WÜHKHE 18:7 - AMÜSÜH HÜM CL Bible (BSI)

⁷ Jumonü nü lung nü tsührübo bebah kingaün sadam tüsho zhindokhim dunglim amükeam rhimo alala rhimobeah; tüsho nünü tankihbah. Atankihbe thsambah nangde inü nü kilim amükeamrü thsüshihkheah, tüshe püpürü a shepünü phünide arübanü asheshihbah.”

WÜHKHE 18:7 Iomraidhean Croise

MUNGSHIKHÜN 115:10

O Aron yamkhün, Atungpuh kheak kinang; apinü nüsa rungchoh tüsho tsungdochoh.

ABEKHIT 28:1

“Kheakü nü khiung Aron tüsho api tsührübo Nadab, Abihu, Eleazar tüsho Ithamar I ki amükeamrü thsüde tankihpü Israelrü bolungnü bede arang.

ABEKHIT 29:9

tüsho arü ku kheak kuthran thranjang. Aron le atsührübo kheak chimrümbe rümjang. Amükeamrü thsüpü ju lünnü arü yo thsüpü thiyuzüng labah.

EZEKIEL 44:15

Tüshe Levirü amükeamrübo Zadok tsühsoniusobo, Israel mihtsürübo tsophülapchoki, sherünü I yo arüngakopung neakchonü, I tankihpü I thüninde arübah; tüsho arünü amüdang tüsho athiyih jihpü I ki zhipbah, Atungpuh Thrünpuhnü thachoh.

EZEKIEL 44:16

I yo arüngakopung ching azahpü, I dükhüm ki I tankihpü arüpü ju arü labah, tüsho arünü I kingaün mukhung bebah.

EZEKIEL 44:8

Tüsho nüsanü amüsüh kingaün jihpü mürhimo; tüshe nüsanü nüsa thsung thsüde I yo arüngyam ching rhimoshihpü khiungkerübo ki jih.

LEVI 16:2

apinü tha, “ Khide Amüsüh Dangpung ching zhinkhi khim miki kim yancho ching darü de nü khiung Aron ki thaang, tümüde ju tangzüng sangdan khidopü kumung amo ching I akhiukchoh. Apinü mihyumanisho, api asheshihbah.

LEVI 7:35

Ha Mosanü arübo amükeamrü thsüde Atungpuh tankihshihpü jih nimung Atungpuh kilim taka kingaünkhi chingnü Aron tüsho atsührübo kilim amüsüh shihcham.

WÜHKHE 1:51

Tüsho küyimki kingaün yam ju akhinbanü, Levirünü ju shuhkihbah; tüsho küyimki kingaün yam ju azhipshihbanü, Levirünü ju zhipshihbah, püpürü shepü ju phünide arübanü asheshihbah.

WÜHKHE 16:40

tüsho ju Israel tsührübo thsungkheaknü mümih-mütsan thsü, junangde api ki Atungpuhnü Mosa hode alokhikhi nangde Aron tsührübo khah hobah püpürü shenü she Atungpuh miki arhümthüneabe jihpü marü, jude yungsho api ju Kora tüsho api jingyanrübo ruk kambah.

WÜHKHE 18:20

Tüsho Atungpuhnü Aron ki tha, “ Arü lo ching nü yamrüplurüp tümü müla, yungsho arü bolung shihcham müla; Israel mihtsürü bolung I ju nü shihcham tüsho yamrüplurüp ah.”

WÜHKHE 18:3

Arübonü nü tüsho arüngyam yihnüpü ching rungbah; tüshe arünü küyimkishe arüngyam kukruk tüsho kingaün sadam phünide marü. Jude yungsho arü tüsho nü she ashebah.

WÜHKHE 3:10

Jumonü nünü Aron le atsührübo rhimo ching yüzahshang, tüsho arünü arü amükeam rhimo thsübah; tüshe püpürü shepünü phünide arübanü api asheshihbah.

WÜHKHE 3:38

Ashorupung khimyam müngüh aniakhiuk thrip binpü thsakhamkhi ju, Mosa, Aron, tüsho atsührübonü Israelrü tsührübo thsungkheak arüngyam ching rhimo; tüshe püpürü shepü phünide arübanü asheshihpü lakheah.

MATHI 10:8

Tukthsü thsünguang, apham kihrü müsühkhitang, asherü arhang kamloshang, amünean me yankhitang. Nüsanü akeangnü leangkhido, akeangnü jihang.

JOHAN 3:27

Johannü alo, “Yinmi chingnü api ki müjih-a lasho mihtsürünü tümü leangkhikhukpü.”

EFISIA 3:8

Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo,

YUZÜNGTHALO 18:2

Jumonü keoniorü lung arü yamrüplurüp müla; apinü arü ki thakhi nangde Atungpuh ju arü yamrüplurüp thsübah.

IBRI 5:4

Shenü she nihbuh küdahnü wüntre muluchoh; Aron nangde api ju Thrünpuhnü jia labeah.

JIHUSUA 18:7

Tütüshe nüsa bolungnü Levirü kilim a yamrüplurüp müjih. Tümüde arü yamrüplurüp ju amükeamrü thsüde Atungpuh tankihpü ah; tüsho Gad, Reuben, tüsho Aniakhiuklim Manase trükbo a arü yamrüplurüp Jordan aniakhiuklim luabahdo, ju Atungpuh yamlarü Mosanü arü kilim jihkheah.”

1 PETER 5:2

Nüsanü akümpü lakhi Thrünpuh namfimihnu boto neakang, mükünde yung tüshe künsahde, thiyuro mülakhi alü thsüpü yung tüshe mulongsahde,

1 PETER 5:3

nüsa bukkhüp zojihkhi junode yung, tüshe namfimihnu boto ki amütsan laang.

1 SAMUEL 2:28

Api I yo amükeamrü thsüpü kingaün sadam kheak wutupü, rhümthüneabe jihpü tüsho I miki khim zhingzhing phuyupü inü api Israel trükbo alala chingnü mokhit; tüsho Israel mihtsürübonü I ki taka kingaünkhi alala inü nü pü yamkhün kilim jih.