WÜHKHE 22:12 - AMÜSÜH HÜM CL Bible (BSI)

¹² Tüshe Thrünpuhnü Balaam ki tha, “Nü arü lung müyü, nünü mihtsürübo mathruaji, tümüde arübo inü müngühjihdo.”

WÜHKHE 22:12 Iomraidhean Croise

THRÜNTAN 12:2

Inü nü trükshih ato kamshihbah; inü nü müngühjihbah tüsho nü mung ato kamshihbah; tüsho nü müngühmühi labah.

2 KIUTHSÜYUKHEAN 31:10

Zadok guk atobuh amükeamrü Azarianü api ki alo, “Arünü Atungpuh yam ching arung hande arüpü tankihchokinü, isa tsühpü tüsho aningpü suhdahde alakheah; tümüde Atungpuhnü api mihtsürü müngühjih, junangde ha tode aninga lah.”

MUNGSHIKHÜN 144:15

Mihtsürü sherü hadürü lalim ching lanü asühpü; mihtsürü sherü Thrünpuh ju Atungpuh lanü asühpü!

MUNGSHIKHÜN 146:5

Shepü nihbuh arung Jakob Thrünpuh kheak lanü asühpü, shepü mulonglam Atungpuh api Thrünpuh la,

ISAIA 61:9

Arü tsühsoniusobo trükshih bolung mükheahbah, tüsho arü münübo mihtsürü bolung mükheahbah, arü ngürü alalanü arübo ju Thrünpuhnü müngühjihkhi mihtsürü de amükheahbah.

MIKA 6:5

O I mihtsürü, Moab kiulongthsüpuh Balaknü tümü rük thsükheanü kheakü lümkhitang, Beor tsührü Balaamnü api ki tümü alokhea, tüsho Shittim chingnü Gilgal khiungde tümü dünjikhea, junangde nüsanü Atungpuh akhümkhit rhimobo mükheahbah.”

WÜHKHE 22:11

Kheahang, Ijip chingnü mihtsürü akhiuka lah, tüsho arünü lomi mia lah. Kheakü arübah I thsungkheaknü arü athrujang, jude thsüsho inü arü kheak keochihkhukbah tüsho yankhita bahbah.”

WÜHKHE 22:13

Jumonü Balaamnü yapsu asürübahle Balak yunithsürübo ki tha, “Nüsa lomi lim alode yüang, tümüde I nüsa lung yüpü Atungpuhnü thsunglodo.”

WÜHKHE 22:6

Jumonü khülang ki arübah harü mihtsürübo athruang, tümüde arübo I thsungkheak khide wu-sühmüh lah. Judüalalashe inü arü kukbah tüsho lomi chingnü yankhita bahbah, tümüde nünü shepü kheak müngühjihbanü müngühjihchoh, tüsho shepü kheak nünü athruchonü muthrumüneanchoh de inü mükheahlah.”

WÜHKHE 23:23

Jakob azhihde rük huhpü müla, Israel azhihde müchitpü müla. Kheakü Jakob tüsho Israel dünkheak thabah, ‘Kheahang Thrünpuhnü tümü rhimoa la?’

WÜHKHE 23:3

Tüsho Balaamnü Balak ki tha, “Nü a taka kingaünkhi miki zhipang, tüsho I yüanü; Atungpuh I shorupü arübah, tüsho apinü I ki tümü huhbanü inü nü ki thabah.” Jumonü api azhikpung awung achang ching wutu.

WÜHKHE 23:8

Thrünpuhnü mathruajikhi inü küde athrupü? Thrünpuhnü azhihde müzhiyukkhi kheak inü küde azhihde azhiyukpü?

WÜHKHE 24:9

Kekhüzü nangde arünü khukningchoh, tüsho zuh-a yapchoh, kekhüzü dreto nangde shepünü arü yihmusukhukpü? Shepünü nü müngühjihbanü müngühmühi, tüsho shepünü athrubanü athrubah.”

MATHI 27:19

Küyimki Pilat ju mahkhaprü binkiu kheak binde alakhea, aniubenü ha yusheak yüshih: “Ju thiyuro mihtsürü kheak tümü düthsü, tümüde api dünkheak yishih milim ching I khide küpkhukdo.”

ROMRÜ KILIM PAULNÜ ATHRÜTKHI KIHÜM HUHTANYU 11:29

Tümüde Thrünpuh thsambahbo tüsho ajikhibo mululokhukbe ah.

EFISIA 1:3

Yinmi kiulongthsü ching me müngühmühibo Khrista ching isa müngühjihbuh, isa Atungpuh Jisu Khrista Abuh Thrünpuh shiang.

YUZÜNGTHALO 2:7

“Tümüde Atungpuh nüsa Thrünpuhnü nüsa khah rhimokhi alala ching müngühjihdo. Apinü nüsa ha sunglo ato hode keaksahde atsahkhi mükheahlah. Ha kam yirü Atungpuh nüsa Thrünpuh nüsa lung lado; tüsho nüsa tümü she müngüde müla.

YUZÜNGTHALO 23:5

Judüalalashe Atungpuh nüsa Thrünpuhnü Balaam ki mani, tüshe Atungpuh nüsa Thrünpuhnü athruaji ju nüsa thsungkheaknü müngühmühi kamshih, tümütüsho Atungpuh nüsa Thrünpuhnü nüsa muzholah.

YUZÜNGTHALO 28:6

“Nüsa yüzahkhi tüsho wukhiukkhi ching müngühjihbah.

YUZÜNGTHALO 33:29

O Israel, nü asühpü! Shepü nü nangde la, Atungpuhnü khümkhitkhi mihtsürübo, nü rungpü thsungkheak tsung tüsho nünü akukpü thsungkheak thsühnuk! Thiriribonü nüsa miki mükhümde arübah; tüsho nüsanü arü düthsün kheak thrümbah.”

YUZÜNGTHALO 7:14

Nüsa mihtsürü alala kurungkheak müngühjihbah; nüsa bolung athrürü yungsho aliberü yungsho moshi bolung aniungyüh mülashih.