WÜHKHE 19:13 - AMÜSÜH HÜM CL Bible (BSI)

¹³ Sherünü ashemi qiubahle mümüsühkhitbanü, Atungpuh arüngyam müneanjihchoh. Ju buh mihtsürü Israelrü bolungnü khekhita bahbah. Api mümüsühkhi labah, tümütüsho amüsühkhitbe ke api kheak mürhakkih; api mümüsühkhi judü lang api kheak lah.

WÜHKHE 19:13 Iomraidhean Croise

ABEKHIT 30:33

Shepünü thüneabe ha ruk thsüba tüsho amükeamrü kheak hode shepünü ayukbanü api ju nihbuh mihtsürü bolungnü khekhita bahbah.’ ”

MÜCHITMUDU 14:32

Mihbukmuyuk ju nihbuh amütsü rhimo ching yana bah-a lah, tüshe thiyuro-lungkirü a api ashepü ching she tsoyukpung lah.

EZEKIEL 44:26

Api amüsüh kamkhi dunglim, arünü anihbuh thsungkheak nimung thüne khebah.

LEVI 15:31

Hanangde nünü Israel mihtsürübo arü mümüsühkhi chingnü chamkhijihbeah, jude yungsho arü bolung lakhi I yo arüngyam thsümünimkhi hode arü münean chingnü ashebah.

LEVI 20:3

Khürünü nihbuh tsührü Molek kilim jihde I yo amüsüh arüngyam müneansho tüsho I mung amüsüh achih kipsho, inü api azhihde awusubah tüsho api I mihtsürü bolungnü khekhita bahbah.

LEVI 22:3

Arü ki thaang: Nü lünbo amuyung ching nü tsührü-tsührü bolung khürükhüh mümüsühde alachoki Israelrünü Atungpuh kilim müsühkhitde kingaün jihkhi miki arüsho, api ju I mikinü khekhita bahbah: I Atungpuh ah.

LEVI 22:4

Aron tsührü-tsührü bolung apham yungsho pang chingnü amüyeanrü shenü she nihbuh mümüsühkhityi khiungde amüsüh kingaünkhi mütsüh. Shepünü ashemi yungsho ke müyeanrü kheak qiubanü mümüsüh,

LEVI 5:17

Mihtsürü khürünü müreanglimnü Atungpuh yukhüm thsümünimsho, api amülim thsübah tüsho ju mülimkhi apinü ahanbah.

LEVI 5:3

Mihtsürü khülangnü amümüsühkhi mihtsürü qiusho, ju tümütümü thsüthsü she qiubah mümüsühde akambe qiusho, tüsho apinü ju müyima lasho api mümüsühde akambah tüsho amülim thsübah.

LEVI 5:6

tüsho apinü ayihbeakkhi neak dünkheak neak kingaün mihnu bolungnü namfimihnu dre yungsho mihnu Atungpuh kilim handarübah; tüsho amükeambuhnü api neak dünthsükhibah.

LEVI 7:20

Tüshe amümüsührü khürünü ha mungtsü kingaün Atungpuh kilim jihkhi tsühsho, api ju nihbuh mihtsürü bolungnü khekhita bahbah.

LEVI 7:21

Tüsho khürünü tümükhüh amümüsüh kukruk qiubah ha mungtsü kingaün Atungpuh kilim jihkhi shih tsühsho, mihtsürü thsüthsü yungsho shiwüh thsüthsü, api ju nihbuh mihtsürü bolungnü khekhita bahbah.

WÜHKHE 15:30

Tüshe mihtsürü shepünü mede neak yihbeakbanü, nihbuh lo ching züberü yungsho khiungkerü thsüthsü, shepü Atungpuh miki amülim handarübanü, api nihbuh mihtsürü bolungnü khekhita bahbah.

WÜHKHE 19:14

Ha mihtsürü khimyam chingnü ashechoki yakzan: khimyam ching arürü alala tüsho khimyam ching larü alala nimung thüne mümüsühkhi labah;

WÜHKHE 19:18

Amüsüh mihtsürü khülangnü monam lubah ke ching thsambah, khimyam, phühbo, ju kheak larü mihtsürü yungsho aro, alaksahkhi, ashekhi yungsho kiuyuk qiurü kheak rhakkihbah.

WÜHKHE 19:19

Amüsüh mihtsürü junü amüneankhi kheak nimung mahsam tüsho nimung thüne nipü ching rhakkihbah; tüsho nimung thüne nipü ching api müsühkhitbah, khimmih müsühbah tüsho kemüyihbah, tüsho arelim api amüsüh labah.

WÜHKHE 19:20

Tüshe mihtsürü shepü müneanbahle mümüsühkhitbanü, ju buh mihtsürü ju boto chingnü khekhita bahbah, tümütüsho apinü Atungpuh arüngyam müneanjihdo. Amüsühkhitbe ke api kheak mürhakkih; api müneana lah.

WÜHKHE 19:9

Jushu mihtsürü amüsüh khülangnü moshi takkhi wah ju wumukhungbah binkheampung aleanglim amüsüh dangpung ching zobah; tüsho ju Israel boto thsungkheak kenü müsühkhitpü rhimo ching lupü thsüde azobah; ha neak chingnü müsühkhitkhi lah.

WÜHKHE 8:7

Tüsho nünü arü ki ha ruk müsühkhitang: arü kheak amüsühkhitbe ke rhakkihang tüsho arübo pang athrünkhi hütabahshang tüsho khimmihbo müsühshang, tüsho arübo amüsüh labah.

WÜHKHE 9:13

Tüshe mihtsürü shepü müsühla tüsho hantsah müyü, tüshe phunghothünio müleangkhisho, api I mihtsürü lungnü khekhita bahbah, tümütüsho apinü akhukhitkhi kim ching Atungpuh kingaün mühan; api zangrünü api neak hanbah.

JOHAN 8:24

Jumonü nüsa neakbo ching nüsa shebah de inü nüsa ki thakheah; tümütüsho I api ah de nüsanü mükinsho, nüsa neakbo ching nüsa shebah.”

IBRI 10:29

Shepünü Thrünpuh tsührü jing khüp jungde, api tsangkhitkhi tangzüng thiyih müneankhea, tüsho amüthsüm Me mükhemükimrü küdükhüh she athsümüchipü thülünba de nüsanü lümcho?

IBRI 9:10

tümütüsho arünü jim, ayungbe, tüsho atsangkhitbe aphuaphu arüngako thsungkheak lang amüthrilokhi khiungde arhimokhukpü lakhi akhualokhi lah.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 22:11

Amütsü rhimorünü judü lang amütsü rhimoshang, tüsho amüneanrünü müneanshang, thiyuro-lungkirünü alim rhimoang, tüsho amüsührünü müsühde laang.”

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.