WÜHKHE 18:21 - AMÜSÜH HÜM CL Bible (BSI)

²¹ Kheahang, Levirünü arüngkhimyam ching rhimokhi dün Israel ching hanmukhungkhi thürü shihcham arü kilim yamrüplurüp nangde jihdo.

WÜHKHE 18:21 Iomraidhean Croise

THRÜNTAN 14:20

Tüsho nü riribo nü khah ching yukjihbuh Khide Achang Thrünpuh shiang.” Tüsho Abramnü alala yo thürü shihcham api kilim jih.

THRÜNTAN 47:24

Tüsho nüsanü yimluchoki phüngü ching shihchamkhüh Pharao kilim jihbah. Shihcham phüyi ju thulu ching müjih thsüpü tüsho nüsa le nüsa yamkhünbo tüsho nüsa tsührü aninibo thsungkheak tsühyungbe labah.”

THRÜNTAN 47:26

Tüsho amükeamrübo lo Pharao yo mükamkhi kheak hode, Pharaonü phüngü ching shihchamkhüh lupü Ijip lomi ching khihni ha khiungde yakzan khülang thsü.

2 KIUTHSÜYUKHEAN 31:12

Arünü thiyuronü arung jihkhibo, thürü shihchambo tüsho müsühkhitkhi kukrukbo lude yüzah. Jurü kheahpü atobuh ju Levirü Konania, mahnepü aniurü Shimei;

NEHEMIA 10:29

keoniorü tüsho anikhitrü lung nungde muthrumünean thsüde thiyuchihchim, junangde api yamlarü Mosa hode Thrünpuhnü ajihkhi Thrünpuh yakzan yande alabah, isanü Atungpuh , isa Thrünpuh yakzan anibah; tüsho isanü api yakzannü alunekhi yande arhimobah.

NEHEMIA 10:37

Kam aban yimlukhi hi chingnü yikhap, yukhu, oliv müdangke, tüsho sangaso aphuaphubo she amükeamrünü müsükhitshihbah. Isa lo chingnü akhiukkhi hi thürü shihcham thremukhungkhi, alala Levirübo athrerü ki hande ayübah.

NEHEMIA 10:38

Küyimki Levirübonü thürü shihcham leangkhibanü Aron tsührü amükeamrübo she arü lung bebah; tüsho Levirübonü thürü shihcham chingnü thürü shihcham zowupung Thrünpuh yam khiungshak achanglim hande yükih azobah.

NEHEMIA 12:44

Judüki arüngyam thsungkheak jihchungkhibo, thürü shihcham, hi akhuh yimlukhi tüsho sangaso akhuh asokhibo zopung thüyam khiungshak aban kheahshihpü, tüsho amükeamrü le Levirü kilim jihpü yakzannü mülükhi nangde kiutobo lu chingnü athremukhungpü mihtsürübo rhimo ching yüzahshih. Judarünü amükeamrü le Levirü kheak asüh,

NEHEMIA 12:47

Zerubbabel le Nehemia ane kim ching, Israelrü alalanü arüngyam khün thsürü tüsho arüngyam aheangrü kilim arung jihshihpü thsüde nimung aban thsambah jih. Mihtsürübonü Levirü kilim amüsüh kingaün jih, tüsho Levirünü Aron kheaknü arükhi amükeamrübo kilim shihcham jih.

NEHEMIA 13:12

Jushu Israelrü athrünkhinü hi, thürü shihcham, yukhu, tüsho oliv müdangke handarü zowupung khiungshak ching zopü tankih.

NEHEMIA 13:5

Apinü Tobia ki thüyam khiungshak ato ahorishih, ju hi kingaün tüsho arhümthüneabe shoto kukruk lang azopung, arüngyam ching ahoribe kukrukbo, amükeamrübo thsungkheak jihchungkhibo, tüsho Levirü, arüngyam khün thsürü, tüsho arüngyam aheangrübo kilim jihpü hi, yukhu, tüsho oliv müdangkebo zopung lakheah.

MALAKI 2:4

Jumonü I tangzüngkhi Levi kheak mutuklode alapü ha yukhüm nüsa kilim arüshihdo de mükheahang, Wuto Atungpuhnü thachoh.

MALAKI 3:10

Thürü shihcham alala zowupung ching hande arang, junangde I yam ching tsühyungbe labah, tüsho hanü I rükakiang, Wuto Atungpuhnü thachoh; inü nüsa thsungkheak thüning ripitbo khimshuhbah müngühmühi mikhiukde bukkhishihnahnü kheahang.

WÜHKHE 18:6

Kheahang, I küdah thsüde inü nü keoniorü Levirübo Israelrü bolungnü ludo; arübo ashorupung khimyam rhimo rhimoshihpü Atungpuhnü nü kilim jihkhi thsambah ah.

WÜHKHE 3:6

Levirü trükbo phünide bebah arang, tüsho arübo amükeambuh Aron ki bede yünü zhipshang, tüsho arünü api tankihbah.

WÜHKHE 31:28

Keochih ching yürü bonungrübo kheaknü Atungpuh kilim ruk jihpü thsüde mihtsürü, moshi, donki, tüsho namfimihnubo chi phüngü aban chingnü khülang yihkhitang;

GALATIA 6:6

Shepü ki thiyu thsangyukhea, api kukruk atsü alala thsangyurü ki chamachihang.

YUZÜNGTHALO 18:8

Arübo shihcham rukhühnü atsühbah, tüshe anihbuh betsührünü yamrüplurüp yinbah amühahkhi apinü azobah.

IBRI 7:5

Tüsho Levi tsühsoniuso amükeamrü thsürübo ju arü keoniorübo Abraham kheaknü trükkhitde arüa lalashe arü kheaknü thürü shihcham lupü yakzan ching thiyukhüm lah.