WÜHKHE 18:20 - AMÜSÜH HÜM CL Bible (BSI)

²⁰ Tüsho Atungpuhnü Aron ki tha, “ Arü lo ching nü yamrüplurüp tümü müla, yungsho arü bolung shihcham müla; Israel mihtsürü bolung I ju nü shihcham tüsho yamrüplurüp ah.”

WÜHKHE 18:20 Iomraidhean Croise

THRÜNTAN 15:1

Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

MUNGSHIKHÜN 142:5

Inü nü ki zhichoh, O Atungpuh : inü tha, Nü I tsoyukpung, arhang lakhi lomi ching I shihcham.

MUNGSHIKHÜN 16:5

Atungpuh ju inü amokhitkhi shihcham tüsho I pung; I kuhi nü khah ching lah.

MUNGSHIKHÜN 73:26

I shih tüsho I mulong shekhipü kuklah; tüshe Thrünpuh ju I mulong sühmüh tüsho lünnü I shihcham.

TÜZHOKHI 3:24

“Atungpuh ju I shihcham,” I menü thachoh, “Jumonü inü api kheak mulonglambah.”

EZEKIEL 44:28

Ha arü yamrüplurüp labah: I ju arü yamrüplurüp; nünü arü kilim Israel ching yamalo müjih; I ju arü yamalo lah.

WÜHKHE 18:7

Jumonü nü lung nü tsührübo bebah kingaün sadam tüsho zhindokhim dunglim amükeam rhimo alala rhimobeah; tüsho nünü tankihbah. Atankihbe thsambah nangde inü nü kilim amükeamrü thsüshihkheah, tüshe püpürü a shepünü phünide arübanü asheshihbah.”

WÜHKHE 26:62

Levirü athrürü alala khinu khülang yungsho ju kumung wühkhekhi ju 23,000. Arübo Israelrü püpürü lung mükheyuk tümütüsho arübo a arü lung yamrüplurüp mulu.

YUZÜNGTHALO 10:9

Jumonü Levirü trük a keoniorü bolung shihcham yungsho yamrüplurüp müla; A TUN GPU H nüsa Thrünpuhnü arü ki alokhikhi nangde Atungpuh ju lang arü yamrüplurüp thsübah.)

YUZÜNGTHALO 12:12

Tüsho A TUN GPU H nüsa Thrünpuh miki nüsa tüsho nüsa tsührübo le tsührübebo, nüsa yamlarü athrürü le aliberübo, tüsho nüsa kiutobo ching lakhi Levirü bebah asühachihang, tümüde Levirü a nüsa lung nihbuh shihcham yungsho yamrüplurüp müla.

YUZÜNGTHALO 14:27

“Tüsho nüsanü kiutobo ching lakhi Levirü dübahyuk, tümüde api nüsa lung shihcham yungsho yamrüplurüp müla.

YUZÜNGTHALO 14:29

junangde nüsa lung shihcham yungsho yamrüplurüp mülarü Levirü, müshihyih-larü, mürerü, khimoberübo nüsa kiutobo ching larübo arübah reangkeamde atsühbah; junangde Atungpuh nüsa Thrünpuhnü nüsa khahnü arhimokhi alala ching müngühjihbah.

JIHUSUA 13:14

Mosanü Levi trük kilim alo müjih; Atungpuhnü Mosa ki thakhi nangde, arü a kingaünpung kheak Atungpuh Israel Thrünpuh ki taka kingaünpü ju arü yamrüplurüp ah.

JIHUSUA 13:33

Tüshe Mosanü Levirü trük kilim a yamrüplurüp tümü she müjih; apinü arü ki thakhi nangde Atungpuh Israel Thrünpuh kingaünpü ju lang arü yamrüplurüp ah.

JIHUSUA 14:3

Tümütüsho Mosanü trük mahne tüsho Jordan hobah trük chamnakkhüh kilim a yamrüplurüp jih; tüshe Levirü kilim a apinü yamrüplurüp müjih.

JIHUSUA 18:7

Tütüshe nüsa bolungnü Levirü kilim a yamrüplurüp müjih. Tümüde arü yamrüplurüp ju amükeamrü thsüde Atungpuh tankihpü ah; tüsho Gad, Reuben, tüsho Aniakhiuklim Manase trükbo a arü yamrüplurüp Jordan aniakhiuklim luabahdo, ju Atungpuh yamlarü Mosanü arü kilim jihkheah.”

AMIKHEAKAKHIUKKHI 21:3

tüsho kiulongthsü-binkiu chingnü düsheak achangnü thade inü so, “Kheahang, Thrünpuh lapung mihtsürübo lung lah. Api arü lung labah, tüsho arübo api mihtsürü thsübah, tüsho Thrünpuhnü aküdah thsüde arü lung labah tüsho arü Thrünpuh thsübah;