WÜHKHE 22:5 - AMÜSÜH HÜM CL Bible (BSI)

⁵ Jumonü apinü Beor tsührü Balaam kilim api mihtsürü tsührübo lomi ching keto phünide Pethor ching api jide thiyusheak yüshih, tüsho tha, “Kheahang, mihtsürübo Ijip chingnü arüa lah. Kheahang arünü alomi michoh, tüsho arübo thüninde lah!

WÜHKHE 22:5 Iomraidhean Croise

THRÜNTAN 13:16

Tüsho inü nü tsühsoniusobo asungthulung nangde akamshihbah; junangde khürünü asungthulung khekhuksho nü tsühsoniusobo she akhekhukbah.

MUNGSHIKHÜN 105:24

Tüsho apinü api mihtsürü tode jashih, tüsho arü riribo kheaknü sühmüh lakhi kamshih.

ABEKHIT 10:15

Tümütüsho arünü alomi abümnü mitingdo akampü thsüde lüpdoabah; tüsho arünü arulungnü aningshihkhi sangrung tüsho sangasobo tsühabah. Jumonü Ijip lomi alala ching sangdungbo yungsho sangrungbo kheak aphüyak mülakheah.

MIKA 6:5

O I mihtsürü, Moab kiulongthsüpuh Balaknü tümü rük thsükheanü kheakü lümkhitang, Beor tsührü Balaamnü api ki tümü alokhea, tüsho Shittim chingnü Gilgal khiungde tümü dünjikhea, junangde nüsanü Atungpuh akhümkhit rhimobo mükheahbah.”

WÜHKHE 23:7

Balaknü müchityu tha, “ Aniakhiuklim wung ching Moab kiulongthsüpuh, Balaknü I Aram chingnü bedarü. ‘ Arang I thsungkheaknü Jakob athrujang; arang Israel azhihde zhiyukjang.’

WÜHKHE 31:8

Arünü alaksahkhi lungnü Midiarü kiulongthsürübo phüngü harü laksah: Evi, Rekem, Zur, Hur, tüsho Reba. Arünü Beor tsührü Balaam she nuknü laksah.

YUZÜNGTHALO 23:4

tümütüsho nüsa Ijip chingnü akhiukchoki yikhap tüsho ke shuhbah limro ching nüsa mushoru, tüsho arünü nüsa azhihde Mesopotamia ching lakhi Pethor chingnü Beor tsührü Balaam muloa nüsa athrushih.

YUZÜNGTHALO 23:5

Judüalalashe Atungpuh nüsa Thrünpuhnü Balaam ki mani, tüshe Atungpuh nüsa Thrünpuhnü athruaji ju nüsa thsungkheaknü müngühmühi kamshih, tümütüsho Atungpuh nüsa Thrünpuhnü nüsa muzholah.

JIHUSUA 13:22

Jurü bolung Israelrünü nukshangnü alaksahbuh ju müchitmudurü Beor tsührü Balaam lakheah.

JIHUSUA 24:9

Tüsho Zippor tsührü Balak, Moab kiulongthsüpuhnü Israel bede keochih; tüsho apinü Beor tsührü Balaam thiyia nüsa athrushih,

JUDNÜ ATHRÜTKHI KIHÜM HUHTANYU 1:11

Arü are! Tümüde arünü Kain limro ching tsahchoh, tüsho Balaamnü alakmihkhi alü thsüpü lim arü küdahnü bahyukchoh, tüsho Kora azhihkhi ching dükheakchoh.

AMIKHEAKAKHIUKKHI 2:14

Tüshe inü nü azhihde khürü lah: Ju ching Balak ki thaa Israel tsührübo müngüh jingmükhebe zoshihbah sangthsübo ki kingaünkhi tsühyungbe tsühshihkhi tüsho müzammüram rhimoshihkhi Balaam thsangyukhi yanrü khürü lah.