WÜHKHE 18:9 - AMÜSÜH HÜM CL Bible (BSI)

⁹ Ha mo ching mütakbe khide amüsüh kukruk nü yo thsübah: arünü kingaünkhibo, hi kingaünkhi, neak kingaünkhi tüsho arünü I kilim shuhmülanga jihkhi amülim dün kingaünbo ju nü tüsho nü tsührübo thsungkheaknü khide amüsüh labah.

WÜHKHE 18:9 Iomraidhean Croise

2 KIULONG THSÜRÜ 12:17

Ju kim ching Siria kiulongthsüpuhnü Gad bede keochihpü tüsho yankhia lupü wutu. Tüshe küyimki Hazaelnü Jirusalem azhihde awutupü amiro anguhkhea,

NEHEMIA 10:36

Yakzan ching lakhi nangde tsührü athrürü akhuh zübekhi amükeamrü miki arüngyam ching hande yünü Thrünpuh ki müsükhitbah. Moshi nunu tüsho namfimihnu akhuh adrekhi she müsükhitbah.

EZEKIEL 42:13

Judüki apinü I ki tha, “Dukulim tüsho düjinglim arüngyam mikhuh lakhi khiungshakbo ju amükeamrübonü Atungpuh ki yübah khide amüsüh kingaünkhi tsühpü lakhi amüsüh khiungshakbo ah; ju ching arünü khide amüsüh kingaünbo zobah–hi kingaün, neak kingaün, tüsho amülim kingaün, tümüde dangpung ju amüsüh ah.

EZEKIEL 44:29

Arünü hi kingaün, neak kingaün, tüsho amülim kingaün tsühbah; tüsho Israel ching kingaünkhi kukruk alala arü yo thsübah.

LEVI 10:17

“Tümüde nüsanü neak kingaünkhi amüsüh dangpung chingnü mütsühkhea? Tümüde ha khide amüsüh, tüsho boto neak dünthsükhishihpü thsüde Atungpuhnü nüsa kilim jihkheah.

LEVI 14:13

Tüsho apinü namfimihnunu ju neak kingaün tüsho taka kingaünpü laksahpung, amüsüh dangpung chingnü alaksahbah, tümüde neak kingaün ju amükeambuh yo ah, junangde ashaklo kingaün she api yo thsübah. Ju khide amüsüh ah.

LEVI 2:10

Aningkhi ayikangkang ju amükeamrübo yo thsübah; ha Atungpuh kilim taka kingaünkhi chingnü khide amüsüh ah.

LEVI 22:11

Tüshe amükeambuhnü shonü athulokhi azhorü yungsho api yam chingnü azübekhi azhorünü a api tsühyungpü tsühpü kuklah.

LEVI 22:7

Tüsho küyimki ani yüzahbanü api amüsüh kambah; tüsho ju dunglim amüsüh kingaünkhibo ju apinü atsühpü kuklah, tümütüsho ju api tsühyungpü ah.

LEVI 4:22

Yakzanshuhrü khülangnü müreanglimnü neak yihbeakde api Thrünpuh Atungpuh yukhüm khürü thsümünimbah amülim kamsho,

LEVI 4:27

Mihtsürü ah dümung khürünü müreanglimnü neak yihbeakde Atungpuh yukhüm khürü thsümünimbah amülim kamsho,

LEVI 5:1

Mihtsürü khülangnü tümükhüh ngükhi yungsho mükheahkhi dünkheak mihtsürübonü thiyumütsan jihang de arhunganimkhi sobah apinü müthakhi hode neak yihbeaksho, ju hah apinü ahanbah.

LEVI 5:6

tüsho apinü ayihbeakkhi neak dünkheak neak kingaün mihnu bolungnü namfimihnu dre yungsho mihnu Atungpuh kilim handarübah; tüsho amükeambuhnü api neak dünthsükhibah.

LEVI 6:17

Hoju phaüm yukbah munung. Ha Atungpuhnü arü kilim taka kingaünpü shihcham jihkheah; ju neak kingaün tüsho ashaklo kingaün ruk khide amüsüh lah.

LEVI 6:19

Atungpuhnü Mosa ki tha,

LEVI 6:30

Tüshe neak kingaünkhi yo thiyih amüsüh dangpung dünthsükhipü ashorupung khimyam ching handarüsho, ju shih mütsüh; hoju takabahbah.

LEVI 7:1

Harü ha ashaklo kingaün thsungkheaknü khide amüsüh yakzanbo ah.

LEVI 7:6

Amükeamrü yamkhün ching athrürübonü ju tsühpü kuklah tüshe amüsüh dangpung chingnü atsühbeah, tümüde ha khide amüsüh.

LEVI 7:7

Neak kingaün tüsho ashaklo kingaün ane chido thsungkheaknü yakzan khülang rukhüh lah: shih ju dünthsükhia bahjihbuh amükeambuh yo thsübah.

WÜHKHE 18:10

Khide amüsüh dangpung chingnü nüsanü ju tsühbah; athrürü abannü atsühbah. Ha nüsa kilim amüsüh labah.

YUZÜNGTHALO 18:1

“Levirü amükeamrübo, tüsho Levi trük alala Israel lung yamrüplurüp müla; arünü Atungpuh kilim monü taka kingaünkhi tüsho api shihcham tsühbah.