WÜHKHE 20:8 - AMÜSÜH HÜM CL Bible (BSI)

⁸ “ Tso luang, nü tüsho nü khiung Aron nükenü boto bemukhungang. Arü mük kinü lung ki thaang, tüsho ke akhiukbah; hanangde nünü arü thsungkheak lung chingnü ke handarübah, tüsho boto le arü shiwühbo yungshihbah.”

WÜHKHE 20:8 Iomraidhean Croise

THRÜNTAN 18:14

Atungpuh thsungkheaknü tümükhüh khide chakla de? Münchikhi kim ching shikam I nü kilim alode arübah, tüsho Sara tsührü khülang labah.”

NEHEMIA 9:15

Arü khümde alachoki, nünü yinmi chingnü yikhap kip tüsho arü kethürichoki lung chingnü ke rhapkhita duh. Arü kilim jihpü alokhikhi lo mükühshihpü nünü arü ki tha.

MUNGSHIKHÜN 105:41

Apinü lungto khimshuh, tüsho ke bukkhit; ayung nangde akung dangpungbo ching buk.

MUNGSHIKHÜN 114:8

shepünü lungto ju kekhip, lungmüzhak ju kenü kamshih.

MUNGSHIKHÜN 33:9

Tümüde apinü asuk, tüsho ju rhimo; apinü thiyukhüm jih, tüsho ju düküngde zhip.

ABEKHIT 14:16

Tüshe nü tso shuhkihang, tüsho keto kumung nü khah chungkihang tüsho ju azüshang, junangde Israelrünü akung lo kheaknü kero phulung hobah.

ABEKHIT 17:9

Tüsho Mosanü Jihusua ki tha, “ Mihtsürü khürü mokhitang tüsho wukhiukbah Amalekrü bede keochihang. Shido Thrünpuh tso I khah ching shuhbah awung mujuk kheak zhipbah.”

ABEKHIT 4:17

Ha tso nü khah ching shuhang tüsho junü nünü amütsanbo rhimobah.”

ABEKHIT 4:2

Atungpuhnü api ki keokhi, “Nü khah ching lakhi ju tümü a?” Apinü alo, “Tso khülang ah.”

ABEKHIT 4:20

Jumonü Mosanü ayamkhünbe tüsho atsührübo bea lubah donki kheak binshihbah Ijip lomi lim alode yü, tüsho api khah ching Thrünpuh tso shuh.

ABEKHIT 7:20

Atungpuhnü thiyukhüm jihkhi nangde Mosa tüsho Aronnü rhimo; Pharao le ayamlarübo mikinü apinü tso shuhkihbah Nile ke rhap, tüsho Nile ching lakhi ke alala thiyih kamabah.

ISAIA 43:20

Mütüm shiwühbonü I ki wüntre jihbah, shirungbo tüsho kewühtopübo; tümüde inü mokhitkhi mihtsürü kilim ayungpü thsüde inü sunglo ching ke jihchoh, loshelo ching ayungbo jihchoh,

ISAIA 48:21

Apinü arübo loshelo behochoki arü kemüthüri; apinü arü thsungkheak lung chingnü ke bukshih; apinü lung peangrüp tüsho ke bukkhit.

WÜHKHE 20:11

Jushu Mosanü akhah shuhkihbah atsonü lung kheak mahne ki rhap; tüsho ke suhdahde akhiuk, tüsho boto le arü shiwühbonü yung.

WÜHKHE 20:7

Tüsho Atungpuhnü Mosa ki tha,

WÜHKHE 21:15

tüsho jindükhün düpheaknü Ar kiuto ching Moab aredung khiunglah.”

WÜHKHE 21:18

Limberübonü akiukhi kekhip,lomi ching mükheahmudurübonü akiukhi, yakzan thsürübonü akiukhi, kiulongthsü tsonü akiukhi.” Arübo sunglo chingnü Mattana ching yü,

MATHI 21:21

Tüsho Jisunü arü ki alo, “Atsütsü inü nüsa ki thachoh, nüsa akin lasho tüsho mudukiuhlosho, khubasodung kheak rhimokhi lang nüsanü mürhimo tüshe ‘Ha shuh-a keto ching jipa bahang’ de ha müzüng ki thasho, ju arhimobah.

LUKNÜ ATHRÜTKHI THIYUSHEAK-ATSÜ HUHTANYU 11:13

Junangde nüsa amütsü thsüa lalashe, nüsa tsührübo kilim atsü jihpü mükheahsho, nüsa Abuhnü api ki kheangrü kilim Amüsüh Me küdükhüh she ajihba!”

JOHAN 16:24

Kheakü khiungde nüsanü I mung chingnü tümü mükheang. Kheangang tüsho nüsanü angübah, junangde nüsa asühkhi suhdahde alabah.

YUNIRÜBO RHIMO 1:14

Arü alala rukhühnü aliberübo le Jisu abe Mari tüsho api keoniorübo lung tamkhüntamnüpü mutukzhakde mukhungde la.

JIHUSUA 6:20

Jumonü amükeamrübonü hulipungpung mütkhi soakede mihtsürübonü achangnü aho, tüsho chipi keamabah. Jushu bonungrü alala buh mikhuhnü kiuto ching yüzah tüsho yanabah.

JIHUSUA 6:5

Jushu arünü achangnü khülang ki mütbah, ju soakede, mihtsürü alalanü achangnü ahoang, tüsho kiuto ju alungbah. Ju yande bonungrü lüpdükhi kiuto ching buh mikhuhnü yüzahbah.”

AMIKHEAKAKHIUKKHI 22:1

Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde

AMIKHEAKAKHIUKKHI 22:17

Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.