WÜHKHE 20:12 - AMÜSÜH HÜM CL Bible (BSI)

¹² Tüshe Atungpuhnü Mosa tüsho Aron ki tha, “ Tümütüsho nükenü Israelrü mük ki I amüsüh de akin jihde muhuh, jumonü nükenü harü boto inü arü kilim jihpü alokhikhi lomi ching bebah müyü.”

WÜHKHE 20:12 Iomraidhean Croise

2 KIUTHSÜYUKHEAN 20:20

Arünü yapsu mükikde asürü tüsho Tekoa sunglo ching wukhiuk; tüsho arü wukhiukchoki, Jehoshaphatnü zhip tüsho tha, “I ki aniang, O Juda tüsho Jirusalem ching larübo! Atungpuh nüsa Thrünpuh kheak kinang tüsho nüsa dübiuopung labah, api yo wukihrübo kheak kinang tüsho nüsanü akuk ngübah.”

MUNGSHIKHÜN 106:32

Meriba kebo ching arünü Atungpuh bukakhiukshih, tüsho arü dünkheaknü Mosa kheak küpkhuk arü;

MUNGSHIKHÜN 99:8

Nünü arü ki alojih, O Atungpuh isa Thrünpuh; nünü arü rhimobo kheak royima lalashe nü a arü ki neak bahjihrü Thrünpuh lakheah.

ISAIA 7:9

Ephraim ku ju Samaria, tüsho Samaria ku ju Remalia tsührü. Nünü akin ching düküngde müzhipsho, nü judü lang müzhip.

ISAIA 8:13

Tüshe Wuto Atungpuh ki nünü amüsüh ah de lümang; nünü api ki trepü lah, nünü api ki atrearangpü lah.

EZEKIEL 20:41

Inü nüsa trükshihbo chingnü bekhitchoki tüsho nüsa hiumüzütpung lomi chingnü bemukhungchoki rhümthüneabe nangde nüsa leangkhibah, tüsho trükshih miki nüsa bolung I amüsüh huhbah.

EZEKIEL 36:23

Trükshih bolung nünü müneankhi I mung ato inü müsühkhitbah, tüsho nü hode arü mük ki inü I amüsüh huhchoki trükshihbonü I Atungpuh de mükheahbah, Atungpuh Thrünpuhnü thachoh.

EZEKIEL 38:10

Atungpuh Thrünpuhnü ha thachoh: Ju nimung lümkhibo nü lüm ching arübah, tüsho nünü amütsü asah khülang thsübah.

LEVI 10:3

Jumonü Mosanü Aron ki tha, “Atungpuhnü athakhi ju ha: I phünide arürü abannü I müsühkhitkhi kheak wüntre jihbeah; tüsho mihtsürübo alala ki I müretahshihbeah.” Tüshe Aronnü düsheak makhiukde la.

WÜHKHE 11:15

Nünü I kheak ha ruk rhimobasho, muzhobah kheakü ha chingnü I laksahang, jude athsükhi hode I küpkhukkhi inü müngülonü.”

WÜHKHE 20:24

“ Aron a nihbuh mihtsürü bolung yübah, tüsho inü Israel mihtsürübo kilim jihpü alokhikhi lo ching api müyüzah, nükenü Meriba ke ching I yu azhihdo.

WÜHKHE 27:14

Tümüde Zin sunglo kebo ching botonü azhihde wusuchoki, nüke chidonü arü mük ki I yukhüm amüsüh de ahuhpü I yu mani.” (Meriba ju Zin sunglo ching Kadesh Kenü ah.)

MATHI 17:17

Jisunü alo, “O akin mülakhi tüsho lakshi lün, külokhüh I nüsa lung laba? Tüsho inü nüsa lung külokhüh arümkheamba? Api I kilim ha ching bede arang.”

MATHI 17:20

Jisunü alo, “Tümütüsho nüsanü mükinmonü ah. Inü nüsa ki thiyuro thachoh, nüsa akin woninji dükhüh lasho, nüsanü ha müzüng ki thabah, ‘Ha kheaknü ju ching akhinang,’ tüsho ju akhinbah; tüsho nüsa thsungkheaknü tümü she amukukkhi mülade alabah.

LUKNÜ ATHRÜTKHI THIYUSHEAK-ATSÜ HUHTANYU 1:20

Tüshe kheahang, harü müdünjiyi nimung khiungde nü masukkhukpü thsüde aduh-a labah, tümütüsho kim ching dünjipü lakhi I yubo nünü akin müla.”

LUKNÜ ATHRÜTKHI THIYUSHEAK-ATSÜ HUHTANYU 1:45

Alibe shepünü akin lachonü müngühmühi, tümüde Atungpuh kilimnü anihbe ki thakhibo adünjibah.”

JOHAN 1:17

Tümüde yakzan ju Mosa hode jih, tüshe Jisu Khrista hode amüthsüm tüsho thiyuro arü.

ROMRÜ KILIM PAULNÜ ATHRÜTKHI KIHÜM HUHTANYU 4:20

Thrünpuhnü alokhikhi dünkheak apinü akin müniukniuk, tüshe api akin ching düküngde kam tüsho Thrünpuh müretahshih.

YUZÜNGTHALO 1:37

Nüsa dünkheaknü Atungpuhnü I kheak she bukakhiukde tha, Nü she ju ching müyüzah;

YUZÜNGTHALO 34:4

Tüsho Atungpuhnü api ki tha, “Ha lo ha inü Abraham, Isak tüsho Jakob jihpü alokhikhi, hade tha, ‘Inü ha nü tsühsoniusobo kilim jihbah.’ Inü ju nü müknü ngüshihdo, tüshe nünü ju hode müyü.”

YUZÜNGTHALO 4:21

Kheaküshe nüsa dünkheaknü Atungpuhnü I kheak bukakhiuk, tüsho Atungpuh nüsa Thrünpuhnü nüsa kilim jihkhi alo atsü ching yüzahpü, I Jordan hode müyükhuk de thiyuchihchim.

JIHUSUA 1:2

“I yamlarü Mosa sheabahdo. Kheakü thsakhamang, nü tüsho Israelrü athrünkhi Jordan hobah inü ajihkhi lomi ching yüang.

1 PETER 3:15

Tüshe nü mulong ching Khrista ju Atungpuh de wüntre jihang. Nü kheak lakhi mulonglam amütsan thanakpü khürünü akeokhichoki alopü thsüde kamruhroro thsakhambah laang. Tüshe ha azhihayihde tüsho wüntrede rhimoang;