülapü larü lashihdo.

EZEKIEL 21:21

Tümüde Babilon kiulongthsüpuhnü kuhi kheahpü limdübeak ching, limro mahne dübeakkhi kheak tuklobah: Apinü hühzo mahnenü azan thsübah, apinü anihbuh sangthsübo keobah, apinü shihmüsan kheak kheahbah.

MIKA 3:11

Yakzanshuhrübonü buknim dün mahkhapchoh, amükeamrübonü adün mo thsangyuchoh, wukihrübonü sho mo müchitchoh; tütüshe arünü Atungpuh kheak angükihchoh tüsho thachoh, “Tsükjide Atungpuh isa lung lah! Isa kheak athsümünim marü.”

WÜHKHE 22:8

tüsho apinü arü ki tha, “Khihre ha ching binang tüsho Atungpuhnü I ki thakhi nüsa kilim thiyusheak lubah arüanü.” Jumonü Moab kiulongthsürü tsührübonü Balaam lung bin.

WÜHKHE 23:23

Jakob azhihde rük huhpü müla, Israel azhihde müchitpü müla. Kheakü Jakob tüsho Israel dünkheak thabah, ‘Kheahang Thrünpuhnü tümü rhimoa la?’

WÜHKHE 24:1

Küyimki Israel müngühjihpü Thrünpuhnü mulongkhi Balaamnü angükhea, püpüki kim ching nangde apinü rük huhpü limro müyim, tüsho api miro sunglo thrip abinabah.

ROMRÜ KILIM PAULNÜ ATHRÜTKHI KIHÜM HUHTANYU 16:18

Tümüde hadürü mihtsürübonü isa Atungpuh Khrista mütankihchoh, tüshe arü buk thsungkheak ah, tüsho arü yu atsü tüsho atsankhinü amülim mülarü mihtsürü mulongbo thsungyukchoh.

TITA 1:11

arübo zhikde akamshihbeah, tümütüsho arünü thsangyupü alim mülakhi, thiyuro mülakhi alü thsüpü thsangyude yamkhünbo shahde thsümünimchoh.

JIHUSUA 13:22

Jurü bolung Israelrünü nukshangnü alaksahbuh ju müchitmudurü Beor tsührü Balaam lakheah.

2 PETER 2:15

Arünü alungki limro bahyukbah amülim rhimokhi chingnü alü thsükhi muzhobuh Beor tsührü Balaam limro yando,

JUDNÜ ATHRÜTKHI KIHÜM HUHTANYU 1:11

Arü are! Tümüde arünü Kain limro ching tsahchoh, tüsho Balaamnü alakmihkhi alü thsüpü lim arü küdahnü bahyukchoh, tüsho Kora azhihkhi ching dükheakchoh.