WÜHKHE 19:9 - AMÜSÜH HÜM CL Bible (BSI)

⁹ Jushu mihtsürü amüsüh khülangnü moshi takkhi wah ju wumukhungbah binkheampung aleanglim amüsüh dangpung ching zobah; tüsho ju Israel boto thsungkheak kenü müsühkhitpü rhimo ching lupü thsüde azobah; ha neak chingnü müsühkhitkhi lah.

WÜHKHE 19:9 Iomraidhean Croise

LEVI 15:20

Anihbe khinu shihcham arüchoki binpung yungsho yappungbo mümüsühkhi labah.

ZEKARIA 13:1

Ju nimung David yamkhün tüsho Jirusalem ching larü thsungkheak arü neak tüsho mümüsühkhi chingnü arü müsühkhitpü kenü khülang yahshungbah.

WÜHKHE 19:13

Sherünü ashemi qiubahle mümüsühkhitbanü, Atungpuh arüngyam müneanjihchoh. Ju buh mihtsürü Israelrü bolungnü khekhita bahbah. Api mümüsühkhi labah, tümütüsho amüsühkhitbe ke api kheak mürhakkih; api mümüsühkhi judü lang api kheak lah.

WÜHKHE 19:17

Tüsho müneana lakhi mihtsürü thsungkheaknü arünü neak chingnü amüsühkhitpü thsungkheaknü moshi takkhi wah khürü lubah tüsho bukde alakhi ke lubah phüh ching yukbah.

WÜHKHE 19:18

Amüsüh mihtsürü khülangnü monam lubah ke ching thsambah, khimyam, phühbo, ju kheak larü mihtsürü yungsho aro, alaksahkhi, ashekhi yungsho kiuyuk qiurü kheak rhakkihbah.

WÜHKHE 19:3

Nükenü ju amükeambuh Eleazar kilim jihbah, junangde apinü binkheampung aleanglim bede wukhiukbah tüsho ju api mikinü alaksahbah;

WÜHKHE 19:8

Tüsho shepünü ju takbanü nihbuh khimmih müsühbah tüsho kemüyihbah, tüsho arelim khiungde mümüsühkhi labah.

WÜHKHE 6:12

Tüsho api Nazirit thsükhi kim Atungpuh kilim müsühkhitlobah, tüsho ashaklo kingaün kam khülang bankhi namfimihnunu pung handarübah tüshe akhuhlim kim ju a mükhe, tümütüsho api kuyü müsühkhitkhi müneanabahdo.

WÜHKHE 8:7

Tüsho nünü arü ki ha ruk müsühkhitang: arü kheak amüsühkhitbe ke rhakkihang tüsho arübo pang athrünkhi hütabahshang tüsho khimmihbo müsühshang, tüsho arübo amüsüh labah.

WÜHKHE 9:13

Tüshe mihtsürü shepü müsühla tüsho hantsah müyü, tüshe phunghothünio müleangkhisho, api I mihtsürü lungnü khekhita bahbah, tümütüsho apinü akhukhitkhi kim ching Atungpuh kingaün mühan; api zangrünü api neak hanbah.

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.

2 KORINT 7:1

Amuzho müyamrübo, tümütüsho isa harü alokhikhibo lah, pang tüsho me müneankhi lüpdükhi chingnü isanü müsühkhitanü, tüsho Thrünpuh trekhi ching banthsangkhi amüsüh kamanü.

IBRI 7:26

Hadürü amükeamrü amüsüh, jakreak mükihkhi, aneakrü kheaknü achamkhikhi, yinmibo kumung shuhkihkhi isa thsungkheak lapü ayedo.

IBRI 9:13

Mümüsühkhi mihtsürü kheak mihnubo le moshipungbo thiyih rhakkhi tüsho moshinunu takkhi wahbonü arü shih mümüsühkhi tsangkhitchosho,