WÜHKHE 19:21 - AMÜSÜH HÜM CL Bible (BSI)

²¹ Ha arü thsungkheak lün yo yakzan lah. Shepünü amüsühkhitbe ke rhakbanü khimmih müsühbah; tüsho shepünü amüsühkhitbe ke qiubanü arelim khiungde müneana labah.

WÜHKHE 19:21 Iomraidhean Croise

ABEKHIT 27:21

Ashorupung khimyam, zhindokhim wungdo lim tangzüng sangdan miki, Aron tüsho api tsührübonü arenü yapsu khiungde Atungpuh miki tsünpung takanua zobah. Ha Israelrü thsung thsüde arü lünkhe amuyung yakzan thsükhi labah.

LEVI 11:25

Tüsho sherünü jurü ashemibo khürü lang she ahanbanü apinü nihbuh khimmih müsühbah tüsho arelim khiungde mümüsühkhi labah.

LEVI 11:40

tüsho khürünü ashekhi shih ju tsühsho, apinü akhimmih müsühbeah, tüshe api arelim khiungde mümüsüh; khürünü ashemi hansho khimmih müsühabahbeah, tüshe api arelim khiungde mümüsühkhi labah.

WÜHKHE 18:23

Tüshe Levirünü arüngyam ching arüngakobo rhimobah, tüsho arünü arü münean hanbah; ha lünnü tsührü-tsührü lün khiungde yakzan labah, junangde Israel mihtsürü bolung arü yamrüplurüp müla.

WÜHKHE 19:10

Tüsho shepünü moshi takkhi wah ju awubanü nihbuh khimmih müsühbah tüsho arelim khiungde mümüsühkhi labah. Ha Israel mihtsürü tüsho arü lung larü khiungkerü thsungkheak lünnü yakzan labah.

WÜHKHE 19:7

Jushu amükeambuhnü nihbuh khimmih müsühbah tüsho kemüyihbah, tüsho anükhüh labah api binkheampung ching arübah; amükeambuh ju arelim khiungde mümüsühkhi labah.

WÜHKHE 19:8

Tüsho shepünü ju takbanü nihbuh khimmih müsühbah tüsho kemüyihbah, tüsho arelim khiungde mümüsühkhi labah.

IBRI 10:4

Tümüde moshipungbo tüsho mihnubo thiyihnü neakbo hande atsopü amukuk ah.

IBRI 7:19

Tümüde Mosa yakzannü tümü she khiukdahde mükamshih. Tüsho kheakü mulonglam atsübe jihkhi hode isanü Thrünpuh thüninde arükhukchoh.

IBRI 9:10

tümütüsho arünü jim, ayungbe, tüsho atsangkhitbe aphuaphu arüngako thsungkheak lang amüthrilokhi khiungde arhimokhukpü lakhi akhualokhi lah.