WÜHKHE 22:20 - AMÜSÜH HÜM CL Bible (BSI)

²⁰ Tüsho ju tsüngre Thrünpuhnü Balaam kilim arübah api ki tha, “ Mihtsürübo arübah nü jisho asürübah arü lung yüang; tüshe inü nü ki küpü yu thachonü nünü ju lang arhimobah.”

WÜHKHE 22:20 Iomraidhean Croise

MUNGSHIKHÜN 81:12

Jumonü inü arü nihbuh lümkhi ching tsahshihpü arü mulong müküppü jih.

ISAIA 37:29

Tümütüsho nünü I azhihde bukakhiuk tüsho nü mulong zhipzhipkhi I nükhün ching arü, inü yinchi-khoyang nü nupung ching yukjihbah tüsho yinchikaplak nü mün ching yukjihbah, inü nü arükhi limro ching rholoshihbah.

JEREMIA 1:7

Tüshe Atungpuhnü I ki tha, “‘ I azürü nunu khülang ah’ de dütha.” Tümüde inü nü sherü kilim yüshihbanü nü ayübah, tüsho inü tümüpürü nü ki thiyukhüm jihbanü nünü athabah.

HOSEA 13:11

Inü I bukakhiukkhi ching nü kilim kiulongthsürü khülang jih, tüsho I mulong zhipzhip ching inü api lude tso.

WÜHKHE 22:19

Jumonü muzhobah nüsa she khihre ha ching binang, junangde Atungpuhnü I ki tümü thalobanü inü amükheahbah.”

WÜHKHE 22:35

Tüshe Atungpuh yunirünü Balaam ki tha, “ Mihtsürü bolung yüang, tüshe inü nü ki thakhi yu lang nünü athabah.” Jumonü Balaamnü yunithsürü lung yü.

WÜHKHE 23:12

Jumonü apinü alo, “Atungpuhnü I mün ching yukjihkhi yu thapü inü manibea de?”

WÜHKHE 23:16

Judüki Atungpuhnü Balaam shorubah amün ching thiyu yukjih, tüsho tha, “Balak kilim alode yüang, tüsho nünü ha thaang.”

WÜHKHE 23:26

Balaamnü alo, “Atungpuhnü athakhi lang inü arhimobah de nü ki inü mütha de?”

WÜHKHE 23:5

Atungpuhnü Balaam mün ching thiyu yukjih tüsho tha, “Balak kilim alode yüang tüsho nünü ha thaang.”

WÜHKHE 24:13

Balaknü api yam shotoyinchi tüsho sunanü mide jihjih she I lümkhi atsü yungsho amütsü thsüthsü inü Atungpuh kheak hode mujukhokhuk; tüshe Atungpuhnü tümü thabanü, inü ju thabeah?”

WÜHKHE 24:4

Thrünpuh yu sobuhnü müchitkhi, shepünü Wuto lümkhi ngücho, shepü mük rheakde akicho: