WÜHKHE 18:8 - AMÜSÜH HÜM CL Bible (BSI)

⁸ Tüsho Atungpuhnü Aron ki tha, Ha ching, Israel mihtsürübonü amüsüh arung kingaün jihkhibo inü nü kilim jihdo; inü harübo nü tüsho nü tsührübo shihcham thsüde lünnü rhimode ayüshihpü yakzan jihdo.

WÜHKHE 18:8 Iomraidhean Croise

2 KIULONG THSÜRÜ 12:16

Amülim kingaünkhi sho tüsho neak kingaünkhi sho chingnü Atungpuh yam ching lude marüde alakheah; ju amükeamrübo yo.

2 KIUTHSÜYUKHEAN 31:4

Amükeamrü tüsho Levirü kilim jihpü shihcham jihshihpü apinü Jirusalem ching larü mihtsürübo ki thiyukhüm jih, junangde arünü Atungpuh yakzan ching mulong jihkhukpü lakheah.

2 KIUTHSÜYUKHEAN 31:5

Thiyukhüm jihkhi yanalünde, Israel mihtsürünü akhuh asokhi hi, yukhu, müdangke, mukhuke, tüsho thulu chingnü akhiukkhi alala suhdahde jih; tüsho mungjithürü yo shihcham suhdahde lubah yüzah.

ABEKHIT 28:43

Aron le api tsührübonü arü ashorupung khimyam ching yüzahchoki yungsho amüsüh dangpung ching tankihpü kingaün sadam ki yüchoki jurü yihbah, junangde arünü amülim müthsü tüsho müshe. Ha lünnü Aron tüsho api tsühsoniuso thsungkheak thiyuzüng labah.

ABEKHIT 29:21

Tüsho kingaün sadam kheaknü athiyih khürü tüsho amujube müdangke luang tüsho Aron le atsührübo khimmihbo kheak rhakkihang. Jushu api le atsührübo tüsho arü khimmihbo müsühkhitbah.

ABEKHIT 29:28

Ha kamruhroro Aron le atsührübo thsungkheak Israelrü kilimnü mutukzhak shihcham labah. Ha Israelrünü arü mungtsü kingaün chingnü Atungpuh kilim arung jihkhi labah.

ABEKHIT 29:29

“Aron khimmih amüsüh ju api dunglim arü amüsüh tsangkhitchoki yihpü thsüde api tsühsoniusobo yo thsübah.

ABEKHIT 40:13

Nünü Aron kheak amüsüh khimmih phukihjang, tüsho api mujude-müsühkhitang, junangde amükeamrü thsüde apinü I tankihbah.

ABEKHIT 40:15

Arü abuh mujudemüsühkhitkhi nangde arübo mujudemüsühkhitang, junangde amükeamrübo thsüde arünü I tankihbah; tümüde arü mujude-müsühkhitkhi ju arü lün amuyung ching tsükjide akheam mülakhi amükeamrü thsübah.”

ISAIA 10:27

Ju nimung arü hahmülang nü dubuh kheaknü ashuhkhibah tüsho nü shih kihkhinü arü sangkaplak nü hung kheaknü athsümünimbah.

LEVI 21:10

Achangbe Amükeambuh ju nihbuh keoniorü bolungnü aku kheak müdangke dungkihdo tüsho amükeamrü khimmih phuyupü müsühkhit, jumonü apinü nihbuh kuyü mushude mülabeah yungsho khim murukrüpbeah.

LEVI 23:20

Amükeambuhnü akhuhbe sangaso ju namfimihnu mahne lung Atungpuh miki müleamde kingaünbah; jurübo amükeambuh thsungkheaknü Atungpuh miki amüsüh labah.

LEVI 6:16

Tüsho aningkhi Aron tüsho atsührübonü phaüm muyukde amüsüh dangpung khülang chingnü atsühbah; ju Atungpuh shorupung khimyam dükeak chingnü atsühbah.

LEVI 6:18

Atungpuh kilim taka kingaünkhi ching yo lünnü Atungpuh miki lün lün ching tangzüng thsüde Aron tsührübo athrürü abannü atsühpü kuklah; sherübonü ju qiubanü arü amüsüh kambah.

LEVI 6:20

Api mujude-müsühkhit nimung Aron tüsho atsührübonü Atungpuh kilim kingaün ha jihbah: ayikangkang khahngak 1 (hi kingaün nimung aban jihkhi dükhüh), chamshakkhüh yapsu lim tüsho chamshakkhüh are de ajihbah.

LEVI 6:26

Amükeamrü shepünü neak kingaün jihchonü ju amüsüh dangpung, Atungpuh shorupung khimyam dükeaknü atsühbah.

LEVI 7:14

Apinü yikhap mungji aban chingnü khülang khülang thrükhita Atungpuh kilim arung nangde ajihbeah; hoju shih thiyih lubah kingaün mühide buka bahbuh amükeambuh yo thsübah.

LEVI 7:28

Atungpuhnü Mosa ki tha,

LEVI 7:6

Amükeamrü yamkhün ching athrürübonü ju tsühpü kuklah tüshe amüsüh dangpung chingnü atsühbeah, tümüde ha khide amüsüh.

LEVI 8:30

Mosanü amujube müdangke khürü tüsho kingaünpung kheak lakhi thiyih khürü lubah Aron le atsührübo tüsho arü khimmihbo kheak rhakkihjih. Hanangde apinü arübo tüsho khimmihbo Atungpuh kilim müsühkhit.

WÜHKHE 18:9

Ha mo ching mütakbe khide amüsüh kukruk nü yo thsübah: arünü kingaünkhibo, hi kingaünkhi, neak kingaünkhi tüsho arünü I kilim shuhmülanga jihkhi amülim dün kingaünbo ju nü tüsho nü tsührübo thsungkheaknü khide amüsüh labah.

WÜHKHE 5:9

Israelrü tsührübonü amüsüh kingaün amükeambuh kilim handarükhi ju api yo thsübah.

1 KORINT 9:13

Arüngyam ching rhimorübo arüngyam chingnü arü tsühyungbe ngüchoh tüsho kingaün sadam kheak tankihrü shuhmülanga kingaünkhi chingnü shihcham ngüchoh de nüsanü mümükheah de?

YUZÜNGTHALO 12:11

judüki Atungpuh nüsa Thrünpuhnü api mung lashihpü mokhitpung ching inü nüsa ki thiyukhüm jihkhi lüpdükhi lubah arang: nüsanü taka kingaünbebo, laksah-a kingaünbe, thürü shihcham, arung kingaünbo tüsho nüsanü Atungpuh ki thiyuchihchimde mokhitkhi kingaünbo.

YUZÜNGTHALO 12:6

Ju ching nüsanü taka kingaünbe, shuhmülanga kingaünbe, thürü shihchambo, büthsüde kingaünbe, thiyuchihchimkhi kingaün, amulongkhi kingaün tüsho moshi le mihnu bolungnü akhuh adrekhibo hanbah arang;

YUZÜNGTHALO 18:1

“Levirü amükeamrübo, tüsho Levi trük alala Israel lung yamrüplurüp müla; arünü Atungpuh kilim monü taka kingaünkhi tüsho api shihcham tsühbah.

YUZÜNGTHALO 26:13

nünü Atungpuh nü Thrünpuh miki thabah: ‘Inü arüng shihcham I yam chingnü yihkhitdo, tüsho jurü Levirü, khiungkerü, mürerü tüsho khimoberü kilim, nünü I kilim thiyukhüm jihkhi yande jihdo; inü nü yukhüm mülakphah, yungsho inü jurübo mümihabah.

IBRI 1:9

Nünü thiyuro-lungki muzhodo tüsho amülim thraneando; jumonü nü Thrünpuhnü nü müyamrübo kheaknü alü thsüde asühkhi müdangkenü nü mujujihdo.”

1 JOHAN 2:20

Tüshe Amüsühbuh Khülangnü nüsa mujude-müsühkhit, tüsho nüsa alalanü mükheahlah.

1 JOHAN 2:27

tüshe nüsanü api kilimnü leangkhikhi mujude-müsühkhitkhi nüsa kheak lah, tüsho khürünü nüsa thsangyupü yihnüpü müla; apinü mujude-müsühkhitkhinü lüpdükhi dünkheak nüsa ki thsangyuchoh, tüsho ju thiyuro ah, tüsho akeangyu yung, nüsa ki thsangyukhi nangde api kheak laang.