WÜHKHE 20:14 - AMÜSÜH HÜM CL Bible (BSI)

¹⁴ Kheakü Mosanü yunithsürübo Kadesh chingnü Edom kiulongthsüpuh kilim yüshih, “Ha nü keoniorü Israelrünü thachoh: Isa kheak küpkhuk lakhi alala nünü mükheahlah,

WÜHKHE 20:14 Iomraidhean Croise

THRÜNTAN 25:23

Atungpuhnü alibe ki tha, “Nü nuyam ching trükshih mahne lah, tüsho nünü azübekhi mihtsürü mahne müzütbah; khülang ju püpü kheaknü amürangbe labah, azopünü akheambuh tankihbah.”

THRÜNTAN 25:25

Akhuh zübekhi ju mürümdo alakheah. Apang abümnü shihnam khim nangde alakheah; jumonü arünü api mung Esau de ji.

THRÜNTAN 25:26

Ju dunglim aniurü zübe, tüsho api khahnü Esau lahzhi kheak tholo; jumonü api mung Jakob de ji. Alibenü ane zübejihchoki Isak kam 60 azorü lakheah.

THRÜNTAN 32:29

Judüki Jakobnü api ki keokhi, “Muzhobah I ki nü mung thaang.” Tüsho apinü tha, “Nünü tümüde I mung keokhicho?” Tüsho apinü ju ching api müngühjih.

ABEKHIT 18:8

Tüsho Mosanü Pharao tüsho Ijiprü kheak Israel thsungkheak Atungpuhnü arhimokhi alala, limro ching küpkhuk arübo kheak arükhi alala, tüsho Atungpuhnü arü bekhitkhi akü ki thaa huh.

AMOS 1:11

Atungpuhnü ha thachoh: Edomnü alochode neak yihbeakkhi dünkheak, inü thsümüchi mululo; tümütüsho apinü nukshang shuhbah nihbuh keoniorü müsham tüsho mihmuzho muhuh; apinü mutukzhakde bukakhiuk tüsho lünnü mulong zhipzhipdo.

MALAKI 1:2

Inü nü muzhodo, Atungpuhnü thachoh. Tüshe nünü thachoh, “ Küde thsah nünü isa muzhokhi?” Esau ju Jakob akhiung yung de? Atungpuhnü thachoh. Tütüshe inü Jakob muzhodo

WÜHKHE 13:26

tüsho arübo Mosa le Aron tüsho Israelrü boto kilim Paran sunglo Kadesh ching arü; arünü thiyusheak hanbah ane le boto ki arü, tüsho ju lomi ching yo sangaso huh.

WÜHKHE 20:15

künangde isa jipürü Ijip ching yükikhea, tüsho isa kim ashang Ijip ching lakhea, tüsho Ijiprünü isa le nüsa jipürü kheak thsümüchikhea.

WÜHKHE 20:22

Jumonü Israelrü mihtsürübo, boto athrünkhi, Kadesh chingnü tsahmusubah Hor wung ching arü.

YUZÜNGTHALO 23:7

“Nünü Edomrü düthranean tümüde api nü keoniorü ah. Nünü Ijiprü düthranean, tümütüsho khülang ki nü arü lo ching khiungkerü lakheah.

JIHUSUA 2:10

Tümüde nüsa Ijip bahbah atsochoki künangde Atungpuhnü Amürüm Keto nüsa müngüh ngahshihkheanü isanü sodo, tüsho nüsanü künangde aniakhiuklim Jordan thrip Amorrü kiulongthsürü mahne, Sihon tüsho Og laksahkheanü ju she isanü sodo.

JIHUSUA 2:9

tüsho ane ki tha, “Atungpuhnü ha lo nüsa kilim jihdo de inü mükheahlah tüsho nüsa trekhi isa kheak akihdo, tüsho lomi athrünkhi chingnü nüsa trechoh.

JIHUSUA 9:10

tüsho apinü Jordan aniakhiuklim thrip Amor kiulongthsüpuh mahne, Heshbon kiulongthsüpuh Sihon tüsho Ashtaroth ching lakhi Bashan kiulongthsüpuh Og kheak rhimokhi.

JIHUSUA 9:9

Jumonü arünü api ki ha yukhean tha, “ Atobuh, isa khide limshu lomi chingnü Atungpuh mungthukhi sobah arükheah, tümüde isanü Atungpuh nüsa Thrünpuhnü Ijip ching tümü rhimokheanü alala sodo,