WÜHKHE 18:5 - AMÜSÜH HÜM CL Bible (BSI)

⁵ Tüsho Israel mihtsürü kheak bukakhiukkhi mülaloshihpü thsüde nünü arüngyam tüsho kingaün sadam hahmülang rhimo alala thsang.

WÜHKHE 18:5 Iomraidhean Croise

1 KIUTHSÜYUKHEAN 23:24

Harü ha Levi tsührübo arü jipürü yamkhün yande guk ching akubo kam 20nü akumung Atungpuh yam tankihpü rhimo ching arü bümdung mungnü akheyukkhibo lakheah.

1 KIUTHSÜYUKHEAN 23:32

Hanangde arünü ashorupung khimyam, arüngyam rhimo ching labah, tüsho Atungpuh yam ching tankihpü thsungkheak arünü Aron tsührübo lung bebah.

1 KIUTHSÜYUKHEAN 24:5

Arünü azan thsüde arübo alala rukhühnü chamnak, tümüde ju ching arüngyam atorübo tüsho Thrünpuh yo atorübo Eleazar tüsho Ithamar tsührübo ane chido bolung ching lakheah.

1 KIUTHSÜYUKHEAN 9:19

Kora tsührü, Ebiasaph tsührü, Kore tsührü Shallum, tüsho api jipürü yamkhün buhtsührü Korarü ju arü jipürü Atungpuh khimyam kheahde alakhi nangde khimyam ripit limro kheahde rhimode alakheah.

1 KIUTHSÜYUKHEAN 9:23

Junangde arü le arü tsühsoniusobo Atungpuh yam ripit kheahde la, ju khimyam aheangrübo.

1 KIUTHSÜYUKHEAN 9:33

Kheakü harübo Levirü jipürü yamkhün ching akubo ha khün thsürübo, püpü tankih-rhimo chingnü chamkhibah arüngyam khiungshakbo ching la, tümüde arübo azhing ayin rhimo ching lakheah.

ABEKHIT 27:21

Ashorupung khimyam, zhindokhim wungdo lim tangzüng sangdan miki, Aron tüsho api tsührübonü arenü yapsu khiungde Atungpuh miki tsünpung takanua zobah. Ha Israelrü thsung thsüde arü lünkhe amuyung yakzan thsükhi labah.

JEREMIA 23:15

Jumonü wukihrübo dünkheak Wuto Atungpuhnü ha thachoh: “ Inü arü kilim tsühyungpü akhüh tsühshihbah, tüsho müzüm duhbah; tümüde Jirusalem ching wukihrübo kheaknü Thrünpuh mümükheahkhi lomi ching budo.”

EZEKIEL 44:15

Tüshe Levirü amükeamrübo Zadok tsühsoniusobo, Israel mihtsürübo tsophülapchoki, sherünü I yo arüngakopung neakchonü, I tankihpü I thüninde arübah; tüsho arünü amüdang tüsho athiyih jihpü I ki zhipbah, Atungpuh Thrünpuhnü thachoh.

EZEKIEL 44:16

I yo arüngakopung ching azahpü, I dükhüm ki I tankihpü arüpü ju arü labah, tüsho arünü I kingaün mukhung bebah.

LEVI 10:6

Tüsho Mosanü Aron le atsührüne Eleazar tüsho Ithamar ki tha, “ Nüsa mulong rozhaklah de akheahkhitshihpü thsüde nüsa ku düdukiu, tüsho khimmih dürukrüp, jude thsüsho nüsa ashebah tüsho Atungpuh bukakhiukkhi boto alala kheak yükihbah. Tüshe nü keoniorü tüsho Israelrü yamkhün alalanü, Atungpuhnü monü ataksahshihkhi dünkheak mulong rozhakpü kuklah.

LEVI 24:3

Ashorupung khimyam ching tangzüng khim zhinkhi aleanglim, Aronnü tsünpungbo ju takkih-a zoanude arenü yapsu khiungde akümbah. Ha tsühsoniuso lün thsungkheaknü yakzan thsükhi labah.

ZEKARIA 10:3

Namfimihnu neakrübo kheak I bukakhiukkhi takde lah, tüsho inü limberübo thsümüchibah; tümüde Wuto Atungpuhnü api mihnu boto, Juda yamkhün kümchoh, tüsho apinü arübo kükheangkhi thirithsü khora nangde kamshihbah.

WÜHKHE 1:50

tüshe nünü Levirübo a I lapung khimyam tüsho kukrukbo kurungkheak akheahrü mokhitang. Arünü arüngyam tüsho kukruk hande ju ching tankihbah, tüsho ju mühi arü binkheampungbo thsübah.

WÜHKHE 1:53

tüshe Levirübo a kingaün yam neakde ju mühi arü binkheampungbo thsübah, junangde shenü phünide marü tüsho Israelrü kheak shikpü I bukmakhiukshih.”

WÜHKHE 16:46

Jumonü Mosanü Aron ki tha, “ Mophuru khülang kingaün sadam kheaknü lubah ju ching mo tüsho arhümthüneabe yukang tüsho ju nahde lubahle boto kilim yübah arü thsungkheak dünthsükhiang; tümüde bukakhiukkhi Atungpuh kheaknü wukhiukdo. Arüm tankihabahdo.”

WÜHKHE 18:4

Arübonü arüngyam alala ching tankihpü tüsho arüngyam rhimo alala thsungkheak nü lung bebah; tüshe püpürü a nü thüninde marü.

WÜHKHE 4:18

Kohath guk trükbo Levirü lungnü düsheabahshih;

WÜHKHE 8:19

Tüsho inü Levirübo ju Aron le atsührübo kilim Israel mihtsürü bolungnü thsambah nangde jih, junangde arübonü Israelrü mihtsürü thsungkheak ashorupung khimyam ching rhimobah, tüsho Israelrü mihtsürü thsungkheak dünthsükhibah, jude athsükhinü Israel tsührübo arüngyam phünide arüchoki arü kheak arüm müyükih.

WÜHKHE 8:2

“ Aron ki thaang, küyimki nünü tsünpung zobanü tsünpung thüne ju ayin tahshihpü thsüde tsünpung dubopung miki zoang.”

1 TIMOTHI 1:18

I tsührü Timothi, akhuhlim nü dünkheak müchitkhi yande, jurü hode nünü tsüde keochihpü thsüde ha thsangdan nü kilim jihchoh,

1 TIMOTHI 3:15

I ashua lasho, thiyuro dungjing tüsho aduhlobe, Thrünpuh borü, Thrünpuh yamkhün ching nüsanü künangde yakli labeanü amükheahbah.

1 TIMOTHI 5:21

Thrünpuh tüsho Jisu Khrista le amokhitkhi yunirübo mikinü mulong müyütde, jakkheahkhi mürhimopü thsüde ha yuzüngbo anipü inü nü ki tuthsukchoh.

1 TIMOTHI 6:20

O Timothi, inü nü ki tümü thiyidünü kümkangang. Amükinrü yu tüsho arükchihnü “Mükheahmudu” de ajikhi atsangachihkhibo bahkhiang,