WÜHKHE 20:21 - AMÜSÜH HÜM CL Bible (BSI)

²¹ Hanangde Edomrünü Israelrübo arü lomi hode müyüshih; jumonü Israelrübonü arü kheaknü rholobah püpü limro chingnü yü.

WÜHKHE 20:21 Iomraidhean Croise

2 KIUTHSÜYUKHEAN 20:10

Kheakü kheahang, Amon, Moab, tüsho Seir awung mihtsürübo, küpü ching Israelrü Ijip chingnü akhiukchoki nünü müyüzahshihkhea, tüsho küpü chingnü arünü rholokhea tüsho müthsümünimkhea–

WÜHKHE 21:23

Tüshe Sihonnü Israelrü api lomi hode müyüshih, jumonü Sihonnü api mihtsürü alala bemukhungbah Israelrü azhihde sunglo ching wutu, tüsho api Jahaz khiungbah Israelrü bede keochih.

WÜHKHE 21:4

Jushu arü Edom lo mühide ayüpü, Hor wung chingnü tsahmusubah Amürüm Keto limro yande yü, tüsho limro ching mihtsürübo marümkheamkhukde kam.

YUZÜNGTHALO 2:27

Isa nü lo hode yüanü; isanü limro ching lang atsahbah, tüsho tsülim yungsho huzulim müyü.

YUZÜNGTHALO 2:29

ju Esau tsühsoniusobo Seir ching larü tüsho Ar ching larü Moabrünü, Atungpuhnü isa kilim jihkhi lo ching yüchoki Jordan muhoyi khiungde isa kheak rhimokhi nangde.

YUZÜNGTHALO 23:7

“Nünü Edomrü düthranean tümüde api nü keoniorü ah. Nünü Ijiprü düthranean, tümütüsho khülang ki nü arü lo ching khiungkerü lakheah.

MAHKHAPRÜ 11:17

Judüki Israelnü Edom kiulongthsüpuh kilim yunithsürü yüshih, ‘ Muzhobah I nü lo hode yüanü.’ Tüshe Edom kiulongthsüpuhnü mani. Junangde arünü Moab kiulongthsüpuh kilim yüshih, tüshe apinü mümülü. Jumonü Israel ju Kadesh ching lalo.

MAHKHAPRÜ 11:18

Arünü sunglo hode yübah Edom tüsho Moab lomi mükamde ho tüsho Moab lomi aniakhiuklim arübah Arnon thripkhüh binkheam. Tüshe arünü Moab aredungyean ching müyüzah, tümüde Arnon ju Moab aredungyean lakheah.

MAHKHAPRÜ 11:24

Nü thrünpuh Kemoshnü nü müküh-a lupü jihkhi nünü muluba de? Jumonü Atungpuh isa Thrünpuhnü tümüpürü isa müngüh müküh-a luchonü isanü alubah.