WÜHKHE 21:24 - AMÜSÜH HÜM CL Bible (BSI)

²⁴ Israelrünü nukshangnü api laksah, tüsho api lo Arnon kheaknü Jabok khiungde lu; tüshe Amonrü lang khiungde lu; tümüde Amonrü aredung ju chipi düküngde thsüa lakheah.

WÜHKHE 21:24 Iomraidhean Croise

THRÜNTAN 32:22

Apinü ju re asürü tüsho aniube 2, ayamlarü 2, atsührü 11 bebah Jabbok ayung hode yü.

NEHEMIA 9:22

Nünü arü ki lomibo, kiulongthsübo tüsho arü arerü lobo kukkhitshih. Arünü Heshbonrü lo Sihon yakzan zhimpung Og kiulongthsüpung Bashanrü lo yankhia lushih.

MUNGSHIKHÜN 136:19

Amorrü kiulongthsüpuh Sihon, tümüde api amüthsüm lünnü rünkhiungde lah;

AMOS 2:9

Tütüshe inü arü müngühnü cedar sang nangde achang tüsho thülamsang nangde amüküp lakhi Amorrü dükheakshih; inü api kumung aso, tüsho alunglim ayingbo thsümünimjih.

WÜHKHE 21:13

Ju chingnü tsahmusubah Amorrü lo aredung yean sunglo Arnon thripkhüh limpeang binkheam; tümüde Arnon ju Moab tüsho Amor dükeak aredung ah.

YUZÜNGTHALO 1:4

Ha apinü Heshbon ching lakhi, Amor kiulongthsüpuh Sihon, tüsho Ashtaroth le Edrei ching lakhi Bashan kiulongthsüpuh Og laksahshu lakheah.

YUZÜNGTHALO 29:7

Tüsho küyimki nüsa ha dangpung ching arükhea, Heshbon kiulongthsüpuh Sihon tüsho Bashan kiulongthsüpuh Og anenü isa bede keochihpü akhiuk, tüsho isanü arü kuk.

YUZÜNGTHALO 3:16

tüsho Reubenrü le Gadrü kilim inü Gilead lomi kheaknü Arnon jindükhün khiungde, aredung thsüde jindükhün phulungnü, Amonrü aredung Jabbok ayung khiungde jih;

YUZÜNGTHALO 31:4

Tüsho Atungpuhnü Amorrü kiulongthsürübo Sihon tüsho Og, tüsho arü lomi thsümünimjihkhi nangde apinü arü kheak rhimobah.

YUZÜNGTHALO 4:46

ha Mosa tüsho Israel mihtsürübonü Ijip chingnü akhiukshu kukkhi, Hebron ching lakhi Amorrü kiulongthsüpuh Sihon lo ching jindükhün ching Beth Peor miki, Jordan thrippeang lakheah.

JIHUSUA 13:12

Bashan ching Og kiulongthsü alala, shepünü Ashtaroth tüsho Edrei ching kiulongthsükhea (api Rephaimrü bolung ashukheamde rhangdung lakheah); Mosa nü harü mihtsürübo kukde yankhitabah.

JIHUSUA 24:8

Tüsho inü nüsa Jordan aniakhiuklim Amorrü lo ching bedarü. Arünü nüsa bede keochih, tüshe inü arübo nüsa khah ching jih tüsho nüsanü arü lo lu, tüsho inü nüsa müngühnü arü dükheakshih.

JIHUSUA 9:10

tüsho apinü Jordan aniakhiuklim thrip Amor kiulongthsüpuh mahne, Heshbon kiulongthsüpuh Sihon tüsho Ashtaroth ching lakhi Bashan kiulongthsüpuh Og kheak rhimokhi.

MAHKHAPRÜ 10:11

Jumonü Atungpuhnü Israelrü ki tha, “Inü nüsa Ijiprü, Amorrü, Amonrü tüsho Filistiarü kheaknü abekhitkhi yung de?

MAHKHAPRÜ 11:13

Tüsho Amon kiulongthsüpuhnü Jephtha yunithsürübo ki alo, “ Tümütüsho Israelnü arü Ijip chingnü akhiukchoki, Arnon chingnü Jabbok tüsho Jordan khiungde I lomi lude tsodo. Jumonü kheakü, mungtsü chingnü alobo ju jihloang.”

MAHKHAPRÜ 21:8

Tüsho arünü tha, “Israel trük chingnü shepü Atungpuh kilim Mizpa ching matu le?” Atsütsü, Jabesh-gilead chingnü sheshe amukhungrü lung binkheampung ching matu.