WÜHKHE 19:20 - AMÜSÜH HÜM CL Bible (BSI)

²⁰ Tüshe mihtsürü shepü müneanbahle mümüsühkhitbanü, ju buh mihtsürü ju boto chingnü khekhita bahbah, tümütüsho apinü Atungpuh arüngyam müneanjihdo. Amüsühkhitbe ke api kheak mürhakkih; api müneana lah.

WÜHKHE 19:20 Iomraidhean Croise

THRÜNTAN 17:14

Tüsho athrürü shepü tsütamübahbanü ju mihtsürü anihbuh mihtsürü lungnü khekhita bahbah; apinü I tangzüng thsümünimdo.”

ABEKHIT 30:33

Shepünü thüneabe ha ruk thsüba tüsho amükeamrü kheak hode shepünü ayukbanü api ju nihbuh mihtsürü bolungnü khekhita bahbah.’ ”

LEVI 15:31

Hanangde nünü Israel mihtsürübo arü mümüsühkhi chingnü chamkhijihbeah, jude yungsho arü bolung lakhi I yo arüngyam thsümünimkhi hode arü münean chingnü ashebah.

LEVI 17:16

Tüshe apinü khimmih mümüsüh yungsho kemümüyihsho, ju neak apinü ahanbah.

LEVI 22:4

Aron tsührü-tsührü bolung apham yungsho pang chingnü amüyeanrü shenü she nihbuh mümüsühkhityi khiungde amüsüh kingaünkhi mütsüh. Shepünü ashemi yungsho ke müyeanrü kheak qiubanü mümüsüh,

WÜHKHE 15:30

Tüshe mihtsürü shepünü mede neak yihbeakbanü, nihbuh lo ching züberü yungsho khiungkerü thsüthsü, shepü Atungpuh miki amülim handarübanü, api nihbuh mihtsürü bolungnü khekhita bahbah.

WÜHKHE 19:13

Sherünü ashemi qiubahle mümüsühkhitbanü, Atungpuh arüngyam müneanjihchoh. Ju buh mihtsürü Israelrü bolungnü khekhita bahbah. Api mümüsühkhi labah, tümütüsho amüsühkhitbe ke api kheak mürhakkih; api mümüsühkhi judü lang api kheak lah.

WÜHKHE 9:13

Tüshe mihtsürü shepü müsühla tüsho hantsah müyü, tüshe phunghothünio müleangkhisho, api I mihtsürü lungnü khekhita bahbah, tümütüsho apinü akhukhitkhi kim ching Atungpuh kingaün mühan; api zangrünü api neak hanbah.

MARK 16:16

Shepünü kinde baptibanü akhümkhitbah; tüshe shepünü mükinnü abahyukbah.

2 PETER 3:14

Jumonü amuzho müyamrübo, tümütüsho nüsanü ha kheahde lale, areak mükihde, amudopü mülade tüsho mungtsü lade apinü angüshihpü mürangang.

AMIKHEAKAKHIUKKHI 22:11

Amütsü rhimorünü judü lang amütsü rhimoshang, tüsho amüneanrünü müneanshang, thiyuro-lungkirünü alim rhimoang, tüsho amüsührünü müsühde laang.”