WÜHKHE 22:34 - AMÜSÜH HÜM CL Bible (BSI)

³⁴ Tüsho Balaamnü Atungpuh yunirü ki tha, “ Inü neak yihbeakdo, tümüde I azhihde nü limro ching zhipkhi inü mümükheah. Jumonü nü miki amülim thsüa lasho, I alode ayübah.”

WÜHKHE 22:34 Iomraidhean Croise

2 SAMUEL 12:13

Davidnü Nathan ki tha, “Inü Atungpuh azhihde neak yihbeakdo.” Nathannü David ki tha, “Kheakü Atungpuhnü nü neak bahjihdo; nü müshe.

1 KIUTHSÜYUKHEAN 21:7

Tüshe hadürü ching Thrünpuhnü masühde alakheah, tüsho apinü Israel shik.

MUNGSHIKHÜN 78:34

Küyimki apinü arü khürü laksahkheanü, aninga larünü api yim; arünü mulong müthri tüsho azhihayihde Thrünpuh yim.

ABEKHIT 9:27

Tüsho Pharaonü Mosa le Aron jibah tha, “Ha kim ching inü neak yihbeakdo. Atungpuh ju thiyurolungki tüsho I mihtsürübo le I mihbukmuyuk ah.

MÜCHITMUDU 24:18

jude yungsho Atungpuhnü ju ngübah api masühde akambah, tüsho anihbuh kheaknü api mulong zhipzhip lude atsobah.

WÜHKHE 11:1

Tüsho mihtsürübonü arü küpkhukkhi dünkheak Atungpuhnü sode dapdapneangneang; tüsho küyimki Atungpuhnü asokhea, api bukakhiuk tüsho arü bolung Atungpuh mo takshih, tüsho binkheampung mühi mühit khürü takabah.

WÜHKHE 14:40

Tüsho arünü yapsu mükikde asürübahle awung mujuk kheak wutu tüsho tha, “ Isa ha ching lah, tüsho Atungpuhnü alokhikhi dangpung ching isa wutubah, tümüde isanü neak yihbeakdo.”

WÜHKHE 22:12

Tüshe Thrünpuhnü Balaam ki tha, “Nü arü lung müyü, nünü mihtsürübo mathruaji, tümüde arübo inü müngühjihdo.”

WÜHKHE 22:33

Donkinü ngübah I kheaknü mahsam ki rholobah tsodo. Apinü I kheaknü rholobah mütsokhülaa tsükjide inü nü laksah-a labah tüsho api arhang lashihbah.”

1 SAMUEL 15:24

Saulnü Samuel ki tha, “Inü neak yihbeakdo; tümüde inü Atungpuh yukhüm tüsho nü yubo lakmihdo, tümütüsho inü mihtsürübo kheak trede arü yu anido.

1 SAMUEL 15:30

Judüki Saulnü tha, “Inü neak yihbeakdo; judüalalashe kheakü I mihtsürü azothsürü tüsho Israel miki I wüntre jihang, tüsho I kilim rholoang, junangde inü Atungpuh nü Thrünpuh kingaünbah.”

1 SAMUEL 24:17

Apinü David ki tha, “Nü a I kheaknü khide thiyuro ah; tümüde inü nü ki amütsü rhimo she nünü a I ki atsü rhimodo.

1 SAMUEL 26:21

Judüki Saulnü tha, “Inü amülim rhimodo; I tsührü David alode arang, tümüde kheaküa inü nü müthsümünim, tümütüsho khihni I rhangdung nü miki shoto lakheah; I bünkeangbünrudo, tüsho amülim ato khülang thsüdo.”