WÜHKHE 21:5 - AMÜSÜH HÜM CL Bible (BSI)

⁵ Tüsho mihtsürübonü Thrünpuh tüsho Mosa azhihde tha, “ Tümüde nünü isa sunglo ching sheshihpü Ijip chingnü bede atukhea? Tümüde ju ching jim tüsho ke müla, tüsho yikhap yancho hanü isa mukhiuka lah.”

WÜHKHE 21:5 Iomraidhean Croise

MUNGSHIKHÜN 68:6

Thrünpuhnü bahyuka larü ki alashihpü thüyam jihchoh; apinü aramrübo asühpü zuzu ching bekhitchoh; tüshe azhihrübo a akung lo ching lachoh.

MUNGSHIKHÜN 78:19

Am, arünü Thrünpuh azhihde asuk; arünü tha, “Thrünpuhnü sunglo ching dükhüm khülang thsakhamkhukla de?

ABEKHIT 14:11

Judüki arünü Mosa ki tha, “Ijip ching kiuyuk mülakhinü isa sunglo ching sheshihpü nünü bede arükhea de? Tümüde nünü isa Ijip chingnü bekhitkhea?

ABEKHIT 15:24

Tüsho mihtsürübonü dapdapneangneangde Mosa ki tha, “Isa tümü yungba?”

ABEKHIT 16:15

Jumonü küyimki Israelrünü ju ngükhea, arü khülangnü khülang ki thaachih, “Ha tümü a?” Tümütüsho ju tümüanü arünü mümükheah. Tüsho Mosanü arü ki tha, “Ha Atungpuhnü nüsa tsühshihpü yikhap jihkheah.

ABEKHIT 16:31

Tüsho Israel mihtsürübonü ju mung Manna de ji. Tüsho ju rhümthünea woninji amüye nangde, tüsho akekhi ju mukhuke bede anungkhi yikhap nangde alakheah.

MÜCHITMUDU 27:7

Küyimki nü bukthsübanü, nünü mukhuke thsunglobah, tüshe küyimki nü akhümbanü, tsühyungbe akhüh she aniung tsühkhitchoh.

EZEKIEL 20:21

Tüshe tsührübonü I azhih: Arünü I yakzan thsükhibo müyan, mihtsürünü mihyu anibah rhangdung lapü lalashe arünü I yakzanbo zopü mükümkang, tüsho I amunibo müneanjih. Jumonü sunglo ching arü kheak I bukakhiuk dungkihpü tüsho arü azhihde bukakhiukpü inü tha.

WÜHKHE 11:20

tüshe khinu khülang amuyung, nüsa mulongmüngüm arüde tüsho mumukhiukyi khiungde atsühbah, tümütüsho nüsa bolung lakhi Atungpuh nüsanü bahyukdo tüsho api ki tripde tha, ‘ Isa tümü thsüpü Ijip chingnü akhiukkheaki?’ ”

WÜHKHE 16:41

Ashidopü Israel mihtsürü boto alalanü Mosa tüsho Aron azhihde tha, “Nüsanü Atungpuh mihtsürü laksahdo.”

WÜHKHE 17:12

Tüsho Israel mihtsürübonü Mosa ki tha, “ Isa dükheakchoh, isa dükheakdo, isa alala dükheakdo!

1 KORINT 10:9

Arü khürünü rhimobah phurutonü arü mukiusahkhi nangde isanü Atungpuh rükmakibeah;