WÜHKHE 20:15 - AMÜSÜH HÜM CL Bible (BSI)

¹⁵ künangde isa jipürü Ijip ching yükikhea, tüsho isa kim ashang Ijip ching lakhea, tüsho Ijiprünü isa le nüsa jipürü kheak thsümüchikhea.

WÜHKHE 20:15 Iomraidhean Croise

THRÜNTAN 15:13

Judüki Atungpuhnü api ki tha, “Nü tsühsoniusobo khiungke lomi ching hanrü thsüpü tüsho arü tankihpü lakhi tsükjide mükheahang, tüsho arünü arübo kam chi phüyi thsümüchibah.

THRÜNTAN 46:6

Jumonü arünü Kanan lomi chingnü angükhi arü shiwühbo tüsho kukrukbo lubah, Jakob tüsho api lung anihbuh tsühsoniusobo alala Ijip lim yü.

THRÜNTAN 46:7

Api tsührübo tüsho api tsührü tsührübo, api tsührübebo tüsho api tsührü tsührübebo, tüsho api tsühsoniusobo alala anihbuh lung apinü Ijip lim bede yü.

2 SAMUEL 12:18

Athüne nipü khungarü ju sheabah. Tüsho khungarü shekhi dünkheak David yamlarübonü api ki thapü trede alakheah; tümüde arünü tha, “Khungarü rhangdung lachoki isanü api ki asuk, tüshe apinü isa ki manijih; dale küde thsah isanü khungarü shekhi api ki thakhukpü? Apinü nihbuh zangrü tümüanü athsümünim rhimopü labah.”

ABEKHIT 1:16

“Küyimki nükenü Ibrirü khungarü zübechoki mütrübanü khungarü ju athrürü a sho laksahang tüshe aliberü a sho arhang lashang.”

ABEKHIT 1:22

Jumonü kiulongthsüpuhnü api mihtsürübo alala ki thiyukhüm jihde tha, “Ibrirü tsührü aso zübekhi athrürü alala Nile ayung ching shuhyuka bahang, tüshe aliberübo a arhang lashang.”

ABEKHIT 12:40

Kheakü Israelrü ju Ijip ching kam 430 lakheah.

ABEKHIT 5:14

Tüsho azhorü limberübonü mokhitkhi Israelrü torübo kheak lakde keokhi, “Tümü thsükhi nüsanü müngühlim nangde yini tüsho khihni lotaklung müthsükhit le?”

WÜHKHE 11:5

Ijip ching thüngüh adün mülade isa künkhi tsühkhi, liuheak, ke-liuheak rhiptsüh, sangpung, tüsho thono lümkhitchoh;

WÜHKHE 16:13

Niuhke tüsho mukhuke bukde alakhi Ijip lo chingnü isa bekhitbah sunglo ching laksahpü thsükhi, tüsho nünü isa kurungkheak atungrü thsükhi ha anikhüh ah de lümchoshi?

WÜHKHE 20:14

Kheakü Mosanü yunithsürübo Kadesh chingnü Edom kiulongthsüpuh kilim yüshih, “Ha nü keoniorü Israelrünü thachoh: Isa kheak küpkhuk lakhi alala nünü mükheahlah,

WÜHKHE 20:16

Küyimki isanü Atungpuh ki zhikhea, apinü isa düsheak sobah yunirü thiyi tüsho isa Ijip chingnü bede akhiuk; kheakü isa nü lomi aredung yean, Kadesh kiuto ching lah.

YUNIRÜBO RHIMO 7:15

Junangde Jakobnü Ijip ching yüki; tüsho api le isa jipürübo sheabah.

YUNIRÜBO RHIMO 7:19

Apinü isa mihtsürü le isa jipürübo, arü khungarübo asheshihpü thüyam chingnü yihkhita bahpü nimkih tüsho junode rhimo.

YUZÜNGTHALO 26:6

Tüsho Ijiprünü isa kheahmüchihde thsümüchi, tüsho azhorü nangde rhimo amüküp nimkih-a rhimoshih.