WÜHKHE 22:6 - AMÜSÜH HÜM CL Bible (BSI)

⁶ Jumonü khülang ki arübah harü mihtsürübo athruang, tümüde arübo I thsungkheak khide wu-sühmüh lah. Judüalalashe inü arü kukbah tüsho lomi chingnü yankhita bahbah, tümüde nünü shepü kheak müngühjihbanü müngühjihchoh, tüsho shepü kheak nünü athruchonü muthrumüneanchoh de inü mükheahlah.”

WÜHKHE 22:6 Iomraidhean Croise

THRÜNTAN 12:3

Shepünü nü müngühjihchonü inü müngühjihbah, tüsho shepünü nü athruchonü inü muthrumüneanbah; tüsho nü lung alomi yamkhün alala müngühjihbah.”

THRÜNTAN 27:29

Mihtsürübonü nü tankihshang, tüsho trükshihbonü nü ki mükhümshang. Nü keoniorü alala kurungkheak aputungrü thsang, tüsho nü be tsührübonü nü ki mükhümshang. Nü athrurü muthrumüneanshang, tüsho nü müngühjihrü müngühshang!”

1 KIULONG THSÜRÜ 22:13

Mikaia jipü yübuh yunithsürünü api ki tha, “ Kheahang, wukihrübo yu rukhühnü kiulongthsüpuh ki atsübe lah; nü yu she arü yu ruk thsang tüsho tsüde thaang.”

1 KIULONG THSÜRÜ 22:6

Judüki Israel kiulongthsüpuhnü wukihrübo 400 bande bemukhung, tüsho arü ki tha, “Inü Ramoth-gilead bede keochihpü yüba shi, dashi I müyüba?” Arünü tha, “Wutuang; tümüde Atungpuhnü ju kiulongthsüpuh khah ching jihbah.”

1 KIULONG THSÜRÜ 22:8

Israel kiulongthsüpuhnü Jehoshaphat ki tha, “Isanü A TUN GPU H ki keokhipü thsüde püpürü khülang Imla tsührü Mikaia lah; tüshe inü api mükheahne, tümüde apinü küyimkishe I thsungkheaknü atsü tümü she mümüchitchoh, tüshe thsümütsü lang ah.” Jehoshaphatnü tha, “ Kiulongthsüpuhnü hadürü dütha shi.”

NEHEMIA 13:2

Ha amütsan Amonrü le Moabrünü Israelrü Ijip chingnü alungchoki mükipduh, tüshe arünü Balaam kheak buknima Israelrü athrushih, tütüshe Thrünpuhnü athruaji ju müngühmühi kamshih.

MUNGSHIKHÜN 109:28

Arünü athruajishang, tüshe nünü müngühjang; küyimki arü asürübanü arü achih ngüshang, tüshe nü yamlarü asühshang.

MÜCHITMUDU 26:2

Phinakhinde ayükhi khüjak nangde, aphinkhi kiurürüt nangde, amütsan mülade muthrumünean ju müdünjichoh.

EZEKIEL 13:6

Arü michihbo arükchih tüsho arü müchitkhi akeangyu. Atungpuhnü arü müthiyide thachoh, “Atungpuhnü thachoh”; tüsho arü yu dünjipü arünü mükkin thsüchoh.

MIKA 6:5

O I mihtsürü, Moab kiulongthsüpuh Balaknü tümü rük thsükheanü kheakü lümkhitang, Beor tsührü Balaamnü api ki tümü alokhea, tüsho Shittim chingnü Gilgal khiungde tümü dünjikhea, junangde nüsanü Atungpuh akhümkhit rhimobo mükheahbah.”

WÜHKHE 22:12

Tüshe Thrünpuhnü Balaam ki tha, “Nü arü lung müyü, nünü mihtsürübo mathruaji, tümüde arübo inü müngühjihdo.”

WÜHKHE 22:17

tümüde tsükjide inü nü wüntrebah, tüsho nünü I ki tümüpürü thabanü ju rhimobah. Jumonü muzhobahle arübah harü mihtsürü I thsungkheaknü athrujang.”

WÜHKHE 23:13

Balaknü api ki tha, “Nünü arü ngüpung dangpung püpü lim muzhobah I lung arang, nünü arü aleanglimbe shihcham lang angübah, tüshe arü alala müngü; ju kheaknü I thsungkheak arübo athrujang.”

WÜHKHE 23:27

Balaknü Balaam ki tha, “ Muzhobah arang, inü nü dangpung püpü ching bebah ayübah; khükijua ju ching nünü I thsungkheak arü athrukhi Thrünpuhnü asühbah.”

WÜHKHE 24:9

Kekhüzü nangde arünü khukningchoh, tüsho zuh-a yapchoh, kekhüzü dreto nangde shepünü arü yihmusukhukpü? Shepünü nü müngühjihbanü müngühmühi, tüsho shepünü athrubanü athrubah.”

YUNIRÜBO RHIMO 16:16

Isa tamkhüntamnü dangpung lim yüde alachoki, menü müchitde aputungrü khide alü thsüshihde alakhi azhorü liberü khülangnü isa shoru.

YUZÜNGTHALO 23:4

tümütüsho nüsa Ijip chingnü akhiukchoki yikhap tüsho ke shuhbah limro ching nüsa mushoru, tüsho arünü nüsa azhihde Mesopotamia ching lakhi Pethor chingnü Beor tsührü Balaam muloa nüsa athrushih.

JIHUSUA 24:9

Tüsho Zippor tsührü Balak, Moab kiulongthsüpuhnü Israel bede keochih; tüsho apinü Beor tsührü Balaam thiyia nüsa athrushih,

1 SAMUEL 17:43

Judüki Goliathnü David ki tha, “I khihnu ah de lümbah tso shuhbah arücho de?” Tüsho Goliathnü api thrünpuhbo jide David muthrumünean.