WÜHKHE 21:34 - AMÜSÜH HÜM CL Bible (BSI)

³⁴ Atungpuhnü Mosa ki tha, “Dütre, tümüde inü api lung mihtsürübo tüsho alomi nüsa khah ching jihdo; tüsho Heshbon ching lakhi, Amor kiulongthsüpuh Sihon kheak rhimochoki nangde nüsanü api kheak rhimobah.”

WÜHKHE 21:34 Iomraidhean Croise

2 SAMUEL 5:19

Davidnü Atungpuh ki keokhi, “I Filistiarü azhihde wutuba shi? Nünü arübo I khah ching jihba shi?” Atungpuhnü David ki tha, “Wutuang; tümütüsho tsükjide Filistiarü nü khah ching jihbah.”

1 KIULONG THSÜRÜ 20:13

Judüki wukihrü khürü Israel kiulongthsüpuh Ahab kilim atu tüsho tha, “Atungpuhnü ha thachoh, Ha boto ato alala nünü ngüdü de? Kheahang, khihni inü nü khah ching jihbah; tüsho I Atungpuh de nünü amükheahbah.”

1 KIULONG THSÜRÜ 20:28

Thrünpuh mihtsürü arü tüsho Israel kiulongthsüpuh ki tha, “Atungpuhnü ha thachoh: Tümütüsho Siriarünü thado, ‘Atungpuh a awungbo thrünpuh ah tüshe api a adükhünbo thrünpuh yung,’ jumonü inü ha boto ato alala nü khah ching jihbah, tüsho I Atungpuh de nünü amükheahbah.”

2 KIULONG THSÜRÜ 3:18

Ha Atungpuh miki athülih rhimo lah, tümüde apinü Moab she nü kilim jihbah.

ISAIA 41:13

Tümüde, I, Atungpuh nü Thrünpuh, nü khah tsülim ramlolah; inü nü ki thachoh, “Dütre, inü nü rungbah.”

WÜHKHE 14:9

Atungpuh azhihdü lang duwusu; tüsho lomi ching larü mihtsürü dütre, tümüde arübo isa thsungkheaknü yikhap ah; arü tsungdojihbuh Thrünpuh arü kheaknü akhinabahdo, tüsho Atungpuh isa lung lah; arübo dütre.”

WÜHKHE 32:4

lomibo Atungpuhnü Israel boto müngüh kukkhi; ha shiwüh akampung lo ah, tüsho nü yamlarübo akam-shiwühbo lah.”

YUZÜNGTHALO 2:30

“Tüshe Heshbon kiulongthsüpuh Sihonnü isa muhoshih, tümüde khihni ha nangde, api nüsa khah ching jihpü Atungpuh nüsa Thrünpuhnü api me tüsho mulong müküpshih.

YUZÜNGTHALO 20:3

‘O Israel aniang: Khihni nüsa thiriri lung keochih ching lah; nüsa mulong dünini, dütre, tüsho dajan yungsho arü trede dümüyinsah;

YUZÜNGTHALO 3:1

“Judüki isa rholobahle Bashan limro wutu; tüsho Bashan kiulongthsüpuh Ognü api mihtsürü alala bebah Edrei ching isa bede keochihpü akhiuk.

YUZÜNGTHALO 3:11

(Bashan kiulongthsüpuh Og ju lang Rephaimrü lungnü ashe aningkhi lakheah. Api kiuyuk ju yinchinü thsü tüsho ashanglim khahnap thürükheak mahsam akumung tüsho atolim khahnap thuruk. Ha Amonrü kiuto Rabba ching khihni khiungde lah.)

YUZÜNGTHALO 31:6

Düküngang tüsho mulong ato thsang, dütre yungsho arü ki trede düla: tümüde Atungpuh nü Thrünpuh nüsa lung yüchoh; apinü nüsa müdükhe yungsho mübahyuk.”

YUZÜNGTHALO 7:17

“Nüsanü nüsa mulong ching, Harü trük ha I kheaknü atobe ah de lümsho; inü küde thsah arü yankhitpü?

YUZÜNGTHALO 7:18

Nüsanü arü dütre, tüshe Atungpuh nüsa Thrünpuhnü Pharao tüsho Ijiprübo kheak tümü rhimokheanü nüsanü lümkhitang,

YUZÜNGTHALO 7:21

Nüsanü arü ki dümüyinsah; tümüde Atungpuh nüsa Thrünpuh, ato tüsho atrebe Thrünpuh nüsa bolung lah.

YUZÜNGTHALO 7:24

Tüsho apinü arü kiulongthsürübo nüsa khah ching jihbah, tüsho nüsanü arü mung thüning bukkhüpnü dükheakshihbah; nüsanü arü müdükheakkhamshihyi khiungde she mihtsürünü nüsa azhihde müzhipkhuk.

JIHUSUA 10:25

Tüsho Jihusuanü arübo ki tha, “Dütre tüsho mulong dünini; reangzahang tüsho mulong ato thsang; tümüde Atungpuhnü nüsa riri alala ki ha ruk rhimopü thsüchoh.”

JIHUSUA 10:8

Atungpuhnü Jihusua ki tha, “ Arübo dütre, tümüde inü arübo nü khah ching jihdo; arübo shenü she nü azhihde müzhipkhuk.”

JIHUSUA 8:7

jushu nüsa thüram chingnü asürübah tüsho kiuto yanbah; tümüde Atungpuh nüsa Thrünpuhnü ju nüsa khah ching jihbah.

MAHKHAPRÜ 11:30

Jephthanü Atungpuh ki thiyuchihchim thsü tüsho tha, “Nünü Amon mihtsürü I khah ching jihsho,

1 SAMUEL 23:4

Kheaküshe Davidnü Atungpuh ki keokhi. Atungpuhnü api ki alo, “ He, Keilah lim yükiang; tümüde inü Filistiarü nü khah ching jihbah.”