WÜHKHE 22:32 - AMÜSÜH HÜM CL Bible (BSI)

³² Tüsho Atungpuh yunirünü api ki tha, “ Tümüde nünü nü yo donki kheak mahsam ki rhapkhea? kheahang, nü azhihde azhippü I akhiukdo, tümütüsho I miki nü limro khudolah.

WÜHKHE 22:32 Iomraidhean Croise

MUNGSHIKHÜN 145:9

Atungpuhnü alala ki tsülah, tüsho api rhimobo alala kurungkheak api amüthsüm lah.

MUNGSHIKHÜN 147:9

Apinü mütüm shiwühbo tüsho khungde alakhi khüyak nunu kilim tsühyungbe jihchoh.

MUNGSHIKHÜN 36:6

Nü thiyuro-lungki ju awung ato nangde lah; nü thiyuro ju keto asük nangde lah. Mihtsürü tüsho shiwühbo nünü akünkhi ching lah.

MÜCHITMUDU 14:2

Shepünü nihbuh alungki ching tsahchonü Atungpuh trechoh, tüshe shepü nihbuh limro mulungkinü api mükhemükimchoh.

MÜCHITMUDU 16:2

Mihtsürü limro alala nihbuh mük ki atsangkhit lah, tüshe Atungpuhnü lümkhibo adünchoh.

MÜCHITMUDU 28:18

Shepü mungchih mülade tsahchonü akhümkhitbah, tüshe shepü nihbuh limrobo ching mülapmüji lanü zukleangnü alungbah.

MÜCHITMUDU 28:6

Alarü thsübah nihbuh limrobo ching mülapmüjikhi kheaknü thiyuro ching tsahkhi zhochihrü atsübe.

JONA 4:11

Dale küdükhüh inü ju kiuto ato Nineve kheak amuzho mülapü. Ju ching amülim mülakhi mihtsürübo 120,000, tüsho shiwühbo she ahihdo lah!”

MIKA 6:5

O I mihtsürü, Moab kiulongthsüpuh Balaknü tümü rük thsükheanü kheakü lümkhitang, Beor tsührü Balaamnü api ki tümü alokhea, tüsho Shittim chingnü Gilgal khiungde tümü dünjikhea, junangde nüsanü Atungpuh akhümkhit rhimobo mükheahbah.”

WÜHKHE 22:20

Tüsho ju tsüngre Thrünpuhnü Balaam kilim arübah api ki tha, “ Mihtsürübo arübah nü jisho asürübah arü lung yüang; tüshe inü nü ki küpü yu thachonü nünü ju lang arhimobah.”

WÜHKHE 22:22

Judüki Thrünpuh bukakhiuk tümütüsho Balaam yüde alakheah, tüsho Atungpuh yunirünü api azhihde limro ching zhip. Balaamnü anihbuh donki kheak binbah be tüsho api yamlarü mahne api lung lakheah.

WÜHKHE 22:28

Judüki Atungpuhnü donki mün khimshuhjih, tüsho donkinü Balaam ki tha, “ Inü nü ki tümü rhimokhi, nünü I kheak mahsam ki rhapkhea?”

WÜHKHE 22:33

Donkinü ngübah I kheaknü mahsam ki rholobah tsodo. Apinü I kheaknü rholobah mütsokhülaa tsükjide inü nü laksah-a labah tüsho api arhang lashihbah.”

WÜHKHE 22:35

Tüshe Atungpuh yunirünü Balaam ki tha, “ Mihtsürü bolung yüang, tüshe inü nü ki thakhi yu lang nünü athabah.” Jumonü Balaamnü yunithsürü lung yü.

YUNIRÜBO RHIMO 13:10

tüsho tha, “Nü arimri tsührü, akeangyu tüsho mülapmüjinü mide alakhi thiyurolungkirü alala riri, nünü Atungpuh limro khürangshihpü mutukloba de?

YUZÜNGTHALO 23:4

tümütüsho nüsa Ijip chingnü akhiukchoki yikhap tüsho ke shuhbah limro ching nüsa mushoru, tüsho arünü nüsa azhihde Mesopotamia ching lakhi Pethor chingnü Beor tsührü Balaam muloa nüsa athrushih.

YUZÜNGTHALO 25:4

“Nünü moshipung hi nitchoki amün dürümjih.