WÜHKHE 18:6 - AMÜSÜH HÜM CL Bible (BSI)

⁶ Kheahang, I küdah thsüde inü nü keoniorü Levirübo Israelrü bolungnü ludo; arübo ashorupung khimyam rhimo rhimoshihpü Atungpuhnü nü kilim jihkhi thsambah ah.

WÜHKHE 18:6 Iomraidhean Croise

THRÜNTAN 6:17

Inü thüning bukkhüp rhangdung sheak lakhi loriloko alala dükheakshihpü alomi kheak keking arüshihbah; alomi kheak lüpdükhi ashebah.

THRÜNTAN 9:9

“Kheakü inü nü tüsho nü dunglim nü tsühsoniusobo kheak I tangzüng thsüchoh,

ABEKHIT 14:17

Tüsho inü Ijiprü mulong müküpshihbah, junangde arünü arü dunglim yüzahbah, tüsho Pharao le api bonungrü, api khora-lolungbebo, tüsho api khoraberü hode I müretahbah.

ABEKHIT 31:6

Kheaküshe inü Dan trük Ahisama tsührü Oholiab api rungpü moyukjih; tüsho thsüsonungnürü alala kilim inü nü ki thiyukhüm jihkhi alala rhimoshihpü rükrirükko jih:

ISAIA 48:15

I, inü she asuk tüsho api jikheah, inü api bedarü, tüsho api limro ching akuk ngübah.

ISAIA 51:12

I, shepünü shukheamchonü api ah; dale tümüde ashepü lakhi mihtsürü trecho, mihtsürü khülang shepü rim nangde yiuhabahcho?

EZEKIEL 34:11

Tümüde Atungpuh Thrünpuhnü ha thachoh: Inü I yo namfimihnubo yimbah, tüsho arübo ajukhitbah.

EZEKIEL 34:20

Jumonü, Atungpuh Thrünpuhnü arü ki ha thachoh: Inü amüdangkhi tüsho akukruk namfimihnu dükeak mahkhapbah.

WÜHKHE 3:12

Kheahang, Israelrü tsührü bolung ching akhuh zübekhi lupü dün inü Levirübo ludo. Levirübo I yo thsübah,

WÜHKHE 3:13

tümüde akhuh zübekhi ju I yo; inü Ijip lomi ching akhuh zübekhi laksahchoki, mihtsürü yungsho shiwüh thsüthsü akhuh zübekhi I thsungkheaknü inü Israel ching müsühkhit; arübo I yo thsübah. I Atungpuh ah.

WÜHKHE 3:45

Israelrü tsührübo adüjirü tüsho arü akam-shiwühbo müthri Levirü tüsho arü akam-shiwühbo luang. Levirübo ju I yo thsübah: I Atungpuh ah.

WÜHKHE 3:6

Levirü trükbo phünide bebah arang, tüsho arübo amükeambuh Aron ki bede yünü zhipshang, tüsho arünü api tankihbah.

WÜHKHE 3:9

Nünü Levirübo ju Aron le atsührübo kilim jihbah; arübo ju Israelrü bolungnü api kilim shuhmülanga jihkhi lah.