WÜHKHE 20:2 - AMÜSÜH HÜM CL Bible (BSI)

² Kheakü ju ching boto thsungkheaknü ke mülade alakheah; jumonü arünü Mosa tüsho Aron azhihde mukhung.

WÜHKHE 20:2 Iomraidhean Croise

MUNGSHIKHÜN 106:32

Meriba kebo ching arünü Atungpuh bukakhiukshih, tüsho arü dünkheaknü Mosa kheak küpkhuk arü;

ABEKHIT 16:12

“Israelrünü dapdapneangneangkhi inü sodo. Arü ki asukang, ‘Shuhyini ching nüsanü shih tsühbah, tüsho yapsu yikhapnü nüsa bukthsübah. Tüsho I Atungpuh nüsa Thrünpuh ah de nüsanü amükheahbah.’ ”

ABEKHIT 16:2

Judüki Israel boto alalanü sunglo ching Mosa tüsho Aron azhihde dapdapneangneang.

ABEKHIT 16:7

tüsho yapsu nüsanü Atungpuh müretahkhi ngübah, tümütüsho Atungpuh azhihde nüsanü dapdapneangneangkhi apinü sodo. Ike tümü ah de nüsanü ike azhihde dapdapneangneangcho?”

WÜHKHE 14:2

Tüsho Israelrü alalanü Mosa le Aron azhihde dapdapneangneang; boto alalanü ane ki tha, “ Isabo Ijip lo chingnü pü sheabahkhülaa! Yungsho isa ha sunglo chingnü sheabahkhülaa!

WÜHKHE 14:9

Atungpuh azhihdü lang duwusu; tüsho lomi ching larü mihtsürü dütre, tümüde arübo isa thsungkheaknü yikhap ah; arü tsungdojihbuh Thrünpuh arü kheaknü akhinabahdo, tüsho Atungpuh isa lung lah; arübo dütre.”

WÜHKHE 16:19

Tüsho Koranü arü azhihde alala arüngkhimyam ripit ki bemukhung, tüsho Atungpuh müretahkhi boto alala ki akhiuka huh.

WÜHKHE 16:3

Arübo rukhühnü Mosa tüsho Aron azhihde mukhungbahle ane ki tha, “Nüke khide münchi hodo, tümüde Israelrü boto alala ching mihbüm abande amüsüh lah, tüsho Atungpuh arü lung lah, dale küde thsah Atungpuh borü kurungkheak nüke zangrü shuhkihcho?”

WÜHKHE 16:42

Tüsho küyimki botonü Mosa tüsho Aron azhihde mukhungkhea, anenü arüngkhimyam lim abin; zukleangnü amonü ju liudoabah, tüsho Atungpuh müretahkhi akhiuk.

WÜHKHE 21:5

Tüsho mihtsürübonü Thrünpuh tüsho Mosa azhihde tha, “ Tümüde nünü isa sunglo ching sheshihpü Ijip chingnü bede atukhea? Tümüde ju ching jim tüsho ke müla, tüsho yikhap yancho hanü isa mukhiuka lah.”